ꓑꓳꓡꓲꓚꓰ ꓟꓯꓼ ꓦꓲ ꓢꓲ ꓟ ꓐꓴ ꓮ ꓙꓵꓽ ꓟꓯꓼ ꓤꓹ ꓡꓽ ꓛꓴꓸ ꓐꓶ ꓢꓳ ꓜꓲꓼ ꓓꓴ ꓢꓳ ꓠꓹ ꓟ ꓕꓯꓽ ꓢꓲ ꓗꓪ ꓐꓰ ꓕꓵꓼ ꓪ ꓖꓶꓽ ꓩꓴ ꓡ ꓥ ꓟꓲ꓾ ꓟ-ꓴ-ꓑꓲ ꓡꓳ ꓒꓱ ꓗꓪ ꓔꓬ ꓟ ꓑꓳꓡꓲꓚꓰ ꓦꓲ ꓢꓲ ꓟ ꓐꓴ ꓠꓬ ꓢꓳ ꓜꓲꓼ ꓓꓴ ꓢꓳ ꓟꓽ ꓫꓳ ꓠꓬꓲ ꓢꓳ ꓜꓲꓼ ꓓꓴ ꓬꓰ ꓟꓽ ꓛꓱꓼ ꓐꓯ ꓡꓳ꓿
“ꓕꓱ 12 ꓦ ꓬꓲꓸ ꓪꓴꓸ ꓗꓪ ꓢꓳ ꓜꓲꓼ ꓓꓴ ꓒꓴ ꓓꓴ ꓬꓰ ꓥ ꓟꓲ꓾ ꓟꓯꓼ ꓟ ꓐꓴ ꓕꓲ ꓣꓳ ꓕꓲ ꓫꓵꓽ ꓕꓲ ꓒꓰꓸ ꓫꓵꓽ ꓢꓲꓸ ꓢꓳ ꓟꓽ ꓫꓳ ꓠꓰ ꓟꓯꓼ ꓤꓹ ꓢꓳ ꓜꓲꓼ ꓓꓴ ꓬꓰ ꓟꓽ ꓛꓱꓼ꓿ ꓟꓯꓼ ꓤꓹ ꓠꓲꓹ ꓟꓽ ꓫꓵ ꓠꓰ ꓟꓯꓼ ꓦꓲ ꓐꓱꓻ ꓗꓪ ꓟꓽ ꓔꓬ ꓔꓬ ꓚꓲ ꓛꓬ ꓦꓲ ꓗꓪ ꓙꓡꓽ ꓙꓰ ꓓꓴ ꓥꓳ ꓐꓯ ꓢꓴ ꓙꓳ ꓡꓳ” ꓐꓰ ꓖꓳ ꓗꓪ ꓢꓷꓸ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿
ꓟꓯꓼ ꓙꓵꓽ ꓡ ꓟ ꓔꓯ ꓠꓲꓹ ꓟꓽ ꓫꓵ ꓢꓴ ꓑ ꓫꓬ ꓐꓴ ꓔꓯ ꓥꓰꓸ ꓠꓹ ꓟ ꓑꓳꓡꓲꓚꓰ ꓟꓯꓼ ꓮ ꓟꓬꓹ ꓣꓱꓽ ꓬꓯꓼ ꓔꓬ ꓠꓬꓲ꓾ ꓤꓽ ꓑꓳꓡꓲꓚꓰ ꓐꓴ ꓡꓳ ꓒꓱ ꓞꓳ ꓘꓹ ꓗꓪ ꓟꓬꓱꓽ ꓚꓳ ꓙꓰ ꓕꓯꓽ ꓬꓲꓸ ꓪ ꓦꓲ ꓢꓲ ꓟ ꓐꓴ ꓔꓯ ꓠꓬ ꓟꓯꓼ ꓦꓲ ꓐꓱꓻ ꓡꓳꓸ ꓢꓴ ꓬꓰ ꓝꓲ ꓠꓹ ꓟ ꓕꓱ ꓡꓱ ꓕꓯꓽ ꓢꓲ ꓗꓪ ꓐꓰ ꓕꓵꓼ ꓪ ꓖꓶ ꓡ ꓟ ꓥꓳ ꓐꓰ ꓢꓪꓼ ꓢꓴ ꓐꓴ ꓡꓰ ꓢꓪꓼ ꓔꓬ ꓡꓳ꓿
ꓕꓯ ꓢꓲ ꓗꓪ ꓐꓰ ꓡˍ ꓟ ꓕꓵꓼ ꓪ ꓔꓯ ꓑꓳꓡꓲꓚꓰ ꓟꓯꓼ ꓦꓲ ꓢꓲ ꓟ ꓐꓴ ꓡꓰꓽ ꓒꓳꓹ ꓔꓳꓹ ꓩꓴ ꓡ ꓟ ꓬꓲꓸ ꓪꓴꓸ ꓕꓲ ꓧꓪꓹ꓾ ꓬꓲꓸ ꓪꓴꓸ ꓕꓲ ꓟ ꓥ ꓡꓳ꓿
ꓬꓲ ꓚꓰ꓾ ꓓꓦꓐ