2021 ꓘꓳꓼ 8 ꓦ 22 ꓠꓬꓲ ꓕꓯꓽ ꓡꓳ-ꓟꓳ ꓡꓳ ꓒꓱ ꓗꓔꓦ ꓕꓲ ꓟ ꓗꓪ ꓫꓸ ꓪ ꓟꓬ ꓡꓯ ꓘꓳ ꓢꓲ꓾ ꓗꓔꓦ ꓦꓲ ꓢꓴ ꓕꓲ ꓣꓳ ꓡꓰ ꓞꓳ ꓘꓹ ꓡ ꓞꓳ ꓐꓴ ꓔꓯ ꓮꓸ ꓕꓽ ꓛꓲ ꓡ ꓠꓬꓲ 3 ꓣꓳ ꓠꓻ ꓓꓴ ꓡꓰꓳ꓿
ꓒꓬꓱꓼ ꓗꓷ ꓟ ꓙ ꓖꓴ ꓠꓬ꓾ ꓤ ꓟꓶꓼ ꓡꓯꓸ ꓕꓲ ꓣꓳ ꓟꓶ ꓘꓶꓼ 11 ꓙꓵꓹ ꓗꓪ ꓛꓲ ꓦꓲ ꓗꓪ ꓟꓽ ꓬꓲꓼ ꓛꓲ ꓡ ꓠꓬꓲ꓾ ꓬꓲꓸ ꓮ ꓬꓲꓼ ꓐꓴ ꓠꓬ ꓜꓻ ꓜꓽ ꓙꓲ ꓔꓲ ꓐꓰ ꓗꓔꓦ ꓒꓴ ꓔꓸ ꓟ ꓗꓪ ꓬꓲꓸ ꓔꓯ ꓧꓪ ꓡ ꓠꓬ ꓧꓪ ꓟꓳ ꓡꓰꓳ꓿ ꓖꓳ ꓡꓱ ꓥ ꓟꓲ ꓖꓳ ꓗꓪ ꓔꓬ ꓢꓴ ꓐꓴ ꓡꓰ ꓤ ꓟꓶꓼ ꓡꓯꓸ ꓔꓯ ꓟꓽ ꓬꓲꓼ ꓡ ꓙꓰ ꓝꓲ ꓡ ꓠꓬꓲ꓾ ꓫꓸ ꓪ ꓟꓬꓽ ꓡꓯ ꓘꓳ ꓟ ꓥꓳ ꓐꓯ ꓡꓳ꓿
ꓡꓯ ꓒꓯꓹ꓾ ꓪꓴꓸ ꓓꓵ ꓐꓰ ꓟꓬ ꓢꓶꓽ ꓗꓪ ꓮ ꓕꓽ ꓛꓲ ꓜꓯꓼ ꓠꓻ ꓓꓴ ꓡꓰ ꓢꓴ 3 ꓣꓳ ꓗꓪ ꓐꓰ 2 ꓣꓳ ꓔꓯ ꓑꓴ-ꓔ-ꓳ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓛꓲ ꓡ ꓢꓲ ꓠꓻ ꓫꓬꓹ ꓔꓬ ꓡꓳ ꓐꓰ ꓢꓷꓸ ꓪ ꓡꓳ꓿