ꓟꓶ ꓦ ꓞꓯꓼ ꓝꓲꓸ ꓟꓽ ꓥ ꓗꓪ꓾ (ꓥ ꓠꓬ) ꓟꓶ ꓞ ꓞ ꓔꓬ ꓟ ꓗꓪ ꓐꓰ ꓕꓲ ꓕꓷꓹ ꓞꓼ ꓗꓪ ꓟꓲꓼ ꓪꓳꓼ ꓠꓯ ꓡꓰ ꓢꓲ ꓟꓶ ꓦ ꓦ ꓡ ꓟ ꓔꓯ ꓡꓲ-ꓢꓴ ꓒꓵꓽ ꓒ ꓐꓴ ꓡꓰ ꓟꓸ ꓟꓲ ꓢꓴ ꓟꓶ ꓦ ꓐꓯ ꓡꓳ= ꓫꓵꓻ ꓢꓴ ꓐꓴ ꓡꓱ ꓜꓳ ꓗꓪ ꓬꓲꓸ ꓪ ꓠꓲꓹ ꓠꓵ ꓢꓴ ꓐꓴ ꓙꓰ ꓜꓯꓼ ꓡ ꓕꓯ꓾ ꓟꓸ ꓟꓲ ꓢꓴ ꓐꓴ ꓡꓰ ꓠꓲꓹ ꓙ ꓟ ꓗꓪ ꓐꓰ ꓧꓪꓸ ꓧꓪꓸ ꓐꓯ ꓩꓴ ꓡ ꓟ ꓥ ꓡꓳ ꓐꓯ ꓚꓰꓼ ꓥ=
ꓖꓳ ꓡꓱ ꓪꓽ ꓡꓴꓸ ꓞꓰ ꓠꓬꓲ꓾ ꓟꓶ ꓦ ꓦ ꓜꓳꓽ ꓬꓯꓼ ꓡ ꓠꓬ꓾ ꓫꓵꓻ ꓢꓴ ꓔꓯ ꓫꓸ ꓪ ꓕꓱ ꓕꓯ ꓠ ꓠꓹ ꓗꓴˍ ꓡꓳ ꓐꓯ ꓡꓳ= “ꓰꓹ ꓰ꓾ ꓠꓴ ꓔꓯ ꓥꓪ ꓠꓴ ꓖꓶ ꓟꓲ ꓡꓰ ꓟꓽ ꓓ= ꓳꓸ ꓐꓯ ꓖꓶ ꓥꓪ ꓠꓴ ꓡꓽ ꓙꓰ ꓠꓹ ꓟ ꓟꓶ ꓦ ꓟ ꓠꓲꓹ ꓞ ꓜꓯꓼ ꓠꓽ ꓡꓰ ꓝꓲ ꓡꓯ ꓟꓽ” ꓐꓯ ꓖꓶ ꓠꓬ ꓠ ꓠꓹ ꓗꓴꓸ ꓡꓳ ꓐꓯ ꓡꓳ=
ꓕꓱ ꓟ ꓠꓬ ꓡꓲ-ꓢꓴ ꓒꓵꓽ ꓒ ꓐꓴ ꓢꓷꓸ ꓗꓳꓸ ꓡˍ ꓟ “ꓟꓸ ꓟꓲ ꓢꓴ ꓟꓶ ꓦ” ꓥ ꓡꓳ=