ꓠ-ꓟ-ꓔꓴ ꓐꓳ-ꓔꓱꓸ ꓒꓵꓽ ꓚꓴꓸ ꓟꓬꓱꓽ ꓬꓰ ꓚꓱꓹ (Namtu Bawdwin Mines Project) ꓗꓪ ꓐꓰ ꓳ-ꓢꓲ-ꓔꓯ-ꓡꓲ-ꓬ ꓶ ꓡꓯꓼ ꓜꓴ (Australia based mining company) ꓠꓬ ꓬꓲꓸ ꓪ ꓶꓽ ꓔꓯ ꓪꓴꓽ ꓩꓴ ꓢꓲꓸ ꓟꓬ-ꓟ ꓗꓴꓷꓼ ꓗꓪ ꓐꓰ ꓓꓳ ꓙꓰ ꓓꓴ ꓙ ꓖꓶꓽ ꓔꓬ ꓡꓳ ꓐꓰ 7 ꓦ 21 ꓠꓬꓲ ꓔꓯ ꓐꓯ ꓓꓳ ꓡ ꓡꓳ=
ꓖꓳ ꓶ ꓡꓯꓼ ꓜꓴ ꓠꓬ ꓟꓬ-ꓟ ꓟꓰ-ꓔꓯ (Myanmar Metals) ꓟꓬꓱꓺ ꓔꓸ ꓢꓲ꓾ ꓓꓳ-ꓡ 300 ꓪꓹ ꓒꓵꓽ ꓟ ꓒꓵꓽ ꓚꓴꓸ ꓟꓬꓱꓽ ꓬꓰ ꓚꓱꓹ ꓗꓪ 51% ꓒꓴ ꓗꓶ ꓧꓳꓽ ꓔꓸ ꓟ ꓕꓲ ꓜꓴ ꓥ ꓡꓳ= ꓮ ꓡ ꓓꓳ ꓡ 150 ꓪꓹ ꓟꓽ ꓞꓲ ꓥ ꓡꓳ= ꓖꓳ ꓡꓱ ꓥ ꓟꓲ ꓟꓬ-ꓟ ꓗꓴꓷꓼ ꓗꓪ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓑꓶꓸ ꓓꓴ ꓟꓬꓱꓽ ꓬꓰ ꓗꓸ ꓟꓽ ꓘꓳ ꓡ ꓠꓬꓲ꓾ ꓬꓲꓸ ꓪ ꓶꓽ ꓔꓯ ꓪꓴꓽ ꓢꓲꓸ ꓓꓳ ꓙꓰ ꓠꓹ ꓟ ꓙꓽ ꓖꓶ ꓔꓬ ꓡꓳ ꓐꓰ ꓐꓯ ꓒꓬꓱ ꓩꓴ ꓡ ꓟ ꓥ ꓡꓳ=
ꓬꓲꓸ ꓪ ꓡꓰ ꓪꓴꓽ ꓖꓶ ꓡ ꓠꓬ꓾ ꓓꓳ ꓡ 66 ꓪꓹ ꓖꓶꓽ ꓓꓴ ꓥꓳ ꓐꓯ ꓢꓲꓸ ꓧꓶꓽ ꓒꓽ ꓶ ꓡꓯꓼ ꓜꓴ ꓕꓲ ꓜꓴ ꓡꓰ ꓝꓰꓹ ꓔꓬ ꓡꓳ= ꓦꓰꓼ ꓟ ꓠꓻ ꓔꓬ ꓟ ꓝꓲꓸ ꓗꓪ ꓕꓲ ꓐꓶꓽ ꓕꓯ ꓢꓲ ꓬꓲꓻ ꓢꓲꓸ ꓪꓴꓽ ꓡ ꓥ ꓢꓶ ꓐꓯ ꓓꓴ ꓟ ꓚꓹ ꓟꓽ ꓗꓴꓸ ꓢꓰ=
ꓗꓴꓷꓼ ꓠꓬ ꓙꓵꓽ ꓪ ꓦꓴ ꓢꓴ ꓐꓴ ꓡꓰ ꓐꓯ ꓟ ꓡꓰ ꓐꓰ ꓔꓱꓹ ꓜꓳ ꓟ ꓐꓰ꓾ ꓪꓴꓽ ꓟꓴ ꓡ ꓚꓱꓹ ꓗꓪ ꓟꓽ ꓙꓰꓳ= ꓶ ꓡꓯꓼ ꓬꓰ ꓜꓴ ꓐꓴ ꓕꓲ ꓟ ꓗꓸ ꓠꓯꓸ ꓕꓲ ꓟ ꓓꓳ ꓙꓰ ꓟ ꓠꓬ ꓗꓴꓷꓼ ꓡꓯꓽ ꓟꓰꓹ ꓞꓰ ꓡꓰ ꓔꓬ ꓟ ꓢꓷꓸ ꓡꓰ ꓓꓴ ꓥ ꓡꓳ=