ꓠꓴꓖ ꓗꓴꓷꓼ ꓙꓵꓽ ꓜꓴ ꓡꓰ ꓪꓴꓸ ꓔꓴ ꓩꓴ ꓡ ꓟ꓾ ” ꓟꓵꓽ ꓫꓱ ꓢꓽ ꓢꓱ ꓢꓱꓹ ꓛꓬꓽ ( နွေဦးထီ)” ꓔꓯ 2021 ꓘꓳꓼ 8 ꓦ 15 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓳꓠꓡꓲꓠꓰ ꓗꓪ ꓪꓴꓽ ꓖꓶ ꓓꓴ ꓥꓳ ꓐꓯ ꓡꓳ= ꓕꓱ ꓟ ꓠꓬ ꓒꓳꓹ ꓔꓳꓹ ꓟ ꓢꓽ ꓢꓱ ꓢꓱꓹ ꓛꓬꓽ “ꓧꓪꓸ ꓒꓯꓽ ꓛꓵꓽ ꓔꓴ ꓟꓵꓽ ꓫꓱ ꓢꓽ ꓢꓱ ꓢꓱꓹ ꓛꓬꓽ” ꓥ ꓢꓲ꓾ 1 ꓛꓬꓽ 2000 ꓒꓯꓼ꓾ 5 ꓛꓬꓽ ꓕꓲ ꓩꓴꓸ 10000 ꓒꓯꓼ ꓗꓪ ꓐꓰ ꓪꓴꓽ ꓖꓶ ꓓꓴ ꓥꓳ ꓐꓰ ꓢꓷꓸ ꓙ ꓟꓴ ꓙ ꓔꓸ ꓡꓳ=
ꓟꓶˍ ꓟ ꓒꓴ ꓮ ꓙꓵꓽ ꓗꓪ ꓐꓰ 70% ꓔꓯ ꓠꓬ ꓚꓓꓟ ꓬꓰ ꓔꓬ ꓢꓴ ꓐꓴ ꓔꓯ ꓔꓳꓹ ꓙ ꓓꓴ ꓟꓳꓸ ꓙ ꓔꓸ ꓢꓲ꓾ 30% ꓔꓯ ꓠꓬ ꓢꓽ ꓢꓱ ꓢꓱꓹ ꓛꓬꓽ ꓪꓴ ꓢꓴ ꓐꓴ ꓗꓪ ꓐꓰ ꓮ ꓟ ꓔꓯ ꓢꓽ ꓢꓱ ꓢꓱꓹ ꓟꓶ ꓡꓰ ꓠꓬ ꓖꓳ ꓟ ꓔꓯ ꓖꓶꓽ ꓓꓴ ꓥꓳ ꓐꓯ ꓡꓳ=
ꓟꓬ-ꓟ ꓗꓴꓷꓼ ꓗꓪ ꓕꓱ ꓡꓱꓳ ꓫꓵꓽ ꓳꓠꓡꓲꓠꓰ ꓡꓳꓔꓔꓰꓣꓬ ꓧꓶꓸ ꓕꓯ ꓟꓽ ꓙꓳ ꓠꓬꓲ= ꓧꓶꓸ ꓕꓯ ꓙꓳ ꓟ ꓳ-ꓐ-ꓡꓯ ꓢꓽ ꓢꓱ ꓢꓱꓹ ꓛꓬꓽ ꓠꓬ ꓑ ꓫꓬ ꓐꓴ ꓢꓯꓼ ꓖꓶ ꓢꓴ ꓟꓽ ꓙꓳ ꓡꓰ ꓠꓬꓲ ꓪꓴꓽ ꓟꓽ ꓙꓲ ꓬꓰꓳ=