ꓡꓲ-ꓢꓴ ꓒꓽ 2 ꓣꓳ USA NAVY ꓟꓯꓼ ꓜꓲꓽ ꓢꓳ ꓓꓳ ꓡꓰˍꓟ꓾
ASEAN BE USA BU ASIA ꓡ ꓞꓳ 10000 ꓣꓳ Bꓱ ꓶ ꓖꓪ ꓙꓱ ꓜꓲꓼ ꓓꓴ ꓬꓰ ꓔꓬ=
ꓮꓴꓓꓲꓳ ꓠꓰꓪꓢ
ꓦꓲꓓꓰꓳ ꓠꓰꓪꓢ
ꓡꓲ-ꓢꓴ ꓒꓽ 2 ꓣꓳ US Navy ꓟꓯꓼ ꓜꓲꓽ ꓢꓳ ꓓꓳ ꓡꓻꓳ
2022 ꓘꓳꓼ 5 ꓦ 13 ꓠꓬꓲ ꓗꓪ꓾ ꓡꓲ-ꓢꓴ ꓒꓽ Isaac Gwa ꓐꓰ꓾ Joshua Bya ꓐꓴ ꓠꓬꓲꓽ ꓫꓵꓸ ꓢꓴ ꓠꓬ ꓴꓢ Navy ꓟꓯꓼ ꓜꓲꓽ ꓢꓳ ꓔꓶꓸ Officer Training Command Newports, Rhode Island ꓗꓪ ꓢꓳ ꓓꓳ ꓡꓰ ꓢꓲꓸ ꓙꓵꓽ ꓪꓴꓸ ꓛꓴꓽ ꓣꓴ_ ꓡꓳ= “ꓕꓱ ꓟ ꓠꓬ ꓬꓲꓸ ꓪ ꓢꓲꓽ ꓒ ꓟꓬꓱꓽ ꓬꓰ ꓪꓴꓸ ꓔꓴ ꓠꓹ ꓟ ꓢꓳ ꓟꓯꓼ ꓤꓹ ꓢꓳ ꓔꓶꓸ ꓗꓪ ꓤꓹ ꓓꓳ ꓡꓰ ꓟ ꓥ ꓡꓳ= ꓙꓵꓽ ꓪꓴꓸ ꓛꓴꓽ ꓣꓴ ꓟꓶ ꓡꓰ ꓗ ꓠꓯꓸ ꓬꓲꓸ ꓪ ꓠꓬ ꓬꓲ ꓙꓬ ꓞꓽ ꓒꓳꓽ ꓟꓯꓼ ꓒꓱ ꓓꓽ ꓟ ꓗꓪ ꓟꓬꓱꓽ ꓬꓰ ꓪꓴꓸ ꓔꓴ ꓙꓰ ꓓꓴ ꓥꓳ” ꓐꓰ Isaac Gwa ꓬꓲꓸ ꓐꓹ ꓐ ꓟꓸ ꓒꓽ ꓮ-ꓓꓶꓸ-ꓖꓪꓽ ꓡꓰ ꓐꓯ ꓡꓳ=ꓟꓴ_ ꓟ ꓗꓴꓷꓼ ꓓꓽ ꓟ ꓴꓢꓮ ꓗꓪ ꓬꓲꓸ ꓪꓴꓸ ꓟ ꓡꓲ-ꓢꓴ ꓒꓽ ꓠꓬꓲꓽ ꓣꓳ US Navy ꓟꓯꓼ ꓜꓲꓽ ꓬꓰ ꓪꓴꓸ ꓔꓴ ꓢꓴ ꓒꓬꓱꓼ ꓡ ꓟ ꓥ ꓡꓳ=
ꓮ-ꓢꓲ-ꓬ ꓡ ꓞꓳ 10000 ꓢꓯꓹ ꓐꓱ ꓶ ꓴꓢꓮ ~ ꓮ-ꓢꓰ-ꓬ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓬꓰ ꓔꓬ
2022 ꓘꓳꓼ 5 ꓦ 12 ꓠꓬꓲ ꓗꓪ ꓮ-ꓢꓲ-ꓬ ꓡ ꓞꓳ 10000 ꓢꓯꓹ ꓐꓱ ꓶ ꓴꓢꓮ ~ ꓮ-ꓢꓰ-ꓬ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓬꓰ ꓠꓹ ꓟ ꓦꓲ ꓒꓴ ꓒꓴ ꓗꓪ ꓴꓢꓮ ꓗꓴꓷꓼ ꓙꓵꓽ ꓓꓴ ꓙꓳꓹ-ꓐ-ꓓꓲ ꓡꓰꓽ ꓬꓲꓸ ꓪꓴꓸ ꓕꓲ ꓧꓪꓹ ꓘꓳ ꓣꓴ ꓗꓷꓳ꓿
“ꓮ-ꓢꓲ-ꓬ ꓟꓵꓽ ꓫꓴ ꓓꓽ ꓟ ꓗꓪ ꓔꓬ ꓟ ꓡ ꓞꓳ 10000 ꓢꓯꓹ ꓐꓴ ꓔꓯ ꓡꓳꓸ ꓙ ꓗꓽ ꓙ ꓚꓱꓹ꓾ ꓪꓴꓽ ꓟꓴ ꓡ ꓚꓱꓹ ꓐꓰ꓾ ꓡ ꓞꓳ ꓶꓽ ꓐꓱ ꓶ ꓖꓪ ꓙꓱ ꓓꓴ ꓥꓳ” ꓐꓰ ꓴꓢꓮ ꓗꓴꓷꓼ ꓙꓵꓽ ꓓꓴ ꓙꓳꓹ-ꓐ-ꓓꓲ ꓡꓰꓽ ꓐꓯ ꓡꓳ꓿ꓮ-ꓢꓰ-ꓬ ꓜꓴ ꓗꓪ ꓔꓺ ꓢꓴ ꓗꓴꓷꓼ ꓧꓳꓽ ꓪꓴꓸ ꓟꓴ ꓓꓴ ꓐꓴ ꓠꓬ ꓴꓢꓮ꓾ ꓪ-ꓫꓲ-ꓔ ꓗꓪ ꓛꓲ ꓔꓬ ꓟ ꓥ ꓢꓲ꓾ ꓟꓬ-ꓟ ꓟꓯꓼ ꓕꓲ ꓒꓳꓹ ꓔꓯ ꓖꓳ ꓗꓪ ꓟꓽ ꓘꓴ ꓔꓸ꓿