ꓡꓠꓓꓑ ꓔꓯ ꓚꓚꓑ ꓗꓪ ꓐꓰ ꓐꓳ ꓡꓽ ꓩꓴ ꓡ ꓟ ꓕꓳ ꓶ

ꓗꓳꓸ ꓗꓷ ꓟ 2021 ꓘꓳꓼ 7 ꓦ ꓟ ꓘꓴꓽ ꓗꓪ ꓠꓬ ꓧꓶ ꓗꓴꓷꓼ ꓗꓳ-ꓟꓴ-ꓠꓰꓼ ꓑ-ꓔꓲ ꓔꓶꓺ ꓗꓷ ꓟ 100 ꓘꓳꓼ ꓐꓲ ꓡꓰ ꓟ ꓦꓬꓼ ꓠꓬꓲ ꓥ ꓢꓲ꓾ ꓛꓬꓹ ꓑ-ꓔꓲ ꓗꓪ ꓐꓰ ꓗꓹ ꓛꓲ ꓓꓳꓹ ꓟꓴ ꓕꓳ ꓶ ꓦ ꓖꓶ ꓩꓴ ꓡ ꓟ ꓘꓳ ꓣꓴ ꓟꓶ ꓠꓬꓲ ꓫꓸ ꓟꓳ ꓡꓳ ꓐꓰ ꓚꓚꓑ ꓗꓪ ꓐꓰ ꓕꓳ ꓶ ꓐꓳ ꓡꓽ ꓩꓴ ꓡ ꓡꓳ꓿

“100 ꓘꓳꓼ ꓐꓲ ꓡꓰ ꓟ ꓑꓮꓲ ꓗꓪ ꓢꓽ ꓡ ꓙꓵꓽ ꓫꓱ-ꓟꓷ ꓠꓴ ꓚꓲ ꓛꓬ ꓳ-ꓡꓮꓲꓹ ꓗꓪ ꓐꓰ ꓜꓲꓼ ꓛꓲ ꓡ ꓟ ꓡꓰꓽ ꓟꓽ ꓞꓲ꓾ ꓕꓱ ꓡꓱ ꓜꓲꓼ ꓗꓷ ꓟ ꓔꓯ ꓢꓳꓚꓲꓮꓡ ꓟꓰꓓꓲꓮ ꓗꓪ ꓟꓳꓸ ꓖꓶ ꓩꓴ ꓡ ꓟ ꓠꓬ ꓣꓳ ꓙ ꓡꓯ ꓘꓳ ꓚꓱꓹ ꓔꓯ ꓮ ꓟꓬ ˍꓛꓲ ꓒꓵꓽ ꓟ ꓟꓳꓸ ꓖꓶ ꓓꓳ ꓡ ꓡꓳ꓿ ꓚꓳꓦꓲꓓ-19 ꓔꓯ ꓗꓽ ꓠꓹ ꓟ ꓗꓪ꓾ ꓙꓵꓽ ꓚꓱꓹ ꓟꓴ ꓚꓱꓹ ꓗꓪ ꓣꓳ ꓪꓽ ꓡꓯ ꓘꓳ ꓢꓲ ꓑ ꓫꓬ ꓐꓴ ꓐꓱ ꓶ ꓙꓲ ꓖꓴ ꓒꓬꓱꓼ ꓡ ꓝꓲ ꓐꓰ ꓥꓳ ꓡꓳꓸ ꓡꓳ” ꓐꓰ ꓕꓳ ꓶ ꓗꓪ ꓐꓳ ꓔ ꓡꓳ꓿