ꓣꓳ-ꓟ ꓟꓵꓽ ꓗꓪ ꓬꓲ ꓪꓴꓸ ꓓꓵ ꓙ ꓚꓰꓼ ꓕꓴꓸ ꓒꓽ ( entrepreneur ) ꓕꓲ ꓣꓳ ꓡꓰ ꓠ ꓡꓲꓺ 3 ꓧꓶ ꓑꓲ-ꓜ (Pizza) ꓫꓬꓹ ꓙ; ꓕꓲ ꓟ ꓚꓰꓼ ꓓꓳ ꓩꓴ ꓡ ꓡꓳ꓿
ꓣꓳ-ꓟ ꓞꓳ ꓫꓵꓽ ꓠꓬ ꓑꓲ-ꓜ ꓐꓯ ꓟ ꓠꓸ ꓒꓵꓼ ꓑ ꓑ ꓕꓲ ꓫꓵꓽ ꓔꓯ ꓮ ꓘꓶꓸ ꓜꓽ ꓠꓵ ꓢꓴ ꓥ ꓟ ꓡꓰ ꓐꓰ꓾ ꓠꓲꓹ ꓞ ꓫꓬꓹ ꓜꓽ ꓐ ꓡ ꓠꓹ ꓟ ꓚꓴꓽ ꓬꓲꓹ ꓓꓶꓽ ꓢꓲ꓾ ꓚꓰꓼ ꓓꓳ ꓡ ꓟ ꓥꓳ꓿ ꓕꓱ ꓟ ꓠꓬ ꓑꓲ-ꓜ ꓜꓽ ꓠꓲꓹ ꓫꓵ ꓢꓴ ꓮ ꓙꓵꓽ ꓢꓴ ꓐꓱ ꓶ ꓥꓳ ꓐꓯ ꓡꓳ꓿
“ꓕꓱ ꓟ ꓠꓬ ꓢꓴ ꓔꓯ ꓔꓯꓺ ꓔꓬ ꓟ ꓟꓽ ꓥ꓿ ꓕꓲ ꓡꓲ ꓖꓶ ꓬꓰ ꓜꓽ ꓙꓲ ꓥ ꓐꓯ ꓓꓴ ꓟ ꓟꓸ ꓖꓶ ꓔꓬ ꓟ ꓥ ꓡꓳ꓿ ” ꓐꓰ 46 ꓘꓳꓼ ꓙꓳ ꓟ ꓐꓳ-ꓚꓳ-ꓡꓳ ꓡꓰ ꓐꓯ ꓡꓳ꓿ ꓧꓶꓸ ꓕꓯ ꓬꓲꓸ ꓠꓬ ꓠꓯ ꓞꓲꓼ ꓫꓬꓹ ꓚꓱꓹ ꓶ ꓤ ꓶ ꓡꓯꓼ ꓬꓰ ꓢꓴ ꓥ ꓢꓲ꓾ ꓮ ꓟꓶ ꓠꓬ ꓑꓲ-ꓜ ꓫꓬꓹ ꓙꓼ ꓚꓰꓼ ꓪꓴꓸ ꓔꓴ ꓢꓴ ꓒꓬꓱꓼ ꓡ ꓡꓳ꓿
ꓣꓳ-ꓟ ꓐꓴ ꓠꓬ ꓜꓽ ꓫꓵ ꓜ ꓙꓰ ꓚꓰꓼ ꓜꓽ ꓟ꓾ ꓚꓸ ꓜꓽ ꓟ ꓚꓱꓹ ꓔꓯ ꓮꓓ 100 ꓘꓳꓼ ꓛꓲ ꓕꓯ ꓡꓰ ꓜꓲ ꓜꓲ ꓟꓴ ꓟꓴ ꓕꓳ ꓶ ꓐꓳ ꓢꓲꓸ ꓢꓳ ꓗꓳꓸ ꓡ ꓟ ꓚ ꓟꓲꓽ ꓙꓳ ꓢꓴ ꓐꓴ ꓥ ꓡꓳ꓿