ꓠꓯ ꓞꓲꓼ ꓪꓴꓻ ꓢꓴ ꓔꓯ ꓗꓽ ꓡ ꓡꓳ

2021 ꓘꓳꓼ 7 ꓦ 31 ꓠꓬꓲ ꓠꓯꓼ 9 ꓙꓵꓹ ꓕꓯꓽ꓾ ꓬꓥ-ꓖꓳꓥ꓾ ꓔꓮꓳ-ꓳꓼ-ꓗ-ꓡ-ꓑꓼ ꓗꓪ ꓙꓳ ꓟ ꓫꓱ-ꓳꓸ ꓠꓯ ꓞꓲꓼ ꓙꓲ ꓔꓲ ꓗꓪ ꓠꓯ ꓞꓲꓼ ꓪꓴ ꓠꓹ ꓟ ꓝꓯꓸ ꓔꓬ ꓢꓴ ꓐꓴ ꓔꓯ ꓟꓯꓼ ꓐꓴ ꓡꓰ ꓗꓽ ꓖꓼ ꓩꓴ ꓡ ꓢꓲ꓾ꓠꓯ ꓞꓲꓼ ꓙꓲ ꓔꓲ ꓥ ꓟꓲ ꓑꓲꓸ ꓡꓰꓳ꓿

ꓑ ꓫꓬ ꓐꓴ ꓳꓫꓬꓖꓰꓠ ꓟꓲꓽ ꓦꓲ ꓕꓴꓽ ꓡꓴꓽ ꓠꓹ ꓟ ꓝꓯꓸ ꓔꓬ ꓥ ꓟꓲ ꓕꓱ ꓡꓱ ꓗꓶ ꓡꓶꓽ ꓢꓲꓸ ꓟꓲꓽ ꓦꓲ ꓟꓽ ꓦ ꓪ ꓠꓬꓲ ꓢꓯꓼ ꓟꓬ ꓖꓴ ꓡꓰ ꓢꓴ ꓐꓯ ꓖꓴ ꓟꓽ ꓓ꓿ ꓮ ꓟꓶ ꓥ ꓟꓲ ꓠꓯ ꓞꓲꓼ ꓪꓴꓽ ꓠꓬꓲ ꓪꓴꓻ ꓠꓬꓲ ꓟꓽ ꓬꓰ ꓝꓲ ꓠꓹ ꓟ ꓕꓯꓽ ꓢꓲ ꓙꓵꓽ ꓪ ꓙꓳ ꓢꓴ ꓗꓪ ꓐꓰ ꓝꓲ ꓘꓶꓽ ꓥ ꓡꓳ ꓐꓯ ꓢꓲ꓾ ꓠꓯ ꓞꓲꓼ ꓪꓴ ꓠꓹ ꓟ 1000 ꓣꓳ ꓟꓽ ꓞꓲ ꓝꓯꓸ ꓔꓬ ꓟ ꓔꓯ ꓖꓼ ꓢꓰꓸ ꓩꓴ ꓡ ꓟ ꓥ ꓡꓳ꓿

ꓚꓳꓦꓲꓓ-19 ꓠꓻ ꓢꓴ ꓜꓱꓽ ꓜꓯꓼ ꓟ ꓠꓯ ꓞꓲꓼ ꓕꓲ ꓫꓵ Exnoxaparin ꓐꓯ ꓟ ꓫꓵꓽ ꓬꓯꓺ ꓢꓯꓼ ꓠꓯ ꓞꓲ ꓠꓬ꓾ 10000 ꓒꓯꓼ ꓙꓳ ꓢꓲ꓾ ꓬꓲꓸ ꓐ ꓗꓴ ꓗꓴ ꓢꓲ ꓗꓪ ꓠꓬ 60000 ꓒꓯꓼ ꓗꓪ ꓛꓲ ꓒꓵ ꓡꓳ꓿