2023 ꓘꓳꓼ 5 ꓦ 3 ꓠꓬꓲ ꓕꓯꓽ꓾ ꓲ-ꓓꓲ-ꓬ ꓗꓴꓷꓼ꓾ ꓟ-ꓠꓲ-ꓑꓴ ꓟꓵꓽ ꓫꓴ ꓗꓪ ꓙꓳˍ ꓟ ꓡꓳ ꓒꓱ ꓮ ꓟꓬꓹ ꓟ ꓗꓪ ꓗ-ꓔꓯꓸ ꓞꓳ ꓫꓵꓽ ꓐꓰ ꓛꓰꓸ ꓞꓳ ꓫꓵꓽ (ꓗꓴ-ꓗꓲ꓾ ꓜꓳ-ꓟꓲ) ꓐꓴ ꓢꓰꓼ ꓡꓯ ꓘꓳ ꓔꓴ ꓡ ꓢꓲ꓾ ꓦꓲ ꓮ ꓟꓬꓹ ꓛꓴ ꓩꓴ ꓔꓬ ꓡꓳ꓿
ꓲ-ꓓꓲ-ꓬ ꓢꓲꓽ ꓒꓽ ꓟꓯꓼ ꓐꓴ ꓡꓰ ꓢ ꓘꓪ ꓓꓳ ꓟꓽ ꓓ ꓟ ꓙꓵꓽ ꓗ ꓓꓳ ꓩꓴ ꓡ ꓡꓳ꓿
ꓕꓱ ꓡꓱ ꓒꓬꓱꓼ ꓡ ꓟ ꓫꓵꓽ ꓪꓴ ꓬꓲꓸ ꓚꓰꓺ ꓠꓬ ꓛꓰꓸ ꓞꓳ ꓫꓵꓽ ꓐꓴ ꓔꓬ ꓟ ꓟꓵꓽ ꓔꓯ ꓢꓲꓹ ꓠꓯ ꓟꓵꓽ ꓥ ꓡꓳ꓾ ꓐꓰ ꓟ-ꓠꓲ-ꓑꓴ ꓟꓵꓽ ꓫꓴ ꓙꓵꓽ ꓢꓴ ꓐꓴ ꓡꓰ ꓢꓪꓼ ꓩꓴ ꓡ ꓟ ꓑꓶꓸ ꓓꓴ꓾ ꓛꓰꓸ ꓞꓳ ꓫꓵꓽ ꓐꓴ ꓠꓲꓹ ꓢꓲꓼ ꓡ ꓡꓳ꓿
ꓢꓲꓹ ꓠꓯ ꓟꓵꓽ ꓥ ꓡꓳ ꓐꓯˍ ꓠꓬ ꓖꓳ ꓗꓪ ꓙꓳˍ ꓟ ꓞꓳ ꓘꓹ ꓮ ꓙꓵꓽ ꓒꓬꓹ ꓩꓴ ꓠ ꓗ ꓡ ꓟ ꓑꓶꓸ ꓓꓴ ꓢꓴꓺ ꓔꓴ ꓘꓴ ꓔꓴ ꓩꓴ ꓡ ꓡꓳ꓿ ꓖꓳ ꓕꓯꓽ ꓗꓴ-ꓗꓲꓸ ꓫꓵꓽ ꓐꓴ ꓡꓰ ꓛꓰꓸ ꓞꓳ ꓘꓹ ꓕꓲꓽ ꓘꓹ ꓔꓯ ꓮ ꓔꓳꓸ ꓓꓳꓼ ꓩꓴ ꓡ ꓠꓰ꓾ ꓕꓲꓽ ꓘꓹ ꓡꓱꓸꓼ ꓙꓬ ꓬꓰ ꓢꓲ꓾ ꓤ ꓠꓱ ꓕꓲꓽ ꓣꓳ ꓫꓵꓻꓳ꓿ ꓕꓱ ꓟ ꓗꓪ ꓐꓰ ꓖꓳ ꓑꓳꓸ ꓕ ꓑꓳꓸ ꓪꓽ ꓛꓴ ꓝꓱꓹ ꓡꓯ ꓘꓳ ꓔꓴ ꓡ ꓡꓳ꓿
ꓲ-ꓓꓲ-ꓬ ꓐꓰ ꓟꓬ-ꓟ ꓗꓴꓷꓼ ꓙꓵꓽ ꓢꓴ ꓐꓴ ꓠꓬ ꓟꓵ ꓘꓶꓽ ꓟꓵ ꓡꓯꓼ ꓗꓪ ꓔꓬ ꓟ ꓞꓳ ꓫꓵꓽ ꓤꓹ ꓤꓼ ꓐꓴ ꓔꓬ ꓟꓵꓽ ꓔꓯ ꓧꓪꓽ ꓫꓳ ꓖꓴ꓾ ꓢꓲꓹ ꓠꓯ ꓟꓲ ꓥ ꓐꓯ ꓢꓲ꓾ ꓕꓲ ꓞꓲꓼ ꓕꓲꓽ ꓟꓳꓽ ꓔꓬ ꓗꓳꓸ ꓡ ꓢꓴ ꓐꓴ ꓔꓯ ꓖꓼ ꓓꓳ ꓔꓬ ꓟ ꓥ ꓡꓳ꓿