ꓗ-ꓬꓲ ꓞꓳ ꓫꓵꓽ ꓜꓴ ꓜꓲꓼ (ꓗꓠꓴ) ꓡꓰ ꓗ-ꓬꓲ ꓟꓵꓽ 5 ꓟꓵꓽ ꓔꓯ ꓚꓲꓸ ꓛꓬ ꓔꓱꓹ ꓚꓲꓸ ꓛꓬ ꓙꓵꓽ ꓠꓹ ꓟ ꓙꓵꓽ ꓪ ꓡꓯꓼ ꓙꓱ ꓗꓷꓳ ꓐꓰ ꓗꓠꓴ ꓟꓵꓽ ꓙꓵꓽ ꓗꓪꓼ ꓔꓯ ꓟꓳꓸ ꓟꓬꓱꓽ ꓬꓰ ꓜꓴ ꓡꓰ ꓠꓬꓲꓸ ꓠꓬꓲ 2022 ꓘꓳꓼ 4 ꓦ 14 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ=.
ꓬꓲꓸ ꓢꓯꓼ ꓠ ꓠꓹ ꓓꓴ(ꓮꓴꓓꓲꓳ)
Video
ꓗꓠꓴ ꓡꓰ ꓗ-ꓬꓲ ꓟꓵꓽ 5 ꓟꓵꓽ ꓔꓯ ꓩꓯ-ꓓ-ꓬꓯ ꓖꓶ ꓗꓷꓳ
ꓗ-ꓬꓲ ꓞꓳ ꓫꓵꓽ ꓜꓴ ꓜꓲꓼ (ꓗꓠꓴ) ꓡꓰ ꓗ-ꓬꓲ ꓟꓵꓽ 5 ꓟꓵꓽ ꓔꓯ ꓚꓲꓸ ꓛꓬ ꓔꓱꓹ ꓚꓲꓸ ꓛꓬ ꓙꓵꓽ ꓠꓹ ꓟ ꓙꓵꓽ ꓪ ꓡꓯꓼ ꓙꓱ ꓗꓷꓳ ꓐꓰ ꓗꓠꓴ ꓟꓵꓽ ꓙꓵꓽ ꓗꓪꓼ ꓔꓯ ꓟꓳꓸ ꓟꓬꓱꓽ ꓬꓰ ꓜꓴ ꓡꓰ ꓠꓬꓲꓸ ꓠꓬꓲ 2022 ꓘꓳꓼ 4 ꓦ 14 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ=
ꓕꓱ ꓟ ꓠꓬ ꓗ-ꓬꓲ ꓫꓵꓽ ꓐꓴ ꓚ ꓟꓲꓽ ꓗꓪ ꓬꓲꓸ ꓪꓴꓸ ꓟ ꓕꓲ ꓧꓪꓹ ꓚꓲꓸ ꓛꓬ ꓔꓱꓹ ꓚꓲꓸ ꓛꓬ ꓙꓵꓽ_ ꓟ ꓟꓵꓽ ꓐꓱꓻ ꓖꓶꓽ ꓩꓴ ꓡ ꓟ ꓥ ꓡꓳ= ꓕꓱ ꓡꓱꓳ ꓫꓵꓽ ꓟꓵꓽ ꓔꓯ ꓗ-ꓬꓲ ꓥꓳꓽ ꓗꓪ “ꓗꓳ” ꓐꓯ_ ꓡꓳ= ꓘꓳ-ꓐꓴ-ꓓꓯꓹ-ꓗꓳ꓾ ꓟꓳ-ꓡꓳ-ꓓꓯꓹ-ꓗꓳ꓾ ꓗꓳ-ꓬꓳ-ꓟꓴ-ꓑꓯ꓾ ꓗꓳ-ꓟꓴ-ꓡ-ꓦꓯꓹ꓾ ꓗꓳ-ꓔꓯ-ꓖꓴ ꓐꓴ ꓥ ꓡꓳ= ꓚꓲ ꓛꓬ ꓟꓵꓽ ꓔꓯ ꓖꓳ ꓗꓪ ꓔꓬ ꓢꓴ ꓐꓴ ꓚꓲꓸ ꓛꓬ ꓔꓱꓹ ꓚꓲ ꓛꓬ ꓡꓲꓽ ꓒꓰꓼ ꓡꓰ ꓙꓵꓽ ꓗꓪꓼ ꓠꓹ ꓟ ꓥ ꓡꓳ=
“ꓥꓪ ꓠꓴ ꓠꓬ ꓕꓲ ꓗꓴꓷꓼ ꓡꓱꓸꓼ ꓩꓯ-ꓓ-ꓬꓯꓼ ꓙꓵꓽ ꓚꓱꓹ ꓓꓳ ꓡ ꓗꓪ ꓛꓲ ꓡꓳꓸ ꓠꓬꓹ ꓟꓽ ꓘꓴ= ꓮ ꓟꓶ_ ꓡꓰ ꓚꓲ ꓛꓬ ꓔꓬ ꓟꓵꓽ ꓔꓯ ꓚꓲ ꓛꓬ ꓙꓵꓽ ꓗꓪꓼ ꓠꓹ ꓟ ꓙꓵꓽ ꓪ ꓖꓶ ꓗꓷ ꓟ ꓥ ꓡꓳ” ꓐꓰ ꓗꓠꓴ ꓟꓵꓽ ꓐꓰ ꓦ ꓟꓲ ꓓꓰ ꓟꓲꓺ ꓔꓯ ꓟꓳꓸ ꓗꓪꓽ ꓫꓵꓽ ꓜꓴ ꓡꓰ ꓐꓯ_ ꓡꓳ=
Source: Karen Information Center. Photo: Saw Mort
ꓗ-ꓬ ꓡꓽ-ꓢꓸ-ꓟ Thai Fight ꓗꓪ ꓧꓪꓸ ꓡꓰꓳ
ꓟꓬ-ꓟ ꓗꓴꓷꓼ ꓗꓪ ꓐꓰ ꓚꓴꓹ ꓡꓯ ꓘꓳ ꓟ꓾ ꓗ-ꓬ ꓡꓽ-ꓢꓸ-ꓟ ꓐꓯ ꓠꓰ ꓟꓬꓱꓺ ꓓꓳꓽ ꓙꓳˍ ꓟ Vero V.Rujirawong ꓠꓬ Thai Fight 2022 ꓘꓳꓼ 4 ꓦ 17 ꓠꓬꓲ ꓚꓴꓹ ꓡꓯ ꓘꓳ ꓑꓮꓲꓽ ꓗꓪ ꓚꓴꓹ ꓧꓪꓸ ꓡꓰꓳ꓿
ꓪꓴꓸ ꓔꓴ ꓗꓪ ꓐꓰ ꓠꓺ ꓡꓲꓺ 1 ꓧꓶ ꓟꓽ ꓐꓲ ꓢꓰꓽ ꓕꓯꓽ (37 ꓕꓶꓹ) ꓗꓪ ꓚꓴꓹ ꓓꓳꓽ ꓩꓴ ꓗꓷ ꓟ ꓥ ꓡꓳ꓿
ꓬꓲ ꓔꓯ Thai Fight ꓜꓴ ꓗꓪ 3 ꓘꓳꓼ ꓚꓴꓹ ꓪ ꓓ ꓟ ꓙ ꓟꓳ ꓘꓶꓽ ꓕꓳ ꓶ ꓡꓯꓼ ꓓꓴ ꓢꓽ ꓗꓷꓳ꓿ ꓟꓬ-ꓟ ꓗꓪ ꓐꓰ ꓕꓱ ꓡꓱ ꓚꓴꓹ ꓪ ꓢꓴ ꓠꓬ ꓬꓲꓸ ꓠꓽ ꓬꓲꓸ ꓪꓴꓸ ꓕꓲ ꓣꓳ ꓥ ꓡꓳ꓿