2022 ꓘꓳꓼ 9 ꓦ 21 ꓠꓬꓲ ꓕꓯꓽ ꓟꓬ-ꓟ ꓗꓴꓷꓼ꓾ ꓟ-ꓓꓲ-ꓡꓲ ꓡꓳ ꓒꓱ ꓗꓪ ꓠꓡꓓ ꓗꓪ ꓔꓺ ꓔꓬ ꓢꓴ ꓕꓲꓽ ꓒꓲꓸ ꓫꓵꓽ ꓢꓲꓸ ꓚꓣꓑꓧ/ꓠꓴꓖ/ꓑꓓꓝ ꓔꓯ ꓔꓳꓹ ꓥꓳꓽ ꓬꓰ ꓟꓳꓸ ꓖꓶ ꓔꓬ ꓡꓳ꓿
ꓒꓳꓹ ꓔꓳꓹ ꓟ ꓜꓲꓼ ꓓꓴ ꓔꓯ ꓠꓬ꓾ ꓙ ꓖꓴ ꓚꓱꓹ 35꓾ꓠꓡꓓ ꓙꓵꓽ ꓦꓲ ꓟꓲꓸ ꓕꓯꓽ ꓗꓪ ꓬꓰˍ ꓟ ꓥꓳ꓿ ꓘꓴ ꓔꓴ ꓢꓴ ꓐꓴ ꓠꓬ ꓠꓡꓓ ꓑ -ꓔꓲ ꓣꓱꓽ ꓫꓶꓹ ꓚꓽ ꓟ ꓢꓲꓽ ꓢꓲꓽꓳ ꓫꓵꓽ ꓐꓯ ꓞꓲꓽ ꓖꓪꓽ ꓔꓸ ꓡꓳ꓿
ꓘꓴ ꓔꓴ ꓢꓴ 15 ꓣꓳ ꓛꓲ ꓜꓲꓼ ꓢꓲ꓾ “ꓜꓲꓽ ꓜꓲꓽ ꓑꓰꓹ ꓑꓰꓹ ꓬꓰ ꓢꓴ ꓚꓣꓑꓧ/ꓠꓴꓖ/ꓑꓓꓝ ꓐꓴ ꓔꓯ ꓒꓳꓹ ꓔꓳꓹ ꓥꓳ” ꓐꓰ ꓐꓳ ꓔꓸ ꓟ ꓢꓷ ꓡꓰ ꓓꓴ ꓔꓯꓹ ꓢꓲꓸ ꓒꓳꓹ ꓔꓳꓹ ꓔꓬ ꓟ ꓥ ꓡꓳ꓿
ꓟ-ꓓꓲ-ꓡꓲ ꓗꓪ ꓗꓳꓸ ꓗꓷ ꓟ ꓦ ꓐ ꓗꓪ ꓙ ꓖꓴ ꓚꓱꓹ 30 ꓗꓪ ꓮ ꓫꓵꓽ ꓝꓴꓲꓸ ꓟꓽ ꓙꓳ ꓢꓴ ꓙꓲ-ꓢꓴ ꓢꓲ ꓤ ꓕꓲ ꓦꓲ ꓢꓴ ꓠꓬꓲꓽ ꓫꓵꓸ ꓢ-ꓗꓯ ꓜꓶꓽ ꓚꓳˍ ꓟ ꓗꓪ ꓐꓶ ꓢꓰꓼ ꓗꓷ ꓗꓸ ꓠꓯꓸ꓾ ꓐꓶ ꓥꓳꓽ ꓡꓰꓳ ꓐꓰ ꓮ ꓕꓯˍ ꓟꓲ ꓟꓽ ꓙꓳ ꓠꓬꓲˍ ꓟ ꓑꓓꓝ ꓟꓯꓼ ꓟꓬꓱꓺ ꓗꓪ ꓐꓰ ꓖꓶ ꓬꓲꓽ ꓕꓳ ꓶ ꓓꓳ ꓡ ꓗꓷꓳ꓿
ꓗꓸ ꓠꓯꓸ ꓠꓬ ꓖꓳ ꓡꓱ ꓐꓶ ꓢꓰꓼ ꓡ ꓟ ꓔꓯ ꓘꓳ ꓣꓴ ꓟꓽ ꓐ ꓡ ꓐꓯ ꓢꓲꓸ ꓘꓴ ꓔꓴˍ ꓟˍ ꓕꓲꓽ ꓧꓪꓹ ꓬꓰ ꓓꓳ ꓡ ꓗꓷꓳ꓿ ꓘꓴ ꓔꓴ ꓟ ꓗꓪ ꓫꓵꓽ ꓟꓬꓱꓽ ꓬꓰ ꓢꓴ ꓟꓮꓲ-ꓗꓯ-ꓚꓳ-ꓟꓰꓼ ꓐꓯˍ ꓢꓴ ꓟ ꓧꓳꓽ ꓪꓴꓸ ꓟꓴˍ ꓡꓳ꓿