ꓡꓲ-ꓢꓴ ꓟ ꓟꓹ ꓟ ꓮ-ꓛꓲ-ꓟꓲꓸ ꓔꓯ ꓧꓪ ꓔꓬ ꓢꓴ ꓬꓲꓸ ꓤꓽ ꓕꓲ ꓣꓳ ꓙꓳˍ ꓡꓳ꓾ ꓐꓰ ꓒ-ꓗ ꓗꓪ ꓔꓬ ꓟ ꓓꓳꓽ ꓐꓳ ꓒꓽ Zaw Moe Htet ꓡꓰ ꓢꓷ ꓙ ꓟꓴ ꓙ ꓔ ꓡꓳ꓿
ꓟꓹ ꓟ ꓔꓯ ꓧꓪ ꓔꓬ ꓢꓴ ꓢꓮꓲꓹ-ꓡꓯꓹ (ꓬꓲꓸ ꓟꓬꓱꓺ ꓚꓵ ꓟꓽ ꓥ) ꓠꓬ ꓮ ꓟꓶ 25 ꓘꓳꓼ ꓡꓳꓼ ꓬꓰ ꓢꓴ꓾ ꓢꓷꓸ ꓠꓲꓹ ꓢꓳ ꓚꓱꓹ ꓗꓪ BE (Civil) ꓙꓵꓽ ꓪꓴꓸ ꓛꓴꓽ ꓘꓳꓹ ꓔꓸ ꓢꓴ ꓕꓲ ꓣꓳ ꓥ ꓡꓳ꓾ ꓐꓯ ꓡꓳ꓿
“ꓞꓲꓼ ꓔꓯ ꓥꓪ ꓟꓹ ꓟ ꓡꓲ-ꓢꓴ ꓟ ꓔꓯ ꓕꓲ ꓧꓪꓹ ꓔꓲꓸ ꓠꓽ ꓜꓲ ꓠꓲꓹ ꓫꓵ ꓥ꓿ ꓜꓲ ꓪ ꓥꓳ ꓐꓯ ꓠꓽ ꓟꓹ ꓟ ꓔꓯ ꓢꓳꓸ ꓔꓸ ꓓꓴ ꓥꓳ” ꓐꓰ ꓢꓮꓲ-ꓡꓯꓹ ꓡꓰ ꓐꓯ ꓡꓳ꓿
ꓟꓹ ꓟ ꓧꓪ ꓔꓬ ꓓꓴ ꓤ ꓠꓱ ꓬꓲꓸ ꓐꓹ ꓐ ꓠꓬ ꓡꓳꓽ-ꓟꓲꓽ (ꓐ-ꓟ) ꓒꓽ꓾ ꓟꓹ ꓟ ꓠꓬ ꓡꓲ-ꓢꓴ ꓟ ꓮ-ꓛꓲ-ꓟꓲꓸ ꓥ ꓢꓲ꓾ ꓬꓲꓸ ꓪ ꓠꓬ ꓧꓶꓸ ꓕꓯꓽ ꓒ-ꓗꓸ ꓡꓳ ꓒꓱ ꓗꓪ ꓜꓲ ꓡꓯ ꓘꓳ ꓢꓲꓸ ꓦꓲ ꓕꓴꓽ ꓗꓷ ꓢꓴ ꓥ ꓡꓳ꓾ ꓐꓯ ꓡꓳ꓿
2001 ꓘꓳꓼ ꓗꓪ ꓤ ꓠꓱ ꓤ ꓐꓹ ꓐ ꓐꓰ ꓟꓹꓟ ꓠꓬ ꓦ ꓡꓱ ꓚꓱꓹ ꓑꓶꓸ ꓓꓴ ꓦꓲ ꓘꓴꓽ ꓧꓹ ꓡꓯ ꓘꓳ ꓢꓲ꓾ ꓤ ꓠꓱ ꓤꓼ ꓠꓬ ꓬꓲꓸ ꓐꓹ ꓐ ꓐꓰ ꓕꓲ ꓛꓳ ꓚꓮꓳꓼ-ꓑ-ꓓꓮꓳꓹ ꓡꓳ ꓒꓱ ꓗꓪ ꓚꓲꓸ ꓙꓰ ꓢꓲꓸ ꓖꓳ ꓗꓪ ꓔꓬ ꓪꓴꓽ ꓡ ꓢꓴ ꓥ ꓡꓳ꓾ ꓐꓯ ꓡꓳ꓿
ꓬꓲꓸ ꓟꓳꓻ ꓠꓲꓹ ꓫꓵ ꓢꓲꓸ ꓧꓪ ꓔꓬ ꓟ ꓡꓲ-ꓢꓴ ꓟ ꓮ-ꓛꓲ-ꓟꓲꓸ ꓢꓯꓸ ꓔꓬ ꓢꓰꓽ ꓠꓬ ꓧꓪ ꓟꓳꓻ ꓝꓲ ꓠꓹ ꓟ ꓐꓱ ꓶ ꓢꓷꓸ ꓢꓴ ꓐꓴ ꓠꓬ the Lisu Times ꓗꓪ ꓥ ꓟꓲ ꓓꓳꓽ ꓢꓷꓸ ꓡ ꓝꓲ ꓓˍ ꓡꓳ꓿