2025 ꓘꓳꓼ 7 ꓦ 5 ꓠꓬꓲ꓾ ꓟꓳꓼ ꓡꓳ 11 ꓙꓵꓹ ꓛꓲ ꓕꓯꓽ ꓑꓴ-ꓔ-ꓳ ꓟꓵꓽ꓾ ꓠꓟ-ꓕꓶ-ꓘꓴꓸ ꓘꓹ ꓔꓱꓹ ꓫꓵ ꓗꓪ ꓬꓲꓻ ꓔꓬ ꓟ ꓢꓲꓹ-ꓐꓯꓸ-ꓡꓯꓸ ꓡꓳ ꓗꓸ ꓗꓪ ꓤ ꓟꓶꓼ 2 ꓣꓳ ꓔꓲꓹ ꓫꓵꓻꓳ꓾ ꓐꓰ ꓓꓳꓽ ꓜꓳˍ ꓡꓳ꓿
“ꓬꓲꓸ ꓪ ꓕꓲ ꓜꓴ ꓮ-ꓡꓯ-ꓚꓰ ꓟꓲ ꓗꓪ ꓐꓰ ꓡꓽ ꓡ ꓟ ꓗꓪ ꓢꓲꓹ-ꓐꓯꓸ-ꓡꓯꓸ ꓡꓳ ꓗꓸ ꓟ ꓕꓲꓽ ꓕꓷꓹꓮꓼ ꓙꓵꓽ ꓟꓷꓸ ꓡ ꓢꓲ꓾ 3 ꓣꓳ ꓖꓴꓽ ꓡ ꓕꓯꓽ ꓤꓽ 1 ꓣꓳ ꓠꓬ ꓡꓲꓹ ꓡ꓾ ꓤ ꓟꓶꓼ 2 ꓣꓳ ꓠꓬ ꓐꓴꓻ ꓙꓰꓳ ꓙꓳꓽ꓿ ꓫꓵꓻ ꓟꓳ 1 ꓟꓳ ꓧꓪ ꓟꓶ ꓢꓲ꓾ ꓖꓳ ꓕꓲ ꓣꓳ ꓠꓬ ꓠꓟ-ꓕꓶ-ꓘꓴ 1 ꓗꓪ ꓔꓬ ꓢꓴ ꓥꓳ꓿ ꓟꓲꓸ ꓟꓲ ꓗꓪ ꓛꓲ ꓫꓵꓻ ꓟꓳ ꓟꓽ ꓧꓪ ꓟꓳ ꓢꓰꓽ ꓢꓴ ꓠꓬ ꓠꓟ-ꓜꓯ ꓗꓪ ꓐꓰ ꓠꓟ-ꓕꓶ-ꓘꓴ ꓗꓪ ꓕꓳ ꓶ ꓢꓳ ꓔꓬ ꓢꓴ ꓤ ꓟꓶ ꓡꓯꓸ ꓕꓲꓽ ꓣꓳ ꓥꓳ” ꓐꓰ ꓓꓳꓽ ꓜꓳ ꓢꓴ ꓡꓰ ꓐꓯˍ ꓡꓳ꓿
ꓢꓲꓹ-ꓐꓯꓸ-ꓡꓯꓸ ꓡꓳ ꓗꓸ ꓠꓬ ꓞꓳ ꓘꓹ ꓠꓬꓲꓽ ꓐꓶꓽ ꓬꓲꓻ ꓔꓬ ꓟ ꓥ ꓢꓲꓸ ꓠꓟ-ꓕꓶ ꓡꓳ ꓗꓪ ꓬꓲꓻ ꓝꓱ ꓡꓰ ꓟ ꓡꓳ ꓗꓸ ꓥ ꓡꓳ꓿
ꓠꓟ-ꓕꓶ-ꓘꓴꓸ ꓗꓪ ꓧꓶꓸ ꓕꓯ 2005 ꓘꓳꓼ ꓗꓪ ꓥ ꓟꓲ ꓬꓲ ꓙꓬ ꓮ ꓟꓬꓹ ꓙꓵꓽ ꓟꓷꓸ ꓡ ꓢꓲꓸ ꓞꓳ ꓘꓹ ꓢꓴ ꓦ ꓟꓲ ꓓꓰꓺ ꓮ ꓟꓬꓹ ꓐꓬ ꓡꓰ ꓟ ꓙꓳ ꓗꓷꓳ꓿ ꓞꓲ ꓠꓲꓹ 2025 ꓘꓳꓼ ꓗꓪ ꓠꓬ ꓞꓳ ꓫꓵꓻ ꓪ ꓫꓵꓻ ꓗꓪ ꓛꓲ ꓘꓶ ꓡꓶꓽ ꓓꓴ ꓔꓳꓹ ꓜꓳꓽ ꓡꓰ ꓟ ꓥ ꓡꓳ꓿