ꓬꓲꓸ ꓢꓯꓸ ꓠ ꓠꓹ ꓓꓴ(ꓮꓴꓓꓲꓳ)
ꓟꓬꓱ ꓓꓳꓽ ꓙꓳ ꓟ ꓖꓳ ꓓꓱꓽ ꓢꓯꓼ ꓠꓵꓹ ꓒꓽ ꓟꓯꓼ-ꓟꓲ-ꓡ (McMillan) 44 ꓘꓳꓼ ꓡꓳꓼ ꓕꓯꓽ ꓫꓵꓻꓳ
ꓕꓲ ꓟꓲ ꓠꓯ ꓗꓪ ꓐꓰ ꓟꓬꓱꓺ ꓓꓳꓽ ꓙꓳˍ ꓟ ꓖꓳ ꓓꓱꓽ ꓢꓯꓼ ꓠꓵꓹ ꓒꓽ ꓟꓯꓼ-ꓟꓲ-ꓡ (McMillan) ꓠꓬ 44 ꓡꓳꓼ ꓕꓯꓽ ꓫꓵꓻꓳ꓿
ꓠꓲꓹ ꓟ ꓠꓻ ꓫꓵꓽ ꓑꓶꓸ ꓓꓴ ꓫꓵꓻꓳ ꓐꓰ ꓐꓯ ꓡꓳ꓿ ꓕꓱ ꓟ ꓑꓶꓸ ꓓꓴ ꓧꓶꓸ ꓕꓯꓽ ꓦꓬꓼ ꓠꓬꓲ ꓗꓪ ꓟ ꓖꓳ ꓓꓱꓽ ꓠꓵꓹ ꓢꓴ ꓐꓴˍ ꓡꓰ ꓐꓰ ꓤꓶ ꓟꓽ ꓫꓵꓻ ꓟ ꓔꓯ ꓟꓳꓸ ꓖꓳ ꓓꓱꓽ ꓠꓵꓹ ꓢꓴ ꓐꓴ ꓗꓳ ꓡꓳ ꓗꓪ ꓖꓪ ꓙꓱ ꓓꓴ ꓕꓲ ꓟ ꓗꓷ ꓡ ꓔꓬ ꓡꓳ꓿
“ꓧꓶꓸ ꓕꓯ ꓟ ꓡ ꓞꓳ ꓐꓴ ꓠꓬ ꓜꓽ ꓓꓴ ꓙꓲˍ ꓟ ꓙꓲ ꓙꓲ ꓜꓽ ꓡꓳ꓿ ꓮ ꓟꓶ ꓠꓬ ꓠꓯ ꓞꓲꓼ ꓠꓯ ꓟꓲ ꓜꓽ ꓟꓬꓽ ꓡꓰ ꓡꓳ꓿ ꓝꓮꓲ ꓜꓽ ꓓꓴ ꓓꓳ ꓓꓴ ꓥ ꓟꓲ chemical ꓐˍ ꓟ ꓜꓽ ꓟꓬꓽ ꓡꓰ ꓠꓬꓲ ꓥ ꓡꓲꓸ ꓟꓽ ꓢꓷꓸ” ꓐꓰ ꓡꓳ ꓖꓪ ꓟꓸ ꓒ ꓕꓲ ꓣꓳ ꓡꓰ ꓐꓯ ꓡꓳ꓿ ꓬꓲ ꓔꓯ 1977 ꓘꓳꓼ 8 ꓦ 17 ꓠꓬꓲ ꓕꓯꓽ ꓦꓵ ꓗꓷ ꓢꓲ꓾ 2022 ꓘꓳꓼ 4 ꓦ 12 ꓠꓬꓲ ꓕꓯꓽ ꓫꓵꓻꓳ꓿
Video
ꓕꓲ ꓟꓲ ꓠꓯ ꓗꓪ ꓕꓳ ꓶ ꓐꓳ ꓢꓴ ꓔꓯ ꓞꓳꓹ ꓡꓴꓽ ꓔꓬ ꓟ ꓗꓪ ꓟꓬ-ꓟ ꓠꓬ ꓠꓳꓸ 3
ꓕꓲ ꓟꓲ ꓠꓯ ꓗꓪ ꓕꓳ ꓶ ꓐꓳ ꓢꓴ ꓐꓴ ꓔꓯ ꓗꓸ ꓧꓪ ꓢꓲꓸ ꓞꓳꓹ ꓡꓴꓽ ꓔꓬ ꓟ ꓗꓪ ꓟꓬ-ꓟ ꓠꓬ ꓠꓳꓸ 3 ꓖꓼ ꓔꓬ ꓡꓳ꓾ ꓐꓰ PEN America ꓡꓰ ꓠꓬꓲꓸ ꓠꓬꓲ 2022 ꓘꓳꓼ 4 ꓦ 14 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓠꓳꓸ 9 ꓗꓪ ꓚꓳꓸ 3 ꓗꓪ ꓓꓯꓻ ꓡ ꓓꓴ ꓟ ꓙꓲꓹꓳ ꓫꓵꓽ ꓠꓽ ꓟꓽ ꓥ꓿ ꓢꓷꓸ ꓢꓴ ꓗꓴꓸ ꓢꓴ ꓔꓯ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓟ ꓗꓴꓷꓼ ꓠꓬ ꓟꓽ ꓜꓳꓽ ꓡ꓿ ꓪꓴꓸ ꓠꓷꓸ ꓔꓯ ꓡꓴꓽ ꓔꓸ ꓟ ꓡꓰ ꓐꓰ ꓥꓳ” ꓐꓰ ꓚꓲ ꓛꓬ ꓟꓬꓱꓺ ꓞꓶ ꓠꓲꓹ ꓟꓽ ꓫꓵˍ ꓟ ꓕꓳ ꓶ ꓐꓳ ꓒꓽ ꓕꓲ ꓣꓳ ꓡꓰ ꓐꓯ ꓡꓳ꓿
ꓕꓳ ꓶ ꓐꓳ ꓢꓴ ꓔꓯ ꓐꓱ ꓓꓴꓽ ꓗꓪ ꓣꓴ ꓡꓴꓽ ꓔꓸ ꓟ ꓔꓯꓸ ꓟꓳꓸ ꓐꓯˍ ꓠꓬ꓾ ꓕꓲ ꓟꓲ ꓠꓯ ꓗꓪ ꓟ ꓗꓴꓷꓼ ꓐꓴ ꓗꓪ ꓐꓰ꓾ ꓧꓶꓽ ꓒꓽ ꓗꓴꓷꓼ ꓗꓪ 85 ꓣꓳ ꓙꓳ ꓢꓲꓸ ꓠꓳꓸ 1꓾ ꓢꓳ-ꓓꓲ-ꓮ-ꓬꓯ-ꓐꓲ-ꓬ ꓗꓴꓷꓼ ꓗꓪ 28 ꓣꓳ ꓙꓳ ꓢꓲꓸ ꓠꓳꓸ 2꓾ ꓟꓬ-ꓟ ꓗꓴꓷꓼ ꓪ 26 ꓣꓳ ꓙꓳ ꓢꓲꓸ ꓠꓳ. 3 ꓢꓪꓼ ꓪ ꓔꓸ ꓡꓳ꓿ ꓕꓲ ꓟꓲ ꓠꓯ ꓡꓴꓸ ꓗꓪ ꓠꓬ ꓕꓳ ꓶ ꓐꓳ ꓢꓴ 277 ꓣꓳ ꓐꓱ ꓓꓴꓽ ꓗꓪ ꓡꓴꓽ ꓔꓬ ꓡꓳ꓿
ꓙ ꓖꓶ ꓢꓴ꓾
ꓕꓳ ꓶ ꓐꓳ ꓒꓽ ꓗꓙ
ꓫ ꓪ ꓢꓯꓸ ꓡꓴꓽ ꓗꓶ ꓢꓴ ꓐꓰ ꓦꓲꓓꓰꓳ ꓰꓓꓲꓓ꓾ ꓐꓡ ꓡisu
Producer: ADJ Lisu