ꓟꓯꓼ ꓗꓳ-ꓢꓰ ꓓꓳꓽ ꓐꓯ ꓟꓸ ꓔꓬ ꓟ ꓢꓯꓸ ꓐꓬꓱꓽ ꓮ ꓙꓵꓽ YouTube ꓡꓰꓽ ꓢꓲꓹ ꓩꓴ ꓔꓬ

ꓟꓯꓼ ꓗꓳ-ꓢꓰ ꓓꓳꓽ ꓐꓯ ꓟꓸ ꓔꓬ ꓟ ꓢꓯꓸ ꓐꓬꓱꓽ ꓮ ꓙꓵꓽ YouTube ꓡꓰ ꓢꓲꓹ ꓩꓴ ꓔꓬ ꓡꓳ ꓐꓰ News Watch ꓡꓰ ꓓꓳꓽ ꓐꓳ ꓔꓬ ꓡꓳ꓿

ꓖꓳ ꓡꓱꓳ ꓫꓵꓽ ꓫꓵꓽ ꓓꓳꓽ ꓐꓯ ꓑꓶꓺ ꓟ ꓠꓬ ꓞꓳ ꓜꓴ ꓬꓲꓸ ꓡꓲꓽ ꓬꓲꓸ ꓒꓰꓼ (Community Guidelines) ꓔꓯ ꓟꓽ ꓛꓳ ꓜꓯꓼ ꓬꓰ ꓐꓰ ꓓꓵꓽ ꓙ ꓠꓬꓲ ꓢꓲꓹ ꓩꓴ ꓔꓬ ꓟ ꓥ ꓡꓳ꓾ ꓐꓰ YouTube ꓡꓰ ꓢꓷ ꓡꓰ ꓓꓴ ꓐꓳ ꓔꓸ ꓡꓳ꓿

Facebook ꓗꓪ ꓥ ꓟꓲ ꓟꓯꓼ ꓗꓳ-ꓢꓰ ꓔꓯ ꓢꓯꓼ ꓖꓶˍ ꓟ꓾ ꓝꓮꓲ ꓟꓯꓼ ꓗꓳ-ꓢꓰ ꓐꓱ ꓶ ꓓꓳꓽ ꓐꓯ ꓑꓶꓺ ꓙ ꓔꓬ ꓟ ꓟꓣꓔꓦ꓾ ꓟꓪꓓ ꓢꓯꓸ ꓐꓬꓱꓽ ꓚꓱꓹ ꓮ ꓙꓵꓽ ꓢꓲꓹ ꓩꓴ ꓔꓬ ꓟ ꓥ ꓡꓳ꓿

ꓬꓲꓸ ꓚꓰ꓾ ꓠꓰꓪꓢ ꓪꓮꓔꓚꓧ

ꓗꓳ-ꓪꓰꓼ ꓠꓻ ꓗꓽ ꓠꓯ ꓞꓲꓼ 6 ꓧꓪꓹ ꓗꓸ ꓔꓸ ꓟ ꓕꓮꓲꓹ ꓠꓯ ꓞꓲꓼ ꓚꓱꓹ ꓢꓲꓽ ꓒꓽ ꓗꓳ-ꓪꓰꓼ ꓚꓲꓸ ꓬꓰꓳ

ꓗꓳ-ꓪꓰꓼ ꓠꓻ ꓗꓽ ꓠꓯ ꓞꓲꓼ 6 ꓧꓪꓹ ꓗꓸ ꓔꓸ ꓟ ꓕꓮꓲꓹ ꓗꓴꓷꓼ ꓙꓵꓽ ꓜꓴ ꓠꓯ ꓞꓲꓼ ꓚꓱꓹ ꓔꓯ ꓟꓳꓸ ꓢꓲꓽ ꓒꓽ ꓓꓽ ꓟ ꓠꓮꓲꓹ-ꓮ-ꓠꓴꓼ-ꓕꓲꓸ ꓛꓸ-ꓪꓰ-ꓬ-ꓗꓴꓸ ꓠꓬ ꓗꓳ-ꓪꓰꓼ ꓚꓲꓸ ꓬꓰꓳ ꓐꓰ ꓕꓮꓲꓹ ꓫꓵꓽ ꓓꓳ ꓕꓳ ꓶ ꓗꓪ ꓐꓳ ꓔꓸ ꓡꓳ꓿

ꓗꓳ-ꓪꓰꓼ ꓠꓻ ꓢꓴ ꓠꓲꓸ ꓡꓰ ꓔꓬ ꓥ ꓟꓲ꓾ ꓒ ꓞꓰꓹ ꓠꓬ ꓟꓽ ꓞꓰꓹ ꓡꓰ꓿ ꓗꓴꓷꓼ ꓕꓲ ꓟꓵꓽ ꓕꓲ ꓟꓵꓽ ꓗꓪ ꓠꓻ ꓢꓴ ꓡꓯ ꓫꓵ ꓙꓳ ꓔꓬ ꓡꓳ꓿

ꓟꓬꓱꓽ ꓬꓰ ꓔꓶꓸ ꓗꓪ ꓐꓳꓽ ꓐꓶ ꓡ ꓠꓰ ꓪꓳ-ꓑꓮꓳ ꓡꓰꓽ ꓕꓼ ꓩꓴ ꓡ

ꓢꓲꓼ-ꓗꓮꓲꓹ ꓟꓵꓽ꓾ ꓡꓯꓼ-ꓑ-ꓓꓮꓳꓹ ꓪꓽ ꓜꓱꓽ ꓗꓪ ꓙꓲꓽ ꓚꓴꓸ ꓔꓬ ꓟ ꓪꓳ-ꓑꓮꓳ ꓗꓳ-ꓑꓶ-ꓠꓰ ꓡꓰ ꓟꓬꓱꓽ ꓬꓰ ꓔꓶꓸ ꓗꓪ ꓐꓳꓽ ꓐꓶ ꓡ ꓢꓴ ꓑꓓꓝ ꓐꓴ ꓔꓯ ꓕꓼ ꓕꓳ ꓶ ꓕꓲ ꓚꓴꓸ 2022 ꓘꓳꓼ 6 ꓦ 28 ꓠꓬꓲ ꓗꓪ ꓓꓳ ꓩꓴ ꓡ ꓡꓳ꓿

ꓢꓓ ꓙ ꓟꓴ ꓙ ꓕꓳ ꓶ ꓗꓪ꓾ ꓪꓳ-ꓑꓮꓳ ꓗꓳ-ꓑꓶ-ꓠꓰ ꓠꓬ ꓗꓴꓷꓼ ꓫꓵꓽ ꓪꓴꓻ ꓗꓪ ꓮ ꓡꓲ ꓕꓲ ꓛꓱꓽ ꓗꓪˍ ꓟꓲ ꓟꓽ ꓔꓺ ꓔꓬ꓿ ꓖꓳ ꓟ ꓑꓶꓸ ꓓꓴ ꓟꓬꓱꓽ ꓬꓰ ꓜꓽ ꓬꓰ ꓓꓳ ꓙꓲ ꓠꓹ ꓟ ꓚꓱꓹ ꓔꓯ ꓥꓳ ꓡꓳꓸ ꓡꓳ꓿ ꓐꓳꓽ ꓐꓶ ꓡ ꓢꓴ ꓑꓓꓝ ꓔꓯ ꓕꓼ ꓡꓳ꓾ ꓐꓯ ꓔ ꓡꓳ꓿

ꓑꓓꓝ ꓡꓰ ꓐꓯ ꓟ ꓠꓬ꓾ ꓧꓶꓸ ꓕꓯꓽ ꓠꓬ ꓬꓲ ꓪ ꓔꓱꓹ ꓬꓲꓸ ꓪ ꓔꓬ ꓥ ꓟꓲ꓾ ꓮ ꓟꓶ ꓕ ꓑꓳꓸ ꓠꓬ ꓟꓬ-ꓟ ꓟꓯꓼ ꓜꓽ ꓘꓪ ꓖꓶꓽ ꓔꓬ ꓠꓬꓲ ꓕꓱ ꓡꓱ ꓐꓳꓽ ꓐꓶ ꓩꓴ ꓡ ꓟ ꓥ ꓡꓳ꓾ ꓐꓯ ꓔꓸ ꓡꓳ꓿

ꓑꓓꓝ ꓐꓴ ꓡꓰ ꓪꓳ-ꓑꓮꓳ ꓗꓳ-ꓑꓶ-ꓠꓰ ꓐꓱ ꓔꓯ 2022 ꓘꓳꓼ 6 ꓦ 22 ꓠꓬꓲ ꓕꓯꓽ ꓐꓳꓽ ꓐꓶˍ ꓟ ꓐꓰ꓾ 24 ꓠꓬꓲ ꓕꓯꓽ ꓮ ꓔꓳꓸ ꓙꓼ ꓚꓶꓹ ꓬꓲꓸ ꓜꓳꓻ ꓐꓶ ꓐꓱꓽ ꓩꓴ ꓗꓷˍ ꓟ ꓙꓳ ꓡꓳ꓿ꓞꓳ ꓘꓹ ꓔꓯ ꓮ ꓔꓳꓸ ꓛꓴ ꓔꓬ ꓟ ꓑꓶꓸ ꓓꓴ ꓑ ꓫꓬ ꓐꓴ ꓠꓲꓹ ꓟ ꓩꓴꓺ ꓔꓴ ꓡ ꓢꓲꓸ ꓙꓳˍ ꓟ ꓟꓯꓼ ꓶ ꓤ ꓗꓪ ꓐꓰ ꓒꓳꓹ ꓔꓳꓹ ꓩꓴ ꓡ ꓔꓬ ꓥ ꓡꓳ꓿ꓧꓶꓸ ꓕꓯ ꓠꓬ ꓧꓶꓽ ꓗꓴꓷꓼ ꓶ ꓡꓯꓼ ꓚꓱꓹ ꓔꓯ ꓠꓶꓽ ꓢꓴ ꓟꓽ ꓙꓳ ꓥ ꓟꓲ꓾ꓮ ꓟꓶ ꓠꓬ ꓘꓶꓻ ꓡꓶꓽ ꓓꓴ ꓙꓳ ꓡ ꓔꓬ ꓟ ꓥ ꓡꓳ꓿