ꓠꓵꓽ ꓢꓯꓼ ꓢꓷꓸ ꓠꓲꓹ ꓙꓳ ꓒꓽ ꓟꓲꓹ-ꓟꓳ-ꓗꓴꓸ ꓳ-ꓢꓲ-ꓔꓯ-ꓡꓲ-ꓬ ꓗꓪ ꓛꓲ ꓔꓬ ꓟ ꓟꓲꓸ ꓟꓲ 2022 ꓘꓳꓼ 7 ꓦ 30 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓟꓬ-ꓟ ꓓꓰ-ꓟꓳ-ꓗꓯ-ꓢꓰ ꓚꓱꓹ ꓑꓶꓸ ꓓꓴ ꓙꓲꓲ-ꓟꓲ ꓐꓰ ꓜꓯ-ꓬ-ꓔꓳ ꓐꓴ (4) ꓣꓳ ꓔꓯ ꓟꓬ-ꓟ ꓟꓯꓼ ꓠꓰ ꓐꓱ ꓓꓴꓽ ꓗꓪ ꓢꓰꓼ ꓗꓷ ꓟ ꓔꓯ ꓒꓳꓹ ꓔꓳꓹ ꓟ ꓜꓲꓼ ꓓꓴ ꓔꓯ ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ꓾ ꓟꓯꓹ-ꓐꓳꓹ ꓡꓳ ꓒꓱ꓾ Federation Square ꓗꓪ ꓬꓰˍ ꓟ ꓥ ꓢꓲ꓾ ꓠꓵꓽ ꓢꓯꓼ ꓢꓷꓸ ꓠꓲꓹ ꓙꓳ ꓒꓽ ꓟꓲꓹ-ꓟꓳ-ꓗꓳꓸ ꓖꓳ ꓗꓪ ꓜꓲꓼ ꓛꓲ ꓡ ꓓꓲꓸ ꓫꓸ ꓕꓱ ꓡꓳ꓿
ꓮ ꓗꓪ ꓛꓲ ꓥ ꓟꓲ ꓑꓓꓝ ꓟꓯꓼ ꓔꓯ ꓬꓰ ꓙ ꓔꓳꓹ ꓙ ꓚꓱꓹ ꓗꓪ ꓮ ꓘꓶꓸ ꓢꓯ; ꓕꓵꓼ ꓔꓬ ꓟ ꓐꓰ꓾ ꓟꓯꓼ ꓘꓶꓽ ꓠꓬ ꓬꓲꓸ ꓙꓵꓹ ꓟꓶ ꓫꓵ ꓫꓵ ꓬꓰ ꓟꓽ ꓓ ꓐꓯˍ ꓟ ꓔꓯ ꓟꓳꓸ ꓢꓯꓼ ꓖꓶ ꓫꓸ ꓕꓱ ꓡꓳ꓿
“ꓥꓪ ꓕꓱ ꓗꓪ ꓛꓲ ꓔꓬ ꓟ ꓮ ꓙꓵꓽ ꓢꓴ ꓔꓯ ꓟꓸ ꓖꓶ ꓥꓳ꓿ ꓧꓶꓸ ꓕꓯꓽ ꓠꓬ ꓥꓪ ꓐꓹ ꓐ ꓟꓹ ꓟ ꓐꓱ ꓶ ꓙꓲ ꓣꓴ ꓓꓴ ꓙꓳˍ ꓠꓬꓲ ꓟꓽ ꓪꓳꓹ ꓔꓬ ꓡꓳ꓿ ꓖꓳ ꓡ3 ꓥ ꓟꓲ ꓐ ꓡ ꓟ ꓕꓲ ꓒꓳꓹ ꓗꓪ ꓐꓰ ꓑꓓꓝ ꓟꓯꓼ ꓐꓴ ꓔꓯ ꓔꓳꓹ ꓪ ꓪꓳꓽ ꓙ ꓚꓱꓹ ꓢꓯꓼ ꓩꓴ ꓔꓬ ꓟ ꓥꓳ꓿ … ꓝꓮꓲ ꓟꓯꓼ ꓘꓶꓽ ꓔꓯ ꓠꓲꓹ ꓞ ꓓꓶꓽ ꓧꓪꓸ ꓗꓰ ꓠꓹ ꓟ ꓮ ꓙꓵꓽ ꓢꓴ ꓢꓯꓼ ꓩꓴ ꓓꓴ ꓬꓰ ꓡꓯ” ꓐꓰ ꓠꓵꓽ ꓢꓯꓼ ꓢꓷꓸ ꓠꓲꓹ ꓙꓳ ꓒꓽ ꓟꓲꓹ-ꓟꓳ-ꓗꓴꓸ ꓡꓰ ꓐꓯ ꓡꓳ꓿
ꓠꓴꓖ ꓗꓪ ꓐꓰ ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ ꓔꓯ ꓙ ꓡꓯ ꓘꓳ ꓓꓴ ꓙꓵꓽ ꓦꓲ ꓕꓲ ꓟ ꓗꓲ-ꓐ-ꓬ ꓡꓳ ꓒꓱ ꓗꓪ ꓒꓴ ꓠꓹ ꓟ ꓙꓽ ꓖꓶ ꓔꓬ ꓢꓲꓸ ꓠꓵꓽ ꓢꓯꓼ ꓢꓷꓸ ꓠꓲꓹ ꓙꓳ ꓒꓽ ꓟꓲꓹ-ꓟꓳ-ꓗꓴꓸ ꓖꓳ ꓗꓪ ꓟꓬꓱꓽ ꓬꓰ ꓠꓹ ꓟ ꓥꓳ ꓐꓰ ꓬꓲꓸ ꓓꓳꓽ ꓜꓳ ꓔꓬ ꓡꓳ꓿