ꓟꓬ-ꓟ ꓗꓴꓷ; ꓡꓲ-ꓢꓴ ꓕꓳ ꓶ ꓐꓰ ꓡꓲ: ꓒꓰ ꓜꓴ ꓚꓰ .. ꓞꓳ ꓡꓱ ꓗꓳ ꓟꓲ ꓔꓲ ꓜꓴ ꓐꓰ ꓖꓪ ꓛꓰ, (ꓛꓬ ꓥꓳ:) ꓟ. ꓒ: ꓐꓴ ꓔ ꓢꓲ꓾( 2) ꓧꓪ ꓕꓲ: ꓧꓪ ꓖꓪ ꓛꓰ, (ꓛꓬ ꓥꓳ:) ꓢꓳ ꓟ ꓢꓳ ꓜꓲ; ꓓꓴ ꓔꓯ ꓠꓬꓲ ꓠꓬꓲ 6.1.2021 ꓠꓬꓲ ꓗꓪ ꓧꓪ ꓧꓪ ꓐꓰ ꓢꓳ ꓓꓳ ꓡꓰꓳ ꓐꓰ ꓢꓷ. ꓪ ꓡꓳ= ꓠꓬꓲ ꓖꓴ ꓠꓬ ꓟꓲ-ꓚꓲ-ꓠ ꓟꓵ: ꓑ-ꓟꓶ-ꓔꓲ ꓘ, ꓗꓪ ꓙꓳ ꓟ ꓡꓲ-ꓢꓴ ꓡꓲ: ꓒꓰ; ꓣꓳꓥ, ꓦꓲ ꓗꓪ ꓥ ꓡꓳ= ꓢꓳ ꓧꓪ. ꓡꓰ ꓢꓴ ꓢꓳ ꓒ: ꓢꓳ : ꓐꓴ ꓮ ꓙꓵ: ꓠꓬ 20 ꓣꓳ ꓟ: ꓞꓲ ꓙꓳ ꓡꓳ ꓐꓰ ꓐꓯ ꓡꓳ= ꓝꓮꓲ ꓕꓲ: ꓧꓪ ꓟꓲ ꓟ: ꓟꓶ ꓫꓵ ꓕꓯ ꓢꓳ ꓓꓴ ꓥꓳ ꓐꓰ ꓢꓷ. ꓪ ꓡꓳ= ꓬꓲ. ꓝꓲ ꓛꓲ ꓡ ꓕꓯ ꓡꓯ; ꓫꓵ ꓢꓷ. ꓖꓶ: ꓓꓴ ꓥꓳ=
ꓖꓪ ꓛꓰ (ꓛꓬ ꓥꓳꓽ) ꓟꓸ ꓢꓴ ꓠꓬ ꓑꓴ-ꓔ-ꓮꓳ ꓡꓳ ꓒꓱꓼ꓾ ꓧꓳ-ꓘꓳ ꓘꓹ ꓗꓪ ꓔꓬ ꓢꓴ ꓥꓳ=ꓟꓸ ꓒꓽ ꓥꓪ-ꓩꓴ-ꓢ ꓐꓰ ꓟꓸ ꓒꓽ ꓥꓪ-ꓬꓳ-ꓐꓳ ꓐꓴ ꓥ ꓡꓳ=ꓬꓲꓸ ꓪ ꓠꓬꓲ ꓫꓵꓸ ꓠꓬ ꓮ ꓬꓲꓸ ꓠꓬꓲ ꓤ ꓕꓲ ꓦꓲ ꓡ ꓞꓳ ꓗꓪ ꓐꓰ ꓥ ꓡꓳ= ꓗꓳꓸ ꓗꓷ_ ꓟ ꓗꓪ ꓟꓲ ꓑꓴ-ꓔ-ꓮꓳ ꓗꓪ ꓔꓬ ꓢꓴ ꓐꓴ ꓞꓳ ꓡꓱ ꓐꓴ ꓮ ꓟꓬ ꓣꓳ ꓔꓯ ꓖꓪ ꓛꓰ(ꓛꓬ ꓥꓳꓽ) ꓟꓸ ꓗꓳꓸ ꓡ ꓢꓴ ꓐꓴ ꓥ ꓡꓳ= ꓮ ꓟꓶ ꓬꓲꓸ ꓪ ꓠꓬꓲ ꓣꓳ ꓠꓬ ꓟꓲ-ꓚꓲ-ꓠ ꓟꓵꓽ ꓗꓪ ꓔꓬ ꓡꓳ=