ꓑꓴ-ꓔ-ꓳ ꓟꓵꓽ꓾ ꓡꓴ-ꓫ-ꓬ ꓘꓹ꓾ ꓡꓴ-ꓫ-ꓘꓼ ꓡꓳ ꓗꓸ ꓘꓶꓽ ꓗꓪ ꓡꓲꓸ ꓤꓼ ꓔꓶ ꓓꓳ ꓔꓸ ꓟ ꓦ ꓟꓲ 100 ꓗꓽ ꓟꓽ ꓞꓲ ꓮ ꓙꓬ ꓟꓷꓸ ꓢꓰꓼꓳ ꓐꓰ ꓓꓳꓽ ꓜꓳ ꓡ ꓡꓳ꓿
2022 ꓘꓳꓼ 8 ꓦ 13 ꓠꓬꓲ ꓠꓯꓼ ꓝꓲꓸ ꓗꓪ ꓟꓶꓽ ꓦ ꓓꓽ ꓟ ꓜꓯꓼ ꓡ ꓠꓬꓲ꓾ ꓡꓴꓽ-ꓫ-ꓘꓼ ꓡꓳ ꓗꓸ ꓙꓲꓽ ꓟꓷꓸ ꓡ ꓢꓲꓸ ꓦ ꓟꓲ ꓠꓬ ꓡꓳꓺ ꓙꓽ ꓓꓰꓺ ꓗꓷ ꓡꓰˍ ꓟ ꓥ ꓡꓳ꓿
ꓑꓴ-ꓔ-ꓳ ꓕꓲ ꓚꓳ ꓡꓳ ꓗꓪ ꓖꓳ ꓕꓲ ꓟꓵꓽ ꓗꓪ ꓐꓰ ꓓꓳˍ ꓟ ꓜꓻ ꓠꓬ ꓜꓽ ꓟꓽ ꓡꓳꓼ ꓠꓬꓲ꓾ ꓟꓶ-ꓚꓲ-ꓠ ꓗꓪ ꓐꓰ ꓚꓰꓹ ꓓꓯꓻ ꓔꓬ ꓟ ꓥ ꓡꓳ꓿ ꓜꓽ ꓓꓴ ꓓꓳ ꓓꓴ ꓒꓵꓽ ꓓꓯꓻ ꓡ ꓡꓰ ꓐꓰ꓾ ꓙꓼ ꓞꓶ ꓪꓴꓻ ꓫꓸ ꓡ ꓠꓬꓲ ꓫꓸ ꓟ ꓦꓬꓼ ꓠꓬꓲ ꓛꓲ ꓡ ꓥꓳ ꓐꓯ ꓟ ꓠꓬ ꓢꓽ ꓢꓱ ꓢꓱꓹ ꓟꓽ ꓛꓲꓳ꓿
ꓡꓴ-ꓫ-ꓬ ꓘꓹ ꓗꓪ ꓞꓳ ꓫꓵ ꓞꓳ ꓙꓰ ꓔꓺ ꓫꓳꓹ ꓔꓬ ꓢꓲ꓾ ꓞꓳ ꓣꓳ (5000) ꓖꓼ ꓡꓯꓼ ꓖꓼ ꓙꓲ ꓔꓬ ꓡꓳ꓿
ꓐꓬꓱꓽ꓾ ꓚꓙ