Audio
ꓧꓶꓽ ꓐꓱ ꓓꓴꓽ ꓗꓪ ꓐꓰ ꓟꓬ-ꓟ ꓟꓬꓱꓽ ꓬꓰ ꓢꓴ (90) ꓣꓳ ꓡꓲꓹ ꓡꓻꓳ
2022 ꓘꓳꓼ 7 ꓦ 28 ꓠꓬꓲ ꓕꓯꓽ ꓧꓶꓽ ꓗꓴꓷꓼ ꓐꓱ ꓓꓴꓽ ꓗꓪ ꓡꓴꓽ ꓟꓶ ꓔꓸ ꓢꓴ ꓟꓬ-ꓟ ꓟꓬꓱꓽ ꓬꓰ ꓢꓴ (90) ꓣꓳ ꓔꓯ ꓗ-ꓑ-ꓔꓲ ꓟꓵꓽ ꓫꓸ ꓗ ꓗꓪ ꓐꓰ ꓕꓲꓽ ꓝꓸ ꓡꓲꓹ ꓖꓶꓽ ꓩꓴ ꓡ ꓡꓳ ꓐꓰ ꓓꓳꓽ ꓜꓳ ꓡ ꓡꓳ꓿
“ꓡꓲꓹ ꓡꓻꓳ꓾ ꓡꓲꓹ ꓡꓻꓳ꓾ ꓐꓱ ꓓꓴꓽ ꓗꓪ ꓐꓰ ꓡꓲꓹ ꓡꓻꓳ” ꓐꓰ ꓐꓬꓱꓽ ꓢꓯꓸ ꓗꓪ ꓫꓸ ꓕꓱ ꓔꓸ ꓟ ꓡꓳꓸ ꓟꓳˍ ꓡꓳ꓿
ꓡꓲꓹ ꓡ ꓢꓴ (90) ꓣꓳ ꓔꓯ ꓗ-ꓑ-ꓔꓲ ꓗꓪ ꓐꓰ ꓕꓲꓽ ꓝꓸ ꓟꓶ-ꓚꓲ-ꓠ ꓗꓪ (5) ꓠꓬꓲꓺ ꓠꓻ ꓚꓹ ꓓꓳ ꓡꓰ ꓗꓸ ꓠꓯꓸ ꓠꓻ ꓫꓵꓽ ꓟꓽ ꓙꓳ ꓢꓴ ꓔꓯ ꓚꓲ ꓛꓬ ꓔꓬ ꓟꓵꓽ ꓗꓪ ꓡꓽ ꓙꓰ ꓝꓲ ꓓꓴ ꓥꓳ꓾ ꓐꓯ ꓡꓳ꓿
“ꓗꓪꓲꓸ-ꓟꓲꓽ ꓗꓪ ꓐꓰ 75 ꓣꓳ꓾ ꓠꓱꓸ ꓐꓯꓼ ꓕꓲ ꓖ ꓗꓪ ꓐꓰ 10 ꓣꓳ꓾ ꓝꓮꓲ ꓕꓲꓽ ꓟꓵꓽ ꓗꓪ ꓐꓰ 5 ꓣꓳ꓾ ꓮ ꓙꓵꓽ ꓠꓬ (90) ꓣꓳ ꓥꓳ” ꓐꓯ ꓡꓳ꓿
ꓧꓶꓽ ꓒꓽ ꓗꓴꓷꓼ ꓗꓪ ꓗꓳ-ꓪꓰꓼ ꓑꓶꓸ ꓓꓴ ꓙ ꓖꓴ ꓑꓲꓸ ꓩꓴ ꓡ ꓗꓸ ꓠꓯꓸ ꓟꓬꓱꓽ ꓟꓽ ꓙꓳ ꓡꓰ ꓠꓬꓲ꓾ ꓟꓬ-ꓟ ꓗꓪ ꓐꓰ ꓓꓵꓽ ꓙꓰ ꓢꓴ ꓕꓲ ꓐꓱ ꓠꓽ ꓟꓯꓼ ꓟꓽ ꓣꓴ ꓡ ꓟꓽ ꓢ ꓣꓴ ꓧꓪꓺ ꓢꓴˍ ꓟꓲ ꓙꓳˍ ꓡꓳ꓿ ꓕꓲ ꓐꓱ ꓠꓬ ꓡꓽ ꓡˍ ꓟ ꓙ ꓖꓴ ꓗꓪ ꓣꓴ ꓟꓶ ꓢꓴ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ꓿
KBZ Master/Visa Prepaid Cards ꓗꓪ ꓐꓰ ꓒꓴ ꓮ ꓡꓲ ꓠꓲꓹ ꓫꓵ ꓕꓵꓼ ꓪ ꓟꓽ ꓓ ꓬꓰꓳ
ꓟꓲꓸ ꓟꓲ 2022 ꓘꓳꓼ 7 ꓦ 27 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ KBZ Master/Visa Prepaid Cards ꓗꓪ ꓐꓰ ꓚꓲꓸ ꓛꓬ ꓗꓶꓺ ꓔꓸ ꓟ ꓓꓳ ꓡ ꓒꓴ ꓮ ꓡꓲ ꓠꓲꓹ ꓫꓵ ꓮ ꓡꓲ ꓣꓴ ꓪ ꓟꓽ ꓓ ꓬꓰꓳ꓾ ꓐꓰ ꓓꓳꓽ ꓜꓳˍ ꓡꓳ꓿
“ꓕꓲꓽ ꓠꓬꓲ 50 ꓓꓳ ꓡ꓾ ꓕꓲꓽ ꓫꓵꓽ ꓠꓽ ꓗꓪ 100 ꓓꓳ ꓡ ꓕꓯꓽ ꓢꓲ ꓕꓵꓼ ꓣꓴ ꓪ ꓟꓽ ꓓ ꓐꓰ ꓗꓐꓜ ꓗꓪ ꓐꓰ ꓕꓳ ꓶ ꓛꓲ ꓡꓻꓳ” ꓐꓰ ꓕꓮꓲꓹ ꓗꓴꓷꓼ ꓗꓪ ꓛꓲ ꓔꓬ ꓟ ꓗꓐꓜ ꓦꓲꓢꓮ ꓑꓣꓰꓑꓮꓲꓓ ꓚꓮꓣꓓ ꓣꓱꓽ ꓢꓴ ꓕꓲꓽ ꓣꓳ ꓡꓰ ꓐꓯ ꓡꓳ꓿
ꓕꓱ ꓟ ꓠꓬ ꓗꓐꓜ ꓒꓴ ꓞꓳꓽ ꓦꓲ ꓗꓪ ꓚꓲꓸ ꓛꓬ ꓓꓳ ꓡ ꓒꓴ ꓗꓶꓺ ꓔꓸ ꓟ ꓔꓯ ꓣꓱꓽ ꓬꓯꓼ ꓕꓯꓽ ꓣꓴ ꓡꓲꓸ ꓟꓽ ꓙꓲ ꓬꓰˍ ꓟ ꓥ ꓡꓳ꓿ ꓟꓬ-ꓟ ꓒꓴ ꓣꓴ ꓡꓲꓸ ꓟꓽ ꓢ ꓬꓰˍ ꓟ ꓠꓬ ꓮ ꓡꓻ 1 ꓘꓳꓼ ꓙꓳ ꓡ ꓟ ꓥ ꓡꓳ꓿
ꓐꓶꓽ ꓗꓴꓷꓼ ꓗꓪ ꓓꓳ ꓙꓰ ꓢꓴ ꓐꓴ ꓔꓯ ꓠꓬ꓾ ꓙꓱ ꓦꓲ ꓜꓶꓽ ꓕꓳ ꓶ ꓐꓰ꓾ ꓑꓮꓢꓢꓑꓳꓣꓔ ꓟꓸ ꓖꓶꓽ ꓕꓯꓽ ꓙꓱ ꓦꓲ ꓠ ꓔꓶꓸ ꓒꓴ ꓑꓺ ꓔꓶꓸ ꓗꓪ ꓕꓲꓽ ꓣꓳ ꓓꓳ ꓡ 200 ꓑꓺ ꓪ ꓓ ꓡꓳ꓿
ꓗꓴꓷꓼ ꓠꓯꓸꓼ ꓗꓪ ꓓꓳ ꓡ ꓒꓴ ꓪꓴꓽ ꓔꓶꓸ ꓟꓽ ꓙꓳ ꓡꓰ꓾ ꓗꓴꓺ ꓗꓴ ꓢꓲꓺ ꓪꓴꓽ ꓡꓯ ꓘꓳ ꓔꓬ ꓟ ꓠꓬ 1 ꓓꓳ ꓡ ꓟꓬ-ꓟ ꓒꓴ 2300-2600 ꓒꓯꓼ ꓗꓪ ꓛꓲ ꓙꓳˍ ꓡꓳ꓿
ꓐꓬꓱꓽ꓾ ꓗꓐꓜ ꓝꓐ
Video News