ꓠꓴꓖ ꓠꓰ ꓟꓯꓼ ꓗꓳ-ꓢꓰ ꓔꓯ (6) ꓚꓱꓹ ꓗꓪ ꓐꓰ 1 ꓘꓳꓼ ꓘꓴꓽ ꓗꓪ ꓬꓲꓸ ꓧꓶꓽ ꓔꓳꓼ ꓡꓯ ꓘꓳ ꓓꓴ ꓥꓳ꓾ ꓐꓰ ꓠꓬꓲꓸ ꓠꓬꓲ 2022 ꓘꓳꓼ 10 ꓦ 7 ꓠꓬꓲ ꓕꓯꓽ ꓠꓴꓖ ꓡꓰꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓠꓴꓖ ꓠꓬ ꓑ ꓫꓬ ꓐꓱ ꓶ ꓔꓳꓹ ꓗꓽ ꓡꓯ ꓘꓳ ꓡ ꓟ 1 ꓘꓳꓼ ꓐꓲ ꓡꓰ ꓗꓸ ꓠꓯꓸ ꓮ ꓟꓶ 1 ꓘꓳꓼ ꓘꓴꓽ ꓟ ꓗꓪ ꓠꓬ ꓧꓪꓸ/ꓟꓽ ꓧꓪꓸ ꓐꓯ ꓞꓷꓹ ꓐ ꓡ ꓗꓪ ꓛꓲ ꓔꓳꓼ ꓠꓹ ꓟ ꓙꓽ ꓖꓶ ꓢꓲꓸ ꓢꓷ ꓙ ꓟꓴ ꓙ ꓩꓴ ꓡ ꓟ ꓥ ꓡꓳ꓿
ꓔꓳꓼ ꓡꓯ ꓘꓳ ꓠꓹ ꓟ ꓬꓲꓸ ꓚꓱꓹ (6) ꓟ ꓠꓬ꓾ ꓗꓴꓷꓼ ꓧꓳꓽ ꓚꓱꓹ꓾ ꓟꓵ ꓗꓳ ꓓꓵ ꓓꓵ ꓗꓴꓷꓼ ꓐꓴ ꓔꓯ ꓙ ꓡꓯ ꓘꓳ ꓚꓱꓹ꓾ ꓙꓵꓽ ꓚꓱꓹ ꓟꓴ ꓚꓱꓹ꓾ ꓶ ꓡꓯꓼ ꓚꓱꓹ꓾ ꓟꓯꓼ ꓢꓰꓼ ꓚꓱꓹ꓾ ꓑ ꓫꓬ ꓔꓯ ꓙ ꓡꓯ ꓘꓳ ꓚꓱꓹ ꓕꓱ (6) ꓚꓱꓹ ꓗꓪ ꓐꓰ ꓔꓳꓼ ꓡꓯ ꓘꓳ ꓓꓴ ꓥꓳ꓾ ꓐꓰ ꓠꓴꓖ ꓐꓱ ꓶ ꓫꓸ ꓕꓱ ꓢꓴ ꓳ-ꓚꓳ-ꓜꓳꓹ ꓡꓰꓽ ꓐꓯ ꓡꓳ꓿
ꓕꓱ ꓡꓱ ꓬꓰ ꓠꓹ ꓐꓱ ꓶ ꓗꓴꓷꓼ ꓘꓴꓽ ꓗꓪ ꓫꓵꓽ ꓔꓶ ꓔꓶ ꓑꓳꓺ ꓔꓯꓹ ꓢꓴ ꓐꓴ ꓔꓯˍ ꓟꓲ ꓖꓪ ꓙꓱ ꓖꓪ ꓟꓴ ꓔꓸꓳ ꓐꓯ ꓡꓳ꓿
ꓕꓱ ꓕꓲ ꓘꓳꓼ ꓗꓪ ꓠꓬ꓾ ꓠꓯ ꓞꓲꓹ ꓠꓯ ꓕꓳꓽ ꓫꓸ ꓙꓵꓻ ꓓꓴ ꓙꓳˍ ꓟ꓾ ꓬꓲꓸ ꓧꓶꓽ ꓗꓴ ꓕꓴꓽ ꓢꓯꓼ ꓕꓵꓼ ꓠ ꓔꓸ ꓟ ꓕꓲ ꓘꓳꓼ ꓒꓬꓱꓼ ꓡ ꓥꓳ꓾ ꓐꓯ ꓡꓳ꓿