ꓠꓼ-ꓢ ꓙꓱ ꓦꓲ ꓟꓯꓼ ꓒꓱ ꓗꓪ ꓟꓯꓼ ꓜꓲꓽ ꓕꓲ ꓣꓳ ꓓꓳꓼ ꓜꓽ ꓫꓵꓻꓳ

ꓮ-ꓢ ꓟꓵꓽ ꓖꓳ ꓟꓶꓸ꓾ ꓠꓼ-ꓢ ꓡꓳ ꓒꓱ ꓗꓪ ꓙꓳˍ ꓟ ꓙꓱ ꓦꓲ ꓟꓯꓼ ꓒꓱ ꓗꓪ ꓟꓯꓼ ꓜꓲꓽ ꓕꓲꓽ ꓣꓳ ꓠꓬ 2022 ꓘꓳꓼ 8 ꓦ 31 ꓠꓬꓲ ꓟꓶ ꓘꓶꓼ 3 ꓙꓵꓹ ꓛꓲ ꓕꓯꓽ ꓦꓲ ꓘꓴ ꓗꓪ ꓓꓳꓼ ꓜꓽ ꓗꓷ ꓢꓲ꓾ 4 ꓙꓵꓹ ꓛꓲ ꓕꓯꓽ ꓮꓳ-ꓑꓸ ꓟꓯꓼ ꓠꓯ ꓞꓲꓼ ꓦꓲ ꓗꓪ ꓢꓯꓼ ꓟ ꓞꓰꓹ ꓬꓰꓳ꓿

“ꓓꓳꓼ ꓜꓽ ꓢꓲꓸ ꓬꓲꓸ ꓢꓲꓽ ꓒꓰꓼ ꓓꓳ ꓡ ꓓꓴ ꓟ ꓔꓯ ꓬꓲꓸ ꓬꓯꓸ ꓪꓵ ꓟꓳ ꓡꓰ ꓢꓲ꓾ ꓠꓼ-ꓢꓽ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓖꓶ ꓕꓯꓽ ꓟꓽ ꓘꓳ ꓣꓴ ꓡ ꓠꓬꓲ꓾ ꓮꓳ-ꓑꓸ ꓟꓯꓼ ꓠꓯ ꓞꓲꓼ ꓦꓲ ꓗꓪ ꓧꓳꓽ ꓙꓰ ꓥ ꓟꓲ꓾ ꓫꓬꓹ ꓟꓽ ꓓ ꓢꓲꓸ ꓟꓶ ꓘꓶꓼ 4 ꓙꓵꓹ ꓛꓲ ꓕꓯꓽ ꓫꓵꓻꓳ” ꓐꓰ ꓟꓯꓼ ꓔꓯ ꓡꓯꓼ ꓠꓶꓽ ꓢꓴ ꓡꓰ ꓐꓯ ꓡꓳ꓿

ꓓꓳꓼ ꓓꓳ ꓫꓵꓻ ꓢꓴ ꓙꓱ ꓦꓲ ꓟꓯꓼ ꓜꓲꓽ ꓬꓲꓸ ꓟꓬꓱꓺ ꓠꓬ꓾ ꓛꓸ-ꓥꓰꓹ (32 ꓘꓳꓼ) ꓥ ꓡꓳ꓿ ꓬꓲꓸ ꓗꓸ ꓠꓯꓸ ꓢꓲ ꓗꓪ ꓦ ꓐ 9 ꓟ ꓙꓳˍ ꓟ ꓬꓲꓸ ꓤ ꓟꓶꓼ ꓕꓲꓽ ꓣꓳ ꓐꓰ ꓦꓲ ꓢꓲꓺ ꓟ ꓜꓰ ꓒꓰꓹꓳ ꓐꓯ ꓡꓳ꓿

ꓬꓲꓸ ꓚꓰ꓾ Shan News