ꓠꓰ-ꓬꓴ-ꓓꓯ-ꓡꓲ ~ ꓟꓲꓽ ꓦꓲ ꓟꓽ ꓢꓲꓽ ꓫꓬ ꓡꓳꓹ ꓬꓰˍ ꓟ ꓡꓳ ꓒꓱ

ꓲ-ꓓꓲ-ꓬ ꓟꓵ꓾ ꓠꓰ-ꓬꓴ-ꓓꓯ-ꓡꓲ ( New Delhi) ꓡꓳ ꓒꓱ ꓔꓯ ꓟꓲꓽ ꓦꓲ ꓢꓲꓽ ꓫꓬ ꓚꓱꓹ ꓔꓯꓸ ꓟꓳ ꓢꓪꓼ ꓜꓴ IQAir ꓗꓪ ꓐꓰ ꓚꓹ ꓢꓪꓼ ꓠꓬꓲˍ ꓗꓷ ꓠꓬ꓾ ꓕꓲ ꓟꓲ ꓠꓯ ꓗꓪ ꓟꓲꓽ ꓦꓲ ꓟꓽ ꓫꓬ ꓟ ꓖꓼ ꓡꓳꓹ ꓬꓰˍ ꓟ ꓡꓳ ꓒꓱ ꓠꓳꓸ 1 ꓗꓪ 4 ꓘꓳꓼ ꓑꓶꓸ ꓝꓸ ꓢꓪꓼ ꓪ ꓡꓰ ꓡꓳ꓿

ꓟꓲꓽ ꓦꓲ ꓗꓪ ꓛꓽ ꓐꓲ ꓑꓱꓸ ꓛꓲꓽ ꓑꓱꓸ ꓟꓲ ꓠꓬ PM2.5 ꓙꓳˍ ꓡꓳ꓿ ꓕꓱ ꓡꓱꓳ ꓫꓵꓽ ꓟꓽ ꓢꓲꓽ ꓫꓬ ꓟ ꓟꓲꓽ ꓦꓲ ꓔꓯ ꓟꓶ ꓤ ꓦ ꓗꓷ ꓠꓬ ꓢꓯꓼ ꓦ ꓚꓱꓹ ꓔꓯ ꓟꓳꓸ ꓠꓻ ꓫꓵꓽ ꓬꓲ ꓫꓵ ꓬꓲ ꓙꓰ꓾ ꓠꓲꓹ ꓟ ꓠꓻ ꓫꓵꓽ ꓐꓰ꓾ ꓗꓲ-ꓢ ꓠꓻ ꓡ ꓚꓰꓼ ꓡꓳ꓾ ꓐꓯ ꓡꓳ꓿

ꓡ ꓞꓳ ꓟꓬꓽ ꓟ ꓐꓰ꓾ ꓑꓱꓸ ꓛꓲꓽ ꓮ ꓔꓳꓸ ꓛꓴˍ ꓟ꓾ ꓦ ꓟꓲ ꓘꓶꓹ ꓟꓲ ꓛꓴˍ ꓟ꓾ ꓙꓼ ꓬꓲ ꓫꓵ ꓬꓲ ꓙꓰꓽ ꓐꓰ ꓟꓳ-ꓓꓳ ꓐꓴ ꓑꓶꓸ ꓓꓴ ꓕꓱ ꓡꓱ ꓟꓽ ꓢꓲꓽ ꓫꓬˍ ꓟ ꓟꓲꓽ ꓦꓲ ꓦ ꓔꓬ ꓠ ꓗꓷ ꓡꓰ ꓡꓳ꓿

ꓲ-ꓓꓲ-ꓬ ꓗꓪ ꓕꓲ ꓘꓳꓼ ꓡꓲ ꓕꓲ ꓘꓳꓼ ꓡ ꓞꓳ 1 ꓪꓹ ꓟꓽ ꓞꓲ ꓔꓯ ꓢꓰꓼ ꓢꓴ (ꓫꓵꓻ ꓝꓲ ꓔꓬ ꓟ) ꓟꓽ ꓢꓲꓽ ꓫꓬ ꓟ ꓟꓲꓽ ꓦꓲ ꓔꓯ ꓢꓲꓽ ꓫꓬ ꓡꓰ ꓠꓹ ꓟ ꓠꓲꓹ ꓞ ꓢꓯꓼ ꓕꓵꓼ ꓙꓲꓽ ꓙꓳˍ ꓡꓳ꓾ ꓐꓰ ꓧꓪ ꓟꓰꓹ ꓢꓴ IQAir ꓜꓴ ꓡꓰ ꓚꓴ ꓬꓲꓹ ꓖꓶ ꓔ ꓡꓳ꓿

ꓲ-ꓓꓲ-ꓬ ꓗꓪ ꓠꓰ-ꓬꓴ-ꓓꓯ-ꓡꓲ ꓡꓰꓽ ꓟꓽ ꓞꓲ ꓠꓱꓸ ꓐꓯꓼ ꓡꓳ ꓒꓱ ꓮ ꓟꓬꓹ ꓥ ꓟꓲ ꓟꓲꓽ ꓦꓲ ꓟꓽ ꓢꓲꓽ ꓫꓬˍ ꓟ ꓐꓯ ꓖꓴ ꓟꓽ ꓓ ꓙꓳˍ ꓡꓳ꓾ ꓐꓯ ꓡꓳ꓿

(ꓢꓯꓼ ꓖꓶ ꓡ꓾ “ꓟꓶ-ꓖ-ꓒꓲꓸ ꓪ ꓜꓱ ꓗꓪ ꓕꓲ ꓧꓪꓸ ꓛꓲ ꓕꓯꓽ꓾ ꓟꓽ ꓫꓬˍ ꓟ ꓕꓲ ꓫꓵꓽˍ ꓟꓲ ꓟꓽ ꓙꓳ” ꓐꓰ ꓟꓳꓽ ꓟꓸ ꓒꓽ ꓐꓴ ꓟꓴ ꓖꓪ ꓒꓳꓹ ꓔꓸ ꓟ ꓡꓰ ꓐꓰ ꓠꓲꓹ ꓛꓵꓼ ꓛꓵꓼ ꓟ ꓗꓳ ꓟꓵꓽ ꓪꓽ ꓚꓲ ꓗꓪ ꓟꓲꓽ ꓦꓲ ꓥ ꓟꓲ ꓮ ꓘꓶꓸ ꓢꓲꓽ ꓫꓬˍ ꓡꓳ꓿ ꓞꓲꓼ ꓤ ꓡꓯꓹ ꓤ ꓗꓪ ꓛꓲ ꓫꓺ ꓒꓵꓽ ꓓꓴ ꓬꓰ ꓡꓯ꓿)