ꓠꓴꓖ ꓢꓲꓽ ꓒ ꓐꓴ ꓴꓢꓮ ꓢꓲꓽ ꓒꓽ ꓐꓴ ꓔꓯ ꓦꓲ ꓒꓴ ꓒꓴ ꓗꓪ ꓜꓲ ꓡꓯ ꓘꓳ

2022 ꓘꓳꓼ 4 ꓦ 6 ꓠꓬꓲ ꓕꓯꓽ ꓠꓴꓖ ꓗꓪ ꓟ ꓡ ꓞꓳ ꓶꓽ ꓔꓯ ꓟꓳꓸ ꓢꓲꓽ ꓒꓽ ꓓꓽ ꓟ ꓮꓳ-ꓟꓬꓳꓹ-ꓟꓰꓹ ꓐꓰ ꓢꓲꓽ ꓒꓽ ꓐꓴ꓾ ꓴꓢꓮ ꓗꓴꓷꓼ ꓢꓲꓽ ꓒꓽ ꓐꓴ ꓔꓯ ꓦꓲ ꓒꓴ ꓒꓴ ꓗꓪ ꓜꓲ ꓡꓯ ꓘꓳ ꓡꓳ꓿

ꓜꓲ ꓡꓯ ꓘꓳˍ ꓟ ꓗꓪ ꓴꓢꓮ ꓗꓴꓷꓼ ꓡꓳꓸ ꓙ ꓗꓽ ꓙ ꓚꓱꓹ ꓐꓶ ꓓꓳ ꓮ-ꓢꓲ-ꓬ ꓔꓯ ꓟꓳꓸ ꓢꓲꓽ ꓒꓽ ꓓ ꓟ Mr. Egatd Kavan ꓐꓰ꓾ Large for Global Criminal Justice ꓗꓪ ꓟ ꓝꓲ ꓓꓴ ꓐꓴ ꓔꓯ ꓜꓲ ꓡꓯ ꓘꓳ ꓟ ꓥ ꓡꓳ꓿

ꓟꓬ-ꓟ ꓐꓱ ꓶ ꓓꓳ ꓡ 136 ꓪꓹ ꓔꓳꓹ ꓙ ꓬꓰ ꓙ ꓓꓴ ꓚꓱꓹ ꓐꓰ꓾ ꓣꓳ-ꓦꓲ-ꓙ ꓞꓳ ꓛꓴ ꓞꓰꓹ ꓠ ꓢꓰꓼ ꓟ ꓚꓱꓹ꓾ ꓠꓱꓸ ꓐꓯꓼ ꓬꓲ ꓫꓵ ꓬꓲ ꓙꓰ ꓖꓪ ꓙꓱ ꓗꓷꓳ ꓐꓯ ꓡꓳ꓿

ꓠꓴꓖ ꓗꓪ ꓐꓰ ꓡ ꓞꓳ ꓶꓽ ꓔꓯ ꓟꓳꓸ ꓢꓲꓽ ꓒꓽ ꓮꓳ-ꓟꓬꓳꓹ-ꓟꓰ꓾ ꓐꓶ ꓗꓴꓷꓼ ꓔꓯ ꓟꓳꓸ ꓢꓲꓽ ꓒ ꓠꓬꓲ ꓣꓳ ꓕꓲ ꓣꓳ ꓟ ꓟꓳꓹ-ꓜꓳ-ꓳꓸ꓾ ꓝꓮꓲ ꓮ-ꓢꓰ-ꓬ ꓜꓴ ꓐꓱ ꓶ ꓢꓲꓽ ꓒꓽ ꓐꓳ-ꓡꓼ-ꓔꓲꓼ ꓐꓴ ꓐˍ ꓡꓳ꓾ ꓐꓯ ꓡꓳ꓿

ꓴꓢꓮ ꓠꓬ ꓟꓽ ꓐꓯ ꓒꓴ ꓥ ꓟꓲ꓾ ꓠꓴꓖ ꓔꓯ ꓕꓱ ꓡꓱ ꓘꓳ ꓣꓴ ꓢꓲꓸ ꓖꓪ ꓙꓱ ꓡ ꓟ ꓠꓬ ꓠꓴꓖ ꓔꓯ ꓟꓬ-ꓟ ꓗꓴꓷꓼ ꓙꓵꓽ ꓜꓴ꓾ ꓑ ꓫꓬ ꓡꓰ ꓢꓲꓻ ꓔꓸ ꓟ ꓜꓴ ꓥ ꓡꓳ ꓐꓰ ꓟꓳꓸ ꓖꓶꓽ ꓔꓬ ꓟ ꓥꓳ꓾ ꓐꓰ ꓢꓲꓽ ꓒ ꓮꓳ-ꓟꓬꓳꓹ-ꓟꓰꓹ ꓡꓰꓽ ꓐꓯ ꓡꓳ꓿