ꓠꓴꓖ ꓡꓰ ꓑ ꓫꓬ ꓙꓵꓽ ꓜꓴ ꓒꓴ ꓔꓬ ꓟ ꓠꓬ ꓩꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓟꓴ ꓚꓱꓹ ꓙ ꓟꓳ ꓘꓶꓽ ꓡꓳ ꓚ ꓟꓽ ꓥ ꓐꓰ ꓗ-ꓬ ꓟꓵꓽ ꓢꓲꓽ ꓒꓽ ꓘꓴ-ꓠꓬꓹ-ꓬꓯꓽ ꓗꓪ ꓐꓰ ꓡꓯꓼ ꓥꓰ ꓗꓯꓸ ꓩꓴ ꓡ ꓡꓳ꓿
ꓕꓱ ꓟ ꓔꓯ ꓟꓳꓸ ꓟꓬ-ꓟ ꓑ ꓫꓬ ꓐꓴ ꓳꓠꓡꓲꓠꓰ ꓗꓪ ꓫꓸ ꓕꓱ ꓡꓯ ꓘꓳ ꓟ ꓗꓪ꓾ “ꓩꓯ-ꓓ-ꓬꓯ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓗꓪ ꓙꓰ ꓔꓬ ꓟ ꓢꓷꓸ ꓡꓰ ꓓꓴ ꓢꓲꓸ ꓢꓪꓼ ꓔꓸ ꓥ꓿ ꓪꓴ-ꓢ ꓟꓽ ꓥꓻꓳ ꓫꓵꓽꓮ ꓠꓰ ꓕꓱ ꓡꓱ ꓖꓪ ꓙꓱ ꓫꓬꓹ ꓑꓱ ꓠ ꓔꓸ ꓠꓯꓸ” ꓐꓰ ꓐꓯ ꓢꓴ ꓙꓳ ꓡꓳ꓿ ꓝꓮꓲ “ꓠꓴꓖ ꓠꓬ ꓙꓵꓽ ꓚꓱꓹ ꓟꓴ ꓚꓱꓹ ꓗꓪ ꓬꓲꓸ ꓚꓰꓺ ꓠꓲꓹ ꓟ ꓟꓽ ꓐꓬ ꓡꓰ ꓢꓰꓽ ꓐꓶ꓿ ꓩꓯ-ꓓ-ꓬꓯ ꓚꓱꓹ ꓬꓰ ꓟꓽ ꓗꓴꓸ ꓢꓰꓽ ꓐꓶ” ꓐꓰ ꓐꓯ ꓢꓴˍ ꓟꓲ ꓙꓳ ꓡꓳ꓿
ꓕꓱ ꓡꓱ ꓡꓯ ꓥꓰ ꓗꓯꓸ ꓝꓴꓲꓸ ꓖꓴ ꓩꓴ ꓡ ꓟ ꓔꓯ ꓠꓴꓖ ꓗꓪ ꓐꓰ ꓒꓳꓹ ꓖꓶꓽ ꓘꓶꓽ ꓟꓽ ꓓꓳ ꓡ ꓢꓰ꓿