ꓴꓢꓮ ꓠꓲ-ꓬꓴ-ꓬꓳꓼ ꓗꓪ ꓔꓬ ꓟ ꓠꓯ ꓞꓲꓼ ꓟꓸ ꓒ ꓗꓲꓟ ꓡꓰ ꓒꓬꓱꓽ ꓐꓲ ꓖꓪ ꓜꓳꓽ ꓡꓯꓼ ꓫꓴ ꓟꓶ ꓔꓸ ꓟ ꓬꓲꓸ ꓦꓲ ꓢꓲ ꓟ ꓠꓬ ꓡꓯꓹ ꓖꓼ ꓟ ꓥ ꓟ ꓑꓶꓸ ꓓꓴ ꓧꓹ ꓩꓴ ꓠꓹ ꓟ ꓟ-ꓦ-ꓔ ꓫꓵꓽ ꓘꓶꓽ ꓖꓴ (Mahattan Supreme Court) ꓗꓪ ꓗꓳꓹ ꓕꓳ ꓶ ꓗꓶ ꓩꓴ ꓡꓻꓳ=
2015 ꓘꓳꓼ ꓗꓪ ꓐꓰ 2021 ꓘꓳꓼ ꓗꓪ ꓛꓲ ꓔ-ꓠ ꓠꓬ ꓠ-ꓬꓴꓹ-ꓙ-ꓢꓰ ꓐꓰ ꓴꓗ ꓗꓪ ꓟ ꓞꓳ ꓐꓳ ꓒꓽ ꓐꓴ ꓐꓰ ꓙ ꓡꓯ ꓘꓳ ꓢꓲꓸ ꓖꓳꓻ ꓪꓴꓽ ꓟ ꓟꓬꓱꓽ ꓬꓰ ꓟ ꓗꓪ ꓐꓰ ꓴꓢ ꓓꓳ-ꓡ 7 ꓢꓯꓹ ꓘꓳ ꓣꓴ ꓟꓶ ꓔꓸ ꓟ ꓗꓸ ꓚꓲ ꓧꓪ ꓟꓳ ꓔꓸ ꓡꓳ ꓐꓰ꓾ ꓗꓲꓟ ꓡꓰ ꓐꓳ ꓔꓸ ꓟ 264 ꓒꓳꓹ ꓙꓳ ꓟ ꓫꓵꓽ ꓪꓴ ꓗꓳꓹ ꓕꓳ ꓶ ꓗꓪ ꓐꓳ ꓔꓸ ꓡꓳ=
ꓗꓲꓟ ꓦꓲ ꓢꓲ ꓟ ꓒꓬꓱꓽ ꓐꓲ ꓖꓪ ꓜꓳ ꓡꓯꓼ ꓫꓴ ꓟꓶ ꓔꓸ ꓢꓴ (Miss Connecticut USA in 2011) ꓠꓬ ꓔ-ꓠ (Turner) ꓥ ꓢꓲ꓾ ꓬꓲꓸ ꓪ ꓠꓬ 2015 ꓘꓳꓼ 11 ꓦ 17 ꓠꓬꓲ ꓗꓪ ꓡꓯ ꓒꓯꓹ ꓝꓸ ꓔꓸ ꓟ ꓥ ꓡꓳ= ꓗꓲꓟ ꓠꓬ 41 ꓘꓳꓼ ꓙꓳ ꓢꓴ ꓥ ꓢꓲ꓾ ꓔ-ꓠ ꓠꓬ 32 ꓘꓳꓼ ꓙꓳ ꓡꓳ=
ꓦꓲ ꓢꓲ ꓒꓽ ꓔꓬ ꓥ ꓟꓲ ꓞꓳ ꓗ ꓡ ꓡꓯꓹ ꓖꓼ ꓟ ꓬꓰ ꓔꓬ ꓟ ꓔ-ꓠ ꓔꓯ ꓧꓹ ꓩꓴ ꓓꓴ ꓥꓳ ꓐꓰ ꓗꓲꓟ ꓡꓰ ꓗꓳꓹ ꓕꓳ ꓶ ꓐꓳ ꓔꓸ ꓡꓳ=