2022 ꓘꓳꓼ 3 ꓦ 7 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓴꓢꓮ ꓗꓴꓷꓼ꓾ ꓠꓰ-ꓬꓴ-ꓬꓳꓼ ꓡꓳ ꓒꓱ ꓗꓪ ꓗꓳ-ꓪꓰꓼ ꓔꓯ ꓟꓳꓸ ꓛꓳ ꓠꓹ ꓟ ꓕꓵꓼ ꓪ ꓛꓳꓽ ꓟꓽ ꓛꓲ ꓬꓰꓳ꓾ ꓐꓰ ꓡꓳ ꓒꓱ ꓙꓵꓽ ꓢꓴ Mayor Eric Adams ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓗꓳ-ꓪꓰꓼ ꓔꓯ ꓟꓳꓸ ꓛꓳ ꓫꓱꓽ ꓚꓱꓹ ꓕꓵꓼ ꓪ ꓠꓬ ꓢꓳ ꓦꓲ ꓗꓪ ꓠꓻ ꓘꓵ ꓟꓷ ꓠꓷꓹ ꓑꓲꓸ ꓠꓹ ꓟ (put on mask)꓾ ꓡꓳ ꓖꓪ ꓔꓶꓸ꓾ ꓞꓳ ꓜꓲꓼ ꓪ ꓜꓲꓼ ꓔꓶꓸ ꓗꓪ ꓓꓵꓽ ꓡ ꓠꓬ ꓗꓳ-ꓪꓰꓼ ꓠꓻ ꓗꓽ ꓠꓯ ꓞꓲꓼ ꓗꓸ ꓓꓳ ꓔꓸ ꓟ ꓢꓷꓸ ꓡꓰ ꓓꓴ ꓕꓳ ꓶ ꓟꓳꓸ ꓖꓶ ꓠꓹ ꓟ (proof of vaccination) ꓥ ꓢꓲ꓾ ꓕꓱ ꓡꓱ ꓬꓰ ꓟꓽ ꓛꓲꓳ ꓐꓰ ꓐꓯ ꓩꓴ ꓡ ꓟ ꓥ ꓡꓳ꓿
“ꓣꓳ ꓧꓪꓸ ꓡꓰ ꓔꓬꓳ꓿ ꓗꓹ ꓛꓲ ꓡꓯ” ꓐꓰ ꓡꓳ ꓒꓱ ꓙꓵꓽ ꓢꓲꓽ ꓒ Mayor Eric Adams ꓡꓰ ꓐꓯˍ ꓡꓳ꓿
ꓠꓰ-ꓬꓴ-ꓬꓳꓼ ꓡꓳ ꓒꓱ ꓗꓪ ꓗꓳ-ꓪꓰꓼ ꓮ ꓘꓶꓸ ꓠꓻ ꓗꓷ ꓢꓲꓸ ꓡ ꓞꓳ ꓮ ꓡꓻ 40000 ꓣꓳ ꓫꓵꓻꓳ꓿
ꓕꓱ ꓟ ꓡꓰ ꓐꓰ ꓴꓢꓮ ꓗꓴꓷꓼ ꓗꓪ ꓠꓱꓸ ꓐꓯꓼ ꓟꓵꓽ ꓫꓴ ꓮ ꓟꓬꓹ ꓗꓪ ꓥ ꓟꓲ mask ꓔꓼ ꓟꓽ ꓛꓲ ꓟ꓾ proof of vaccination ꓟꓳꓸ ꓖꓶꓽ ꓟꓽ ꓛꓲ ꓟ ꓙꓳ ꓡ ꓔꓬ ꓡꓳ꓿
ꓬꓲ ꓚꓰ꓾ ꓠꓬ ꓔꓲꓟꓰꓢ