ꓠꓰ-ꓬꓴ-ꓜꓰ-ꓡ ꓗꓴꓷꓼ ꓬꓲꓻ ꓡꓴꓽ ꓐꓱ ꓘꓶꓽ ꓠꓬꓲꓽ ꓔꓶꓸ ꓗꓪ ꓥꓪꓸ ꓓꓽ ꓟ 477 ꓟ ꓚꓲꓹ ꓡ ꓢꓲꓸ ꓫꓵꓻꓳ꓾ ꓐꓰ ꓥꓪꓸ ꓓꓽ ꓟ ꓔꓯ ꓡꓳꓸ ꓙ ꓔꓬ ꓟ Project Jonah ꓜꓴ ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓔꓴ-ꓑꓴ-ꓪ-ꓖꓰ (Tupuangi) ꓐꓰ꓾ ꓪ-ꓦꓲ-ꓐꓯ (Waihere Bay) ꓬꓲꓻ ꓡꓴꓽ ꓐꓱ ꓘꓶꓽ ꓠꓬꓲꓽ ꓔꓶꓸ ꓗꓪ ꓚꓲꓹ ꓡ ꓢꓲꓸ ꓕꓱ ꓡꓱ ꓫꓵꓻ ꓖꓴˍ ꓟ ꓥ ꓡꓳ꓿
“ꓮ ꓡꓲ ꓡꓲꓸ ꓚꓬꓴꓹ ꓙ ꓖꓴ ꓟꓽ ꓓ꓿ ꓕꓲ ꓐꓱ ꓠꓬ ꓬꓲꓸ ꓔꓱꓹꓔꓱꓹ ꓫꓵꓻꓳ꓿ ꓕꓲꓽ ꓐꓱ ꓔꓯ ꓠꓬ ꓫꓸ ꓠꓬꓲ ꓤꓼ ꓠꓰ꓾ ꓫꓵꓻ ꓠꓯ ꓞꓲꓼ ꓗꓸ ꓙ ꓩꓴꓳ” ꓐꓰ Project Jonah ꓜꓴ ꓗꓪ ꓐꓰ ꓫꓸ ꓕꓱ ꓢꓴ ꓓꓯ-ꓬꓲ-ꓖꓶ-ꓣꓴ-ꓐ ꓡꓰ ꓐꓯ ꓡꓳ꓿
ꓕꓱ ꓟ ꓟꓽ ꓒꓬꓱꓼ ꓡ ꓢꓰꓽ ꓟ ꓦ ꓐ 2 ꓟ ꓛꓲ ꓗꓪ ꓳ-ꓢꓲ-ꓔꓯ-ꓡꓲ-ꓬ ꓗꓴꓷꓼ꓾ꓔꓯ-ꓢꓲ-ꓟꓯ-ꓠꓰ-ꓬ ꓗꓪ ꓥꓪꓸ ꓓꓽ ꓟ 200 ꓟ ꓛꓲ ꓫꓵꓻ ꓟ ꓥ ꓡꓳ꓿
ꓞ ꓝꓲꓸ ꓕꓯꓽ ꓥꓪꓸ ꓓꓽ ꓟ ꓠꓬ ꓬꓲꓻ ꓡꓴꓽ ꓐꓱ ꓘꓶꓽ ꓗꓪ ꓖꓪꓯꓻ ꓡ ꓢꓲꓸ ꓕꓱ ꓡꓱ ꓫꓵꓻˍ ꓟ ꓔꓯ ꓡ ꓞꓳ ꓐꓴ ꓟꓳꓻ ꓝꓳˍ ꓡꓳ꓿ ꓖꓳ ꓡꓱ ꓥ ꓟꓲ ꓮ ꓫꓵ ꓑꓶꓸ ꓓꓴ ꓐꓯˍ ꓟ ꓔꓯ ꓢꓷ ꓠꓲꓹ ꓙꓳ ꓓꓴ ꓐꓴ ꓬꓲꓸ ꓝꓻ ꓙꓳ ꓙꓳ ꓮ ꓟꓶ ꓗꓪ ꓛꓲ ꓐꓯ ꓟꓽ ꓗꓴꓸ ꓢꓰꓽ꓿
ꓓꓳꓽ ꓬꓲꓸ ꓚꓰ꓾ ꓮꓑ