ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓥꓪ ꓠꓴ ꓓꓵꓽ ꓙ ꓔꓸ ꓟ ꓡꓰ ꓐꓰ ꓟꓽ ꓗ ꓡ ꓠꓬ꓾ ꓟꓲ ꓠꓯ ꓗꓴꓷꓼ ꓐꓴ ꓔꓯ ꓙ ꓡꓯ ꓘꓳ ꓢꓲꓸ ꓣ-ꓘꓮꓲꓽ ꓡ ꓞꓳ ꓐꓱ ꓶ ꓗꓴꓷꓼ ꓬꓲ ꓫꓵꓼ ꓚꓰꓼ ꓓꓴ ꓥꓳ ꓐꓰ ꓮꓮ ꓟꓯꓼ ꓜꓲꓽ ꓘꓮꓲꓽ-ꓔꓴꓼ-ꓘꓼ ꓡꓰ ꓠꓬꓲꓸ ꓠꓬꓲ 3 ꓦ 5 ꓠꓬꓲ ꓣ-ꓘꓮꓲꓽ ꓡ ꓞꓳ ꓜꓳꓳꓟ ꓖꓪ ꓙꓱ ꓜꓲꓼ ꓓꓴ ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓥꓪ ꓠꓴ ꓠꓲꓹ ꓫꓵˍ ꓟ ꓗꓴꓷꓼ ꓙꓵꓽ ꓚꓱꓹ ꓬꓲꓸ ꓙꓶꓻ ꓬꓲꓸ ꓕꓲꓸ ꓔꓯ ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓔꓬ ꓢꓲꓸ ꓪ ꓟꓽ ꓓ ꓡ ꓠꓬ꓾ ꓴꓡꓮ/ꓮꓮ ꓧꓳꓽ ꓪꓴꓸ ꓟꓴˍ ꓟ ꓡꓳ ꓚ ꓣ-ꓘꓮꓲꓽ ꓞꓳ ꓫꓵꓽ ꓗꓴꓷꓼ ꓫꓵꓼ ꓔꓯ ꓟꓲ ꓠꓯ ꓗꓴꓷꓼ ꓐꓴˍ ꓐꓰ ꓙ ꓡꓯ ꓘꓳ ꓢꓲꓸ ꓚꓲ ꓛꓬ ꓔꓱꓹ ꓚꓲꓸ ꓛꓬ ꓚꓰꓼ ꓣꓴ ꓙꓰ ꓓꓴ ꓥꓳ꓿ ꓖꓳ ꓡꓱ ꓥ ꓟꓲ ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓣ-ꓘꓮꓲ ꓐꓴ ꓠꓲꓹ ꓫꓵˍ ꓟ ꓙꓶ ꓗꓪ ꓛꓲ ꓗꓴꓷꓼ ꓙꓵꓽ ꓚꓱꓹ ꓙ ꓖꓴ ꓟꓬꓱꓽ ꓬꓰ ꓒꓬꓱꓼ ꓡ ꓠꓬ ꓠꓱꓸ ꓐꓯꓼ ꓗꓴꓷꓼ ꓚꓰ ꓡ ꓞꓳ ꓐꓴˍ ꓐꓰ ꓕꓲ ꓪ ꓔꓬ ꓓꓴ ꓥꓳ꓿” ꓐꓰ ꓮꓮ ꓐꓱ ꓶ ꓫꓸ ꓕꓱ ꓙꓵꓽ ꓪ ꓙꓳ ꓢꓴ ꓟꓯꓼ ꓜꓲꓽ ꓘꓮꓲꓽ-ꓔꓴꓼ-ꓘꓼ ꓡꓰ ꓐꓯˍ ꓡꓳ꓿
ꓮꓡꓮ/ꓮꓮ ꓠꓬ 2020-21 ꓘꓳꓼ ꓟ ꓘꓴꓽ ꓗꓪ ꓑ ꓫꓬ ꓡꓰ ꓗꓳꓹ ꓡ ꓟ ꓫꓵꓽ ꓪꓴ 3800 ꓚꓱꓹ ꓙꓳ ꓢꓲꓸ ꓕꓲ ꓐꓶꓽ ꓛꓲ ꓔꓯ ꓒꓶꓻ ꓫꓬ ꓫꓵꓽ ꓘꓶꓽ ꓖꓶ ꓗꓷꓳ ꓐꓰ ꓐꓯˍ ꓡꓳ꓿
ꓴꓡꓮ/ꓮꓮ ꓠꓬ ꓟꓬ-ꓟ ꓟꓯꓼ ꓐꓴ ꓐꓰ ꓙ ꓡꓯ ꓘꓳ ꓓꓲꓸ ꓗꓴꓷꓼ ꓙ ꓖꓴ ꓖꓪ ꓙꓱ ꓔꓸ ꓟ ꓟꓽ ꓙꓳ ꓐꓯˍ ꓡꓳ꓿
ꓴꓡꓮ/ꓮꓮ ꓠꓬ ꓠꓴꓖ ꓔꓯ ꓬꓲꓸ ꓚꓱꓹ ꓡꓲ ꓒꓰꓼ ꓡꓳ ꓚ ꓙ ꓡꓯ ꓘꓳ ꓚꓱꓹ ꓟꓽ ꓙꓳ ꓢꓰꓽ ꓐꓰ ꓢꓷꓸ ꓪ ꓡꓳ꓿
ꓬꓲ ꓚꓰ꓾ WN