ꓑ ꓫꓬ ꓙꓵꓽ ꓪ ꓦꓴ ꓢꓴ ꓐꓴ ꓡꓰ ꓲ-ꓢꓰ ꓐꓱ ꓓꓴꓽ (Insein Prison) ꓗꓪ ꓣꓴ ꓡꓴꓽ ꓔꓸ ꓟ ꓠꓡꓓ ꓜꓴ ꓚꓰ ꓟꓬꓱꓽ ꓧꓳꓽ ꓣꓱꓽ ꓗꓳ-ꓟꓲ-ꓔꓲ ꓔꓺ ꓢꓴ ꓠꓬꓮ-ꓪꓰꓸ ꓠꓬ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓕꓯ ꓚꓳꓦꓲꓓ-19 ꓠꓻ ꓜꓳ ꓡꓰ ꓢꓲ꓾ ꓠꓬꓲꓸ ꓠꓬꓲ 2021 ꓘꓳꓼ 7 ꓦ 20 ꓠꓬꓲ꓾ ꓠꓯꓼ 9ꓽ15 ꓧꓶ ꓕꓯ ꓬꓥ-ꓖꓳ ꓠꓯ ꓞꓲꓼ ꓦꓲ ꓓꓽ ꓟ (Yangon General Hospital) ꓗꓪ ꓢꓯꓼ ꓟꓬ ꓓꓳ ꓬꓰꓳ=
ꓬꓲꓸ ꓠꓬ ꓠꓡꓓ ꓬꓲꓸ ꓛꓲ ꓫꓸ ꓕꓱ ꓢꓴ ꓮ ꓟꓬꓹ ꓘꓳꓼ ꓟꓬꓱꓽ ꓬꓰ ꓗꓳꓸ ꓡ ꓢꓴ꓾ ꓜꓴ ꓚꓰꓺ ꓗꓪ ꓔꓺ ꓢꓲꓸ ꓟꓬꓱꓽ ꓢꓲꓺ ꓟꓬꓱꓽ ꓬꓰ ꓗꓳꓸ ꓡ ꓢꓴ ꓕꓲ ꓣꓳ ꓥ ꓡꓳ= ꓬꓲꓸ ꓫꓵꓻ ꓕꓯ 79 ꓘꓳꓼ ꓙꓳ ꓡꓳ= ꓕꓱ ꓟ ꓠꓬ ꓠꓡꓓ ꓟꓴ ꓕꓲꓸ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓗꓪ ꓐꓰ ꓙꓵꓽ ꓪ ꓦꓴ ꓟꓯꓼ ꓡꓰ ꓣꓴ ꓡꓴꓽ ꓔꓸ ꓢꓲ꓾ ꓐꓱ ꓓꓴꓽ ꓗꓪ ꓚꓳꓦꓲꓓ-19 ꓚꓲꓸ ꓡꓰ ꓢꓲ ꓢꓯꓼ ꓟꓬ ꓡꓳꓹ ꓬꓰ ꓟ ꓬꓲꓸ ꓪꓴꓸ ꓕꓲ ꓣꓳ ꓥ ꓡꓳ= ꓮ ꓟꓶ ꓐꓱ ꓓꓴꓽ ꓘꓴꓽ ꓗꓪ ꓔꓬ ꓟ ꓠꓡꓓ ꓧꓳꓼ ꓪꓴꓸ ꓟꓴ ꓢꓴ ꓐꓴ ꓐꓰ꓾ ꓧꓶꓸ ꓕꓯ ꓬꓥ-ꓖꓳꓥ ꓟꓵꓽ ꓫꓴ ꓙꓵꓽ ꓜꓴ ꓢꓽ ꓡ ꓙꓵꓽ ꓒꓽ ꓒꓬꓴꓹ-ꓟꓰꓹ-ꓔꓲꓸ ꓐꓴ ꓥ ꓟꓲ ꓚꓳꓦꓲꓓ-19 ꓠꓻ ꓔꓬ ꓡꓳ=