ꓟ-ꓓꓲ-ꓡꓲ ꓗꓪ ꓢꓰ-ꓔꓴ-ꓗꓳ-ꓗꓳ ꓐꓰ꓾ ꓠꓰꓹ-ꓪꓯꓽ-ꓡꓮꓲꓽ ꓦꓲ ꓢꓲ ꓒ ꓦꓲ ꓢꓲ ꓟ ꓕꓲꓽ ꓜꓱꓻ ꓔꓯ ꓟꓽ ꓚꓬꓼ ꓟ ꓗꓪ ꓐꓶ ꓢꓰꓼ ꓜꓯꓼ ꓬꓰꓳ ꓐꓰ ꓔꓲꓖꓰꓣ ꓝꓳꓣꓚꓰ ꓟꓮꓠꓓꓮꓡꓮꓬ ꓡꓰꓽ 2022 ꓘꓳꓼ 8 ꓦ 24 ꓠꓬꓲ ꓕꓯꓽ ꓖꓶ ꓬꓲꓽ ꓣꓷꓠꓸ ꓩꓴ ꓡ ꓡꓳ꓿
ꓕꓱ ꓡꓱ ꓗ ꓬꓰˍ ꓟ ꓠꓬ꓾ ꓛꓽ ꓒꓽ ꓡꓰ ꓖꓶ ꓡ ꓟ ꓬꓲꓸ ꓝꓻ ꓬꓲꓸ ꓕꓳꓼ ꓥꓳꓽ ꓡꓰˍ ꓟ ꓑꓶꓸ ꓓꓴ ꓥ ꓢꓲ꓾ ꓕꓱ ꓟ ꓑꓶꓸ ꓓꓴ ꓠꓲꓹ ꓫꓸ ꓟꓬ ꓫꓸ ꓡꓰ ꓢꓴ ꓔꓯ ꓖꓶ ꓬꓲꓽ ꓥꓳ꓾ ꓗꓴꓷꓼ ꓒꓳꓹ ꓓꓳ ꓡꓰˍ ꓠꓬ꓾ ꓝꓴꓲꓸ ꓘꓳ ꓣꓴ ꓓꓴ ꓥꓳ꓾ ꓐꓯ ꓔꓸ ꓡꓳ꓿
ꓔꓲꓖꓰꓣ ꓝꓳꓣꓚꓰ ꓟꓮꓠꓓꓮꓡꓮꓬ ꓡꓰꓽ ꓢꓰꓼ ꓠꓹ ꓟ ꓟꓳꓸ ꓙ ꓔꓸ ꓢꓴ ꓠꓬ ꓚꓲꓓ ꓑꓳ-ꓡꓲ ꓟꓯꓼ ꓜꓲꓽ ꓢꓳꓸ-ꓗꓳꓽ-ꓗꓳꓽ ꓥ ꓡꓳ꓾ ꓐꓯ ꓔꓸ ꓡꓳ꓿
“ꓕꓱ ꓡꓱ ꓖꓶ ꓬꓲꓽ ꓓꓰꓼ ꓖꓼ ꓠꓰ ꓫꓵꓽ ꓪꓴ ꓫꓬꓻ ꓡꓰ ꓚꓰꓼ ꓠꓬ ꓠꓴ ꓪ ꓕꓲꓽ ꓦꓲ ꓔꓯ ꓖꓶ ꓢꓰꓼꓮ ꓠꓰ!” ꓐꓰ꓾ ꓝꓴꓲꓸ ꓓꓰꓺ ꓢꓴˍ ꓟꓲ ꓙꓳ ꓡꓳ꓿
“ꓕꓲ ꓗꓴꓷꓼ ꓡꓱꓸꓼ ꓗꓪ ꓟ ꓑ ꓫꓬ ꓐꓴ ꓔꓯ ꓢꓰꓼ ꓢꓲꓸ ꓖꓶ ꓬꓲꓽ ꓓꓴ ꓕꓲꓽ ꓘꓶꓽ ꓟꓽ ꓕꓱ ꓓꓳ ꓡ ꓢꓴ ꓕꓯꓽ ꓢꓲ ꓠꓬ ꓙꓲˍ ꓡꓳ” ꓐꓯ ꓢꓴˍ ꓟꓲ ꓙꓳ ꓡꓳ꓿
8 ꓦ 23 ꓠꓬꓲ ꓕꓯꓽ ꓐꓶ ꓢꓰꓼ ꓢꓲꓸ ꓟꓲꓸ ꓟꓲ 24 ꓠꓬꓲ ꓕꓯꓽ ꓙꓲ-ꓢꓴ ꓢꓲ ꓤ ꓦ ꓡꓱ ꓚꓱꓹ ꓡꓳ ꓚꓺ ꓫꓺ ꓔꓵꓸ ꓩꓴ ꓗꓷ ꓡꓳ꓿ ꓬꓲꓸ ꓪ ꓤ ꓟꓶꓼ ꓤꓹ ꓤ ꓕꓲ ꓣꓳ ꓜꓰ ꓒꓰꓹ ꓡꓳ꓿
ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓙꓵꓽ ꓪ ꓔꓯ ꓒꓳꓹ ꓔꓳꓹ ꓟ ꓦꓬꓼ ꓠꓬꓲ ꓗꓪ ꓑ ꓫꓬ ꓮ ꓙꓵꓽ ꓙꓲꓻ ꓣꓴꓽ ꓓꓴ ꓙꓳ ꓡ ꓔꓬ ꓟ ꓥ ꓡꓳ꓿