ꓠꓴꓖ ꓐꓰ ꓮ-ꓢꓰ-ꓬ ꓖꓪ ꓙꓱ ꓡꓯ ꓘꓳ ꓠ ꓔꓸ ꓥ ꓐꓯˍ ꓟ ꓔꓯ ꓟꓯꓼ ꓗꓳ-ꓢꓰ ꓠꓲꓹ ꓢꓲꓼ

ꓟꓬ-ꓟ ꓑ ꓫꓬ ꓐꓴ ꓙꓲ ꓖꓴ ꓐꓱ ꓶ ꓟꓶ-ꓡꓯ-ꓫꓸ ꓐꓶꓽ ꓡꓴꓷꓼ ꓔꓯ ꓟꓳꓸ ꓗꓴꓷꓼ ꓢꓲꓽ ꓒꓽ ꓮ-ꓓꓴ-ꓡ (Saifuddin Abdullah) ꓡꓰꓽ ꓠꓴꓖ ꓐꓰ ꓮ-ꓢꓰ-ꓬ ꓜꓴ ꓖꓪ ꓙꓱ ꓡꓯ ꓘꓳ ꓠ ꓔꓸ ꓥ ꓐꓯˍ ꓟ ꓔꓯ ꓟꓯꓼ ꓗꓳ-ꓢꓰ ꓡꓰꓽ ꓠꓲꓹ ꓢꓲꓼ ꓒꓳꓹ ꓔꓳꓹ ꓩꓴ ꓡ ꓡꓳ꓿

ꓠꓴꓖ ꓐꓰ ꓮ-ꓢꓰ-ꓬ ꓜꓲ ꓡꓯ ꓘꓳ ꓢꓲꓸ ꓖꓪ ꓙꓱ ꓠ ꓔꓸ ꓥ ꓐꓰ꓾ ꓟꓶ-ꓡꓯ-ꓫꓸ ꓐꓶꓽ ꓡꓴꓷꓼ ꓔꓯ ꓟꓳꓸ ꓗꓴꓷꓼ ꓢꓲꓽ ꓒꓽ ꓡꓰꓽ 2022 ꓘꓳꓼ 5 ꓦ 2 ꓠꓬꓲ ꓕꓯꓽ The Diplomat ꓗꓪ ꓕꓱ ꓩꓴ ꓡ ꓟ ꓥ ꓡꓳ꓿

ꓖꓳ ꓟ ꓔꓯ ꓟꓬ-ꓟ ꓟꓯꓼ ꓗꓳ-ꓢꓰ ꓡꓰꓽ ꓠꓲꓹ ꓢꓲꓼ ꓒꓳꓹ ꓔꓳꓹ ꓘꓶꓽ ꓖꓳ ꓕꓲ ꓠꓬꓲ ꓟꓶ ꓘꓶꓼ ꓒꓳꓹ ꓢꓲ ꓔꓯ ꓓꓳ ꓩꓴ ꓡ ꓡꓳ꓿ “ꓟꓶ-ꓡꓯ-ꓫ ꓐꓶ ꓗꓴꓷꓼ ꓔꓯꓸ ꓟꓳꓸ ꓢꓲꓽ ꓒ ꓠꓰ ꓬꓲꓸ ꓖ ꓟꓽ ꓙꓳ ꓫꓸ ꓕꓱ ꓩꓴ ꓡ ꓟ” ꓐꓰ ꓠꓲꓹ ꓢꓲꓼ ꓠꓲꓹ ꓠ ꓝꓴꓲꓸ ꓓꓰꓺ ꓘꓶꓽ ꓕꓱ ꓡ ꓩꓴ ꓡ ꓡꓳ꓿

“ꓡ ꓠꓹ ꓟ ꓦꓬꓼ ꓠꓬꓲ ꓗꓪˍ ꓟꓲ ꓟꓶ-ꓡꓯ-ꓫꓸ ꓠꓬ ꓚꓣꓑꓧ/ꓠꓴꓖ ꓐꓴ ꓔꓯ ꓜꓲ ꓡꓯ ꓘꓳ ꓓꓴ ꓬꓰ ꓟꓽ ꓓ” ꓐꓳ ꓔꓸ ꓡꓳ꓿

ꓟꓯꓼ ꓗꓳ-ꓢꓰ ꓠꓬ ꓮ ꓠꓲꓹ 4 ꓦ ꓗꓪ ꓕꓲ ꓧꓪꓹ ꓮ-ꓢꓰ-ꓬ ꓜꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓜꓲꓼ ꓔꓺ ꓗꓪ ꓐꓰ ꓕ ꓑꓳꓸ ꓠꓬ꓾ ꓕꓲ ꓘꓳꓼ ꓡꓱꓸꓼ ꓗꓪ ꓠꓱꓸ ꓐꓯꓼ ꓜꓲꓼ ꓓꓴ ꓜꓲꓼ ꓔꓺ ꓟꓽ ꓪ ꓟ ꓮ ꓟꓶ ꓗꓪ ꓛꓲ ꓥꓳ꓿ ꓮ-ꓢꓰ-ꓬ ꓜꓴ ꓠꓰ ꓬꓰ ꓝꓲ ꓦꓹ ꓟ (5) ꓝꓺ ꓔꓯˍ ꓟꓲ ꓕꓲ ꓢꓯꓸ ꓡꓲꓸ ꓟꓽ ꓬꓰ ꓔꓬ꓿

ꓠꓴꓖ ꓔꓯ ꓠꓬ ꓴꓢꓮ꓾ ꓢꓰ-ꓖ-ꓑꓴ꓾ ꓒꓲ-ꓡꓲ-ꓒꓲ꓾ ꓐꓶ-ꓣꓴ-ꓠꓮꓲ꓾ ꓟꓶ-ꓡꓯ-ꓫꓸ ꓗꓴꓷꓼ ꓐꓴ ꓡꓰ ꓔꓺ ꓡ ꓔꓬ ꓟ ꓡꓳꓸ ꓟꓳ ꓓ ꓡꓳ꓿