ꓠꓬꓲꓸ ꓠꓬꓲ 2021 ꓘꓳꓼ 2 ꓦ 14 ꓠꓬꓲ ꓗꓪ꓾ ꓬꓥ-ꓖꓳ ꓟꓵꓽ꓾ ꓟꓳ-ꓐꓲ ꓡꓳ ꓒꓱ ꓗꓪ ꓔꓬ ꓟ ꓡꓲ-ꓢꓴ ꓬꓲꓼ ꓤ ꓠꓬꓲ ꓤ ꓐꓴ꓾ ꓟꓸ ꓢꓴ ꓧꓳꓽ ꓢꓴ ꓐꓴ ꓜꓲꓼ ꓡꓯ ꓘꓳ ꓢꓲ ꓡꓴ-ꓟꓲ ꓗꓴꓷꓼ ꓫꓵꓽ ꓪꓴ ꓪꓴ-ꓢ ꓔꓯ ꓗꓳꓹ ꓗꓷꓳ=
ꓪꓴ-ꓢ ꓔꓯ ꓗꓳꓹ ꓜꓲꓼ ꓓꓴ ꓕꓱ ꓟ ꓔꓯ ꓟꓸ ꓒ ꓮ-ꓖꓯ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓜꓲꓼ ꓛꓲ ꓡ ꓢꓴ 11 ꓣꓳ ꓡꓰ ꓣꓱꓼ ꓬꓰ ꓗꓷ ꓟ ꓥ ꓡꓳ= ꓗꓴꓷꓼ ꓫꓵꓽ ꓪꓴ ꓬꓲꓸ ꓟꓶ ꓢꓰꓼ ꓟ ꓠꓬ ꓙꓲ ꓟ ꓕꓲ ꓒꓳꓹ ꓗꓪ ꓒꓬꓱꓼ ꓡ ꓠꓹ ꓟ ꓪꓴ-ꓢ ꓔꓯ ꓡꓯꓼ ꓙꓱ ꓪꓴ ꓘꓴ ꓗꓷꓳ= ꓝꓮꓲ ꓢ ꓘꓪ ꓕꓯ ꓠꓯꓺ ꓚꓳ ꓔꓬ ꓟ ꓥꓶꓸ ꓟ ꓬꓰ ꓢꓴ ꓐꓴ ꓔꓯ ꓗꓽ ꓔꓸ ꓠꓹ ꓟ ꓥ ꓟꓲ ꓖꓪ ꓙꓱ ꓡꓯ ꓘꓳ ꓗꓷꓳ= ꓕꓱ ꓕꓲ ꓝꓲꓸ ꓠꓬ ꓗꓴꓷꓼ ꓙꓵꓽ ꓢꓴ ꓟꓽ ꓙꓳ ꓟ ꓡꓰ ꓐꓰ ꓗꓹ ꓟ ꓦꓬꓼ ꓠꓬꓲ ꓥ ꓠꓬꓲ ꓚꓲ ꓛꓬ ꓘꓹ꓾ ꓚꓲ ꓛꓬ ꓦꓲ ꓔꓯ ꓚꓲ ꓛꓬ ꓙꓵꓽ ꓡꓳꓸ ꓠ ꓗꓷ ꓡꓰ ꓟ ꓦꓬꓼ ꓠꓬꓲ ꓥ ꓡꓳ= ꓟꓶ ꓤ ꓟꓽ ꓥ ꓠꓬ ꓡꓴ-ꓟꓲ ꓗꓴꓷꓼ ꓥ ꓟꓲ ꓙꓲ ꓟ ꓕꓲ ꓒꓳꓹ ꓗꓪ ꓒꓳꓹ ꓧꓪꓸ ꓡꓰ ꓥꓳ ꓐꓰ ꓑ ꓫꓬ ꓐꓴ ꓠꓬ ꓥꓳ ꓡꓳꓸ ꓔꓬ ꓡꓳ=
ꓗꓴꓷꓼ ꓢꓲ ꓡꓲꓹ ꓐꓰ ꓒꓬꓱꓼ ꓡ ꓠꓹ ꓟ ꓫꓵꓽ ꓓꓳꓽ ꓵ ꓪ ꓢꓴ ꓮ ꓙꓵꓽ ꓥ ꓟꓲ ꓪ ꓘꓴ ꓙ ꓓꓴ ꓬꓰ ꓡꓯ=