2021 ꓘꓳꓼ 6 ꓦ 22 ꓠꓬꓲ ꓠꓯꓼ 8 ꓙꓵꓹ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓟ-ꓓꓲ-ꓡꓲ ꓟꓵꓽ꓾ ꓛꓸ-ꓟꓬꓮꓼ-ꓔ-ꓢꓰ ꓡꓳ ꓒꓱ꓾ ꓙ ꓖꓴ 54/111 ꓐꓰ꓾ 112 ꓗꓪ ꓑꓳ ꓐꓶ ꓡꓯ ꓘꓳ ꓟ ꓙꓳ ꓡꓳ=
ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓰ꓾ ꓑ ꓫꓬ ꓟꓯꓼ ꓐꓴ ꓐꓶ ꓡꓯ ꓘꓳ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓠꓬ ꓬꓲꓸ ꓜꓴ ꓬꓲꓸ ꓟꓯꓼ ꓟꓳ ꓓꓳ ꓮ ꓟꓬꓹ ꓗꓪ ꓐꓰ ꓔꓶ ꓪꓱ ꓡ ꓔꓬ ꓡꓳ=
ꓑ ꓫꓬ ꓟꓯꓼ (ꓑꓓꓝ) ꓡꓰ ꓥ ꓟꓲ꓾ ” ꓠꓬꓲꓸ ꓠꓬꓲ ꓔꓳꓹ ꓡꓯ ꓘꓳ ꓪꓴꓸ ꓔꓴ ꓗꓷꓳ= ꓥꓪ ꓠꓴ ꓥꓳ ꓡꓳꓸ ꓔꓬ ꓟ ꓦꓬꓼ ꓠꓬꓲ ꓛꓲ ꓡꓻꓳ” ꓐꓰ ꓐꓯ ꓒꓬꓱꓺ ꓩꓴ ꓡ ꓡꓳ=
ꓕꓱ ꓕꓲ ꓑꓹ ꓗꓪ ꓛꓲ ꓥ ꓟꓲ ꓐꓶ ꓡꓯ ꓘꓳ ꓔꓬ ꓢꓰꓽ ꓡꓳ= ꓠꓻ ꓓꓴ ꓡꓰ ꓢꓴ ꓙꓳ ꓡꓳ ꓐꓯ ꓥ ꓟꓲ ꓠꓯ ꓞꓲꓼ ꓬꓰ ꓙ ꓢꓴ ꓐꓴ ꓙꓰ ꓟꓽ ꓐ ꓡ ꓢꓰ= ꓮ ꓡꓲ ꓐꓬ ꓡꓰ ꓟ ꓐꓰ ꓮ ꓟꓬ ꓣꓳ ꓠꓻ ꓓꓴ ꓡꓰ ꓟ ꓡꓯ ꓫꓵ ꓚꓲꓸ ꓚ ꓔꓬ ꓡꓳ=