The Lisu Times ꓔꓯ ꓵ.. ꓢꓯ; ꓖꓶ: ꓔꓬ ꓢꓴ ꓮ ꓙꓵ: ꓢꓴ ꓧꓪ. ꓧꓪ.;
ꓠꓬꓲ ꓠꓬꓲ ꓠꓬ ꓣꓳ ꓡꓲ-ꓢꓴ ꓒꓵ: ꓒ: ꓐꓴ ꓓꓳ ꓡ ꓟ ꓟꓵ: ꓐꓰ ꓡꓲ-ꓢꓴ ꓒꓵ: ꓒ: ꓚꓰ ꓔꓯ ꓟꓳ. ꓐꓯ ꓟ. ꓖꓶ: ꓠꓲ, ꓫꓵ ꓡꓳ= ꓣꓳ ꓡꓲ-ꓢꓴ ꓒꓵ: ꓒ: ꓐꓴ ꓠꓬ ꓮ ꓡꓰ ꓗꓪ ꓐꓰ ꓓꓳ ꓡ ꓡ? ꓐꓰ ꓞꓳ ꓟꓳ: ꓞꓳ ꓔꓲ ꓐꓴ ꓐꓰ ꓢꓷ. ꓢꓴ ꓗꓴ. ꓢꓴ ꓐꓴ ꓔꓯ ꓠ ꓠꓬꓲ ꓢꓲ ꓧꓪ ꓟꓰ, ꓠꓬꓲ ꓕꓯ ꓟ: ꓫꓱ, ꓡꓯ ꓘꓳ ꓟ ꓠꓬꓲ ꓖꓴ 4 ꓖ ꓗꓪ ꓐꓰ ꓓꓳ ꓡ ꓡꓳ ꓐꓰ ꓒꓳ, ꓖꓶ: ꓡ ꓡꓳ=
- ꓣꓳ ꓡꓲ-ꓢꓴ ꓒꓵ: ꓐꓴ ꓠꓬ ꓟꓳ-ꓗꓴ-ꓡꓲ-ꓬ (ꓟongolia) ꓟꓵ: ꓗꓪ ꓐꓰ ꓓꓳ ꓡ ꓡꓳ ꓐꓰ ꓐꓯ ꓡꓳ=
- ꓝꓮꓲ ꓠꓬꓲ: ꓫꓵ: ꓕꓲ: ꓫꓵ: ꓠꓬ ꓟ:-ꓡꓳ,-ꓪ-ꓚꓲ ꓟꓵ: ꓗꓪ ꓐꓰ ꓓꓳ ꓡ ꓡꓳ ꓐꓰ ꓐꓯ ꓡꓳ= ꓟ-ꓡꓳ-ꓪ-ꓚꓲ ꓐꓯ ꓟ ꓠꓬ ꓮ ꓘꓶ. ꓟꓴ ꓟ ꓪ ꓚꓲ꓾ ꓟꓴ ꓡꓳ, ꓬꓰ ꓟ ꓪ ꓚꓲ ꓔꓯ ꓐꓯ ꓡꓳ=
- ꓝꓮꓲ ꓢ ꓫꓵ: ꓕꓲ: ꓫꓵ: ꓗꓪ ꓠꓬ ꓗꓴ.-ꓓꓴ ꓠꓯ ꓬꓲ ꓡꓳ ꓗꓪ ꓐꓰ ꓓꓳ ꓡ ꓡꓳ ꓐꓰ ꓐꓯ ꓡꓳ=
- ꓝꓮꓲ ꓬꓲ. ꓟꓶ ꓕꓲ: ꓫꓵ: ꓟ ꓠꓬ ꓗꓪ-ꓜꓴ ꓟꓵ: (Tibet) ꓔꓯ ꓟꓳ ꓗꓪ ꓐꓰ ꓓꓳ ꓡ ꓡꓳ ꓐꓰ ꓐꓯ ꓢꓴ ꓟꓲ ꓙꓳ ꓡꓳ= ꓣꓳ ꓡꓲ-ꓢꓴ ꓒꓵ: ꓒ: ꓟꓬꓱ.. ꓠꓬ ꓳ:-ꓑ-ꓒ: ꓐꓰ ꓒꓵ: ꓟ ꓟꓬꓱ.. ꓠꓬ ꓟꓰ,-ꓮ-ꓟꓲ ꓐꓰ ꓐꓯ ꓡꓳ= ꓣꓳ ꓒꓵ: ꓒ: ꓳ:-ꓑ-ꓒ: ꓠꓬ ꓢꓯ; ꓮ ꓘꓶ. ꓙꓳ ꓟ ꓢꓯ; ꓙꓳ ꓒ: ꓥ ꓢꓲ ꓾ ꓮ ꓪꓯ; ꓕꓲ: ꓘ, ꓔꓯ ꓕꓲ ꓣꓳ ꓔꓵ. ꓜ ꓗꓷ ꓘꓴ ꓡꓳ= ꓫꓵ: ꓬꓦ; ꓫꓵ: ꓠꓬꓲ ꓙꓵ ꓓꓳ ꓟꓲ ꓬꓲ; ꓡ ꓟ ꓗꓴ= ꓬꓲ ꓖꓳ ꓓꓱ ꓠꓬ ꓪꓴ: ꓟꓲ ꓪꓴ: ꓟꓴ ꓟꓲ ꓟꓴ ꓢꓲ ꓬꓲ ꓡꓰ ꓐꓰ ꓢꓯ; ꓙꓳ ꓢꓴ ꓠꓱ. ꓐꓯ ꓟ: ꓙꓳ= ꓣꓳ ꓒꓵ: ꓒ: ꓖꓳ ꓕꓲ: ꓣꓳ ꓠꓬ ꓤ: ꓟꓶ ꓫꓵ: ꓟꓶ: ꓫ ꓢꓲ ꓾ ꓖꓳ ꓫꓵ: ꓟꓶ ꓗꓪ ꓐꓰ ꓡꓲ-ꓢꓴ ꓫꓵ: ꓦꓲ ꓘꓴ: ( ꓥꓪ. ꓒ:꓾ ꓐꓬ ꓒ: ꓾ꓡ: ꓒ: ) ꓐꓰ ꓐꓯ ꓟ ꓦꓲ ꓘꓴ ꓐꓴ ꓟꓬ: ꓡ_ꓡꓳ꓾ꓐꓰ ꓐꓯ ꓡꓳ= ꓮ ꓟꓶ ꓕꓳ ꓶ ꓵꓸꓸ ꓔꓬ ꓢꓴ ꓠꓴ ꓡꓲꓸ ꓮ ꓡꓲ ꓢꓷꓸ ꓔ ꓡ?ꓐꓯ ꓟꓸ ꓖꓶ ꓡꓯ=ꓚꓳꓟꓟꓰꓠꓔ ꓬꓰ ꓖꓶ= ꓫ ꓟꓳ=