ꓟꓸ ꓒ ꓬꓯꓹ-ꓡꓲꓽ ꓢꓲꓺ ꓒ ꓠꓯꓼ ꓬꓲꓼ ꓟꓶ ꓡꓰꓳ

ꓑꓴ-ꓔ-ꓳ ꓟꓵꓽ꓾ ꓬꓲ-ꓚꓳ-ꓓꓰ ꓘꓹ ꓗꓪ ꓟ ꓟꓸ ꓒ ꓬꓯꓹ-ꓡꓲꓽ ꓠꓬ ꓠꓬꓲꓸ ꓠꓬꓲ 2022 ꓘꓳꓼ 6 ꓦ 23 ꓠꓬꓲ ꓟꓶ ꓘꓶꓼ 7 ꓙꓵꓹ ꓕꓯꓽ ꓢꓲꓺ ꓒ ꓠꓯꓼ ꓬꓲꓼ ꓟꓶ ꓡꓰꓳ꓿

ꓬꓲꓸ ꓠꓬ ꓑꓴ-ꓔ-ꓳ ꓗꓪ ꓐꓰ ꓬꓥ-ꓖꓳꓥ ꓗꓪ ꓠꓯꓺ ꓞꓲꓼ ꓫꓬꓹ ꓡ ꓢꓲꓸ ꓐꓵꓼ ꓟꓵ ꓗꓲ-ꓢ ꓠꓻ ꓫꓵꓽ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓡꓳꓹ ꓬꓰ ꓟ ꓥ ꓡꓳ꓿

“ꓥꓪ ꓠꓴ ꓮ ꓘꓶꓸ ꓢꓯꓼ ꓕꓵꓼ ꓗꓷ ꓥ ꓟꓲ ꓖꓼ ꓟꓽ ꓟꓶ ꓬꓰꓳ꓿ ꓧꓪꓸ ꓧꓪꓸ ꓪꓴꓽ ꓧꓶ ꓠꓽ ꓓꓴ ꓬꓰ” ꓐꓰ ꓬꓲꓸ ꓠꓻ ꓫꓬꓹ ꓔꓬ ꓕꓯꓽ ꓔꓳꓹ ꓙ ꓒꓴ ꓧꓪ ꓙ ꓬꓰ ꓙ ꓢꓴ ꓟꓸ ꓒꓽ ꓔꓳꓥ-ꓢꓶꓸ ꓡꓰ ꓬꓲꓸ FB status ꓗꓪ ꓐꓳ ꓔꓸ ꓡꓳ꓿

ꓟꓸ ꓒ ꓬꓯꓹ-ꓡꓲꓽ ꓧꓪ ꓖꓳ ꓓꓱꓽ ꓔꓯ ꓬꓥ-ꓖꓳꓥ ꓗꓪ ꓔꓬ ꓟ ꓟꓳ-ꓐꓲ ꓡꓳ ꓒꓱ ꓡꓲ-ꓢꓴ ꓐꓴ ꓡꓰ 2022 ꓘꓳꓼ 6 ꓦ 25 ꓠꓬꓲ ꓕꓯꓽ ꓫꓺ ꓔꓵꓸ ꓙ ꓠꓹ ꓟ ꓖꓪ ꓙꓱ ꓙꓽ ꓖꓶꓽ ꓔꓬ ꓡꓳ꓾ ꓐꓰ ꓓꓳꓽ ꓢꓷꓸ ꓪ ꓡꓳ꓿