ꓠꓡꓓ ꓟꓳ-ꓬꓳꓺꓽ ꓮꓳ-ꓫꓲꓠ ꓢꓯꓼ ꓟꓬ ꓡꓳꓹ ꓬꓰꓳ

2021 ꓘꓳꓼ 11 ꓦ 28 ꓠꓬꓲ ꓠꓯꓼ 6:30 ꓙꓵꓹ ꓕꓯꓽ ꓬꓥ-ꓖꓳꓥ ꓗꓪ ꓠꓲꓹ ꓟ ꓠꓻ ꓫꓵꓽ ꓑꓶꓸ ꓓꓴ ꓢꓯꓼ ꓟꓬ ꓡꓳꓹ ꓬꓰꓳ꓿

ꓬꓲꓸ ꓠꓬ ꓘꓶꓽ ꓪꓰ ꓐꓳ ꓒꓽ ꓥ ꓢꓲ꓾ 1964 ꓘꓳꓼ ꓕꓯ ꓟꓯꓼ ꓜꓲꓽ ꓠꓯ-ꓪꓰꓸ ꓔꓯ ꓔꓳꓹ ꓢꓴ ꓬꓰ ꓗꓷ ꓟ ꓑꓶꓸ ꓓꓴ ꓐꓱ ꓓꓴꓽ ꓗꓪ ꓡꓴꓽ ꓪ ꓡꓰ ꓢꓴ ꓥ ꓡꓳ꓿ ꓝꓮꓲ 1988 ꓘꓳꓼ ꓕ ꓑꓳꓸ ꓟꓯꓼ ꓙꓵꓽ ꓪ ꓙꓳ ꓟ ꓦꓬꓼ ꓠꓬꓲ ꓗꓪ ꓬꓲꓸ ꓘꓳꓼ ꓮ ꓟꓬꓹ ꓐꓱ ꓓꓴꓽ ꓗꓪ ꓡꓴꓽ ꓟꓶ ꓡꓰ ꓢꓴ ꓥ ꓡꓳ꓿

2021 ꓘꓳꓼ ꓟꓯꓼ ꓙꓵꓽ ꓪ ꓣꓴ ꓔꓯꓹ ꓙꓰ ꓕꓯꓽ ꓬꓲꓸ ꓔꓯ ꓐꓱ ꓓꓴꓽ ꓗꓪ ꓡꓴꓽ ꓪ ꓡꓰ ꓢꓲ꓾ ꓐꓱ ꓓꓴꓽ ꓗꓪ ꓐꓰ ꓩꓴ ꓗꓷ ꓡ ꓟ ꓦ ꓐ ꓕꓲ ꓟ ꓐꓰ 19 ꓠꓬꓲ ꓡꓳꓼ ꓕꓯꓽ ꓕꓱ ꓡꓱ ꓢꓯꓼ ꓟꓬ ꓡꓳꓹ ꓬꓰ ꓟ ꓥ ꓡꓳ꓿

ꓬꓲ ꓠꓬ ꓠꓡꓓ ꓗꓪ ꓐꓰ ꓠꓬꓲꓸ ꓓꓳ ꓡ ꓟ ꓓ-ꓪꓮꓦꓰ ꓕꓳ ꓶ ꓠꓬꓲꓸ ꓟꓬꓱꓽ ꓐꓰ꓾ ꓠꓡꓓ ꓐꓱ ꓶ ꓫꓸ ꓕꓱ ꓢꓴ ꓟꓬꓱꓽ ꓬꓰ ꓗꓷ ꓢꓴ ꓥ ꓢꓲ꓾ ꓬꓲꓸ ꓫꓵꓻ ꓕꓯ 77 ꓘꓳꓼ ꓙꓳ ꓡꓳ꓿