ꓠꓚꓮ ꓡꓯꓼ ꓓꓴ ꓢꓽ ꓔꓸ ꓟ ꓰꓮꓳ 10 ꓜꓴ ꓛꓰꓸ-ꓟꓮꓲꓽ ꓗꓪ ꓖꓪ ꓙꓱ ꓜꓲꓼ ꓓꓴ (5) ꓠꓬꓲ ꓬꓰ ꓠꓹ ꓟ ꓠꓬꓲꓸ ꓠꓬꓲ 2022 ꓘꓳꓼ 3 ꓦ 29 ꓠꓬꓲ ꓕꓯꓽ ꓪꓴꓸ ꓔꓴ ꓗꓷꓳ꓿
ꓠꓚꓮ-Nationwide Ceasefire Agreement ꓕꓲ ꓗꓴꓷꓼ ꓡꓱꓸꓼ ꓟꓽ ꓐꓶ ꓡꓯ ꓘꓳ ꓓꓴ ꓡꓯꓼ ꓓꓴ ꓢꓽ ꓔꓸ ꓟ꓾ ꓟꓵ ꓚꓰ ꓡ ꓞꓳ ꓑꓳꓺ ꓔꓯꓹ ꓜꓴ 10 ꓜꓴ ꓖꓪ ꓙꓱ ꓔꓬ ꓟ ꓥ ꓡꓳ꓿ ꓕꓱ 10 ꓜꓴ ꓔꓯ ꓬꓲꓸ ꓧꓶꓹ ꓚ ꓜꓴ ꓐꓯ ꓢꓲꓸ ꓑꓑꓢꓔ ꓜꓴ ꓒꓴ ꓢꓲꓸ ꓟꓬ-ꓟ ꓗꓴꓷꓼ ꓙꓵꓽ ꓢꓴ ꓐꓴˍ ꓐꓰ ꓢꓲ ꓡꓲꓹ ꓡ ꓚꓱꓹ ꓖꓪ ꓙꓱ ꓔꓬ ꓟ ꓥ ꓡꓳ꓿ ꓕꓲ ꓩꓴꓸ ꓐꓴ ꓐꓱ ꓶ ꓕꓱ ꓕꓲ ꓧꓪꓹ ꓠꓬ ꓗꓳꓸ ꓗꓷ ꓟ 3 ꓘꓳꓼ ꓘꓴꓽ ꓖꓪ ꓙꓱ ꓜꓲꓼ ꓓꓴ ꓟꓽ ꓙꓳ ꓙꓳ ꓔꓬ ꓗꓳꓸ ꓡ ꓢꓲꓸ꓾ ꓜꓴ ꓔꓶ ꓗꓷ ꓟ ꓗꓪ ꓐꓰ ꓕꓻ ꓑꓳꓸ 4 ꓧꓪꓹ ꓕꓲ ꓧꓪꓹ ꓟ ꓜꓲꓼ ꓓꓴ ꓥ ꓡꓳ꓿
ꓜꓲꓼ ꓓꓴ ꓗꓪ ꓢꓽ ꓡ ꓙꓵꓽ (3) ꓣꓳ ꓠꓬ꓾ ꓗꓠꓴ ꓢꓽ ꓡ ꓙꓵꓽ ꓟꓴ-ꓔꓴꓸ-ꓢꓯꓸ-ꓒꓴꓸ꓾ ꓣꓚꓢꓢ ꓗꓪ ꓐꓰ ꓢꓽ ꓡ ꓙꓵꓽ ꓬꓪꓯꓼ-ꓢꓰꓼ꓾ ꓠꓟꓢꓑ ꓗꓪ ꓐꓰ ꓢꓽ ꓡ ꓙꓵꓽ ꓠꓮꓲꓽ-ꓧ-ꓔ ꓐꓴ ꓬꓰˍ ꓡꓳ꓿
ꓟꓬ-ꓟ ꓟꓯꓼ ꓡꓰ ꓙꓵꓽ ꓪ ꓣꓴ ꓔꓯꓹ ꓙꓰ ꓢꓲꓸ ꓕꓲ ꓗꓴꓷꓼ ꓡꓱꓸꓼ ꓛꓽ ꓐꓲꓽ ꓛ ꓗꓪ ꓒꓬꓱꓼ ꓔꓬ ꓟ ꓦꓬꓼ ꓠꓬꓲ ꓗꓪ ꓑꓳꓺ ꓔꓯꓹ ꓟꓯꓼ 10 ꓜꓴ ꓮ ꓡꓲ ꓕꓲ ꓒꓳꓹ ꓫꓵꓸ ꓙꓰ ꓡ ꓥ ꓢꓶ? ꓐꓰ ꓮ ꓙꓵꓽ ꓢꓴ ꓢꓰꓸ ꓮ ꓢꓸ ꓔꓬ ꓡꓳ꓿
ꓖꓪ ꓙꓱ ꓜꓲꓼ ꓓꓴ ꓗꓪ ꓐꓶꓽ ꓗꓴꓷꓼ ꓗꓪ ꓐꓰ ꓝꓲ ꓓꓴ ꓐꓴ ꓥ ꓟꓲ ꓜꓲꓼ ꓔꓺ ꓔꓬ ꓡꓳ꓿ ꓬꓲꓸ ꓪ ꓠꓬꓸ
- 1. ꓟꓬ-ꓟ ꓐꓱ ꓶ ꓗ-ꓠꓯ-ꓓ ꓗꓴꓷꓼ ꓝꓲ ꓓꓴ ꓓꓽ ꓟ Mr. Francois Lafreniere
- 2ꓸ ꓟꓬ-ꓟ ꓐꓱ ꓶ ꓒꓲ-ꓡ ꓗꓴꓷꓼ ꓝꓲ ꓓꓴ ꓓꓽ ꓟ Mr. Pekka Shemeikka
- 3ꓸ ꓟꓬ-ꓟ ꓐꓱ ꓶ ꓠꓳ-ꓪꓯ ꓗꓴꓷꓼ ꓝꓲ ꓓꓴ ꓓꓽ ꓟ Ms. Hilde Solbakken
- 5. ꓳ-ꓢꓲ-ꓔꓯ-ꓡꓲ-ꓬ ꓗꓪ ꓐꓰ ꓝꓲ ꓓꓴ Mr. Bryan Bong
- 6. ꓲ-ꓔ-ꓡꓲ ꓗꓪ ꓐꓰ Deputy Head of Mission ꓥˍ ꓟ Mr. Andrea Ferrara
- 7. ꓢꓪꓰꓼ-ꓜꓲ-ꓡ ꓡ ꓞꓳ ꓡꓳꓸ ꓗꓽ ꓙ ꓚꓱꓹ ꓚꓴ ꓬꓲꓹ ꓖꓶꓽ ꓢꓴ Mr. Thomas Meier Nidecker
- 8. USAID ꓗꓪ ꓐꓰ ꓝꓲ ꓓꓴ Ms. Pamela Fessenden ꓐꓴ ꓥ ꓡꓳ꓿
ꓗꓲꓳ/ꓗꓲꓮ ꓠꓬ ꓠꓚꓮ ꓗꓪ ꓡꓯꓼ ꓓꓴ ꓟꓽ ꓢꓽ ꓔꓸ꓿