(ꓢꓷꓸ ꓡꓰ ꓓꓴ꓾ ꓕꓱ ꓟ ꓠꓬ ꓖ-ꓟꓶ-ꓓꓰ ꓗꓪ ꓢꓴꓺ ꓔꓬ ꓟ ꓙ ꓖꓴ ꓔꓯ ꓟꓸ ꓒ ꓤ-ꓗꓳ ꓡꓰ ꓬꓲꓸ ꓡꓳꓸ ꓟꓳˍ ꓟ ꓡꓳ ꓚ Facebook ꓗꓪ ꓐꓳ ꓔꓸ ꓟ ꓥ ꓡꓳ꓿ ꓮ ꓙꓵꓽ ꓢꓴ ꓵꓺ ꓪ꓾ ꓓꓵꓽ ꓙ ꓖꓪꓽ ꓠꓬꓲ ꓪ ꓠꓹ ꓟ ꓡꓲ-ꓢꓴ ꓤꓶ ꓗꓪ ꓐꓰ ꓟꓳꓸ ꓖꓶ ꓩꓴ ꓡ ꓟ ꓥ ꓡꓳ)
ꓢꓯꓼ ꓖꓶ ꓘꓶ: ꓬꓲꓼ ꓠꓬꓲ. ꓖꓶ: ꓘꓶ:(5 ꓦꓻ 27ꓹ 2023)ꓖ-ꓟꓶ-ꓓꓰ ꓗꓪ ꓟ ꓣꓳ: ꓙꓲ-ꓢꓴ ꓘꓴ-ꓜꓲ-ꓞꓳ ꓐꓴꓳ꓾ 1. ꓣꓳ: ꓙꓲ-ꓢꓴ ꓘꓴ ꓜꓲꓼ ꓞꓳ ꓠꓬ ꓕꓲ: ꓟ.: ꓡꓰ: ꓥꓳ= ꓙꓲ-ꓢꓴ ꓘꓴ-ꓜꓲ-ꓞꓳ ꓬꓲ. ꓡꓵꓻꓙꓲ-ꓢꓴ ꓘꓴ-ꓜꓲ-ꓞꓳ ꓬꓲ. ꓫꓵꓼ ꓟ: ꓙꓳ=
2. ပေါင်းစည်းရေး ခရစ်တော်၏အသင်းတော်မရှိ ꓕꓱ ꓟ ꓠꓬ ꓧꓶ. ꓕꓯ: ꓟ ꓦꓬꓼ ꓠꓬꓲ ꓣꓳ: ꓠꓬ ꓕꓲ ꓠꓲꓹ ꓕꓲ: ꓪꓸꓼ ꓾ ꓪ : ꓡꓯ: ꓘꓳ ꓡꓯ꓾ ꓐꓰ ꓐꓯ ꓢꓲ.꓾ ꓢꓯꓼ ꓕꓵꓼ ꓗꓷˍꓟ ꓜꓴ ꓗꓳ-ꓟꓲ-ꓓꓲ ꓕꓲ: ꓟꓼˍ ꓡꓰ ꓥꓳ=
3. CPI ꓐꓰ ꓘꓴˍ ꓟ ꓘꓴ-ꓜꓲ-ꓞꓳ ꓟ: ꓙꓳ= ꓕꓱ ꓟ ꓠꓬ ꓘꓴ ꓜꓲ ꓞꓳ ꓪꓴ: ꓟꓴ ꓡ ꓚꓱꓹ ꓗꓪ ꓢꓯꓼ ꓖꓶ: ꓗꓷˍ ꓟ ꓢꓳ ꓚꓱꓹ ꓥ ꓢꓲ꓾ ꓘꓴ ꓜꓲ ꓞꓳ ꓗꓳ ꓡꓳ ꓗꓪ ꓢꓴ ꓓꓴ ꓙꓳ ꓡ ꓕ ꓑꓳ. ꓠꓬ ꓠ: ꓡꓰꓳ= ꓟ: ꓙꓳ ꓡꓰꓳ= 20 ꓘꓳꓼ ꓛꓲ ꓙꓳ ꓡꓻꓳ= ꓖꓳ ꓟ ꓔꓯ. ꓮ ꓟꓶ ꓥ ꓟꓲ ꓖꓳ ꓡꓰ ꓘꓴ ꓔꓬ ꓢꓴ ꓙꓳ ꓐꓭ ꓠꓬ ꓟ: ꓢꓷ. ꓢꓴ ꓥ ꓡꓳ= ꓝꓮꓲꓹ ꓟꓬ: ꓠꓬꓲ ꓐꓬ ꓡꓰ ꓝꓲ ꓢꓴ ꓥ ꓡꓳ=
4. ꓪ: ꓡꓯ: ꓘꓳ ꓟ: ꓠ ꓢꓲ꓾ ꓢꓲ: ꓒ: ꓖꓼ ꓙꓬ ꓗꓪ ꓗꓳꓹ ꓡꓯ: ꓘꓳ ꓗꓷ ꓟ ꓠꓬ ꓣꓳ: ꓪꓴ ꓢ ꓟꓬꓱ: ꓬꓰ ꓢꓴ ꓦ ꓡꓱ ꓢꓴ ꓐꓴ ꓬꓰ ꓙꓲ: ꓟ: ꓙꓳ= ꓘꓶ: ꓕꓴ. ꓖꓶ: ꓙꓲ: ꓟ: ꓙꓳ= ꓪꓴ ꓢ ꓒꓵ: ꓶ: ꓠꓬ ꓒꓰꓼ ꓬꓰ ˍ ꓟ ꓦ ꓚꓬꓴꓹ ꓠꓹ ꓟ ꓐꓰ ꓘꓴ ꓜꓲ ꓞꓳ ꓗꓪ ꓟ. ꓒ: ꓐꓴ ꓔꓯ. ꓬꓲ. ꓜꓲ ꓔꓳꓹ ꓙ ꓠꓹ ꓟ ꓐꓰ ꓫ. ꓢꓴ ꓔꓯ ꓫꓱ. ꓤꓼ ꓠꓹ ꓟ ꓡꓰ: ꓥ ꓡꓳ= ꓕꓱ ꓟ ꓠꓬ ꓪꓴ ꓢ ꓟꓬꓱ ꓓꓳ: ꓒꓬꓹ ꓟ ꓟꓬꓱ: ꓥ ꓡꓳ= ꓧꓪ: ꓠꓲꓹ ꓡꓶ: ꓗꓪ ꓟ ꓡ: ꓞꓳ ꓐꓴ ꓞꓳ ꓙꓳ ꓚꓱꓹ ꓡꓰ: ꓥ ꓡꓳ= 1ꓘꓳ 6: 1-8 5. ꓘꓴ ꓜꓲ ꓞꓳ ꓖꓴ: ꓙꓴ: ꓐꓰ ꓟꓵ: ꓠꓬ ꓙꓲ ꓢꓴ ꓘꓴ ꓜꓲ ꓞꓳ ꓡꓰ: ꓟꓶ ꓙꓲ: ꓙꓳˍ ꓡꓳ꓾ ꓐꓰ ꓫꓵ: ꓘꓶ: ꓖꓴ ꓡꓰꓳ= ꓖꓳ ꓟ ꓔꓯ. ꓘꓴ ꓣꓴ ꓙꓲ: ꓙꓳ ꓡꓳ= ꓢꓲꓻ ꓤ ꓐꓴ ꓔꓯ. ꓔꓱꓹ ꓔꓱꓹ ꓡꓰ: ꓟ. ꓖꓶ: ꓙꓲ: ꓙꓳ ꓡꓳ=ꓟꓬ: ꓠꓬꓲ ꓢꓴ ꓡ ꓠ ꓢꓯꓼ ꓖꓶ: ꓐꓭ ꓠꓬ ꓟꓬ: ꓠꓬꓲ ꓞꓳ. ꓡꓰ ꓓꓴ ꓒꓬꓱꓼ ꓡ ꓥꓳ=
ꓖꓴ: ꓙꓴ: ꓐꓱ ꓡꓯ ꓘꓳ ꓓꓴ ꓠꓬ ꓟ: ꓙꓳ ꓡꓰꓳ= ꓖꓴ ꓡꓰꓳ= ꓖꓳ ꓟ ꓠꓬ ꓣꓳ: ꓢꓲꓺ ꓣꓴ ꓗꓷˍ ꓟ ꓥ ꓡꓳ= ꓤꓶ ꓫꓵꓼ ꓗꓪ ꓟ ꓞꓳ ꓡꓱ ꓐꓴꓳ꓾ ꓢꓲꓻ ꓤ ꓐꓴꓳ꓾ ꓣꓳ: ꓮ ꓙꓵ: ꓢꓷ. ꓙꓲ: ꓙꓳ ꓡꓳ= ꓬꓲ. ꓚꓵ ꓠꓬ ꓮ ꓡꓰ ꓥ ꓡ? ꓐꓰ ꓧꓪ ꓟꓰꓹ ꓠꓬꓲ ꓓꓴ ꓬꓰ ꓡꓯ= 6. ꓐꓱ ꓡꓯ: ꓘꓳ꓾ ꓗꓪ ꓡꓯ: ꓘꓳ ꓟ ꓕꓯ: ꓢꓲ꓾ ꓔ ꓡꓯ: ꓘꓳˍ ꓟ ꓠꓬ ꓣꓳ: ꓪꓴ ꓢ ꓟꓬꓱ ꓓꓳ: ꓥ ꓢꓲ꓾ ꓠꓴ ꓟꓬꓱꓻ ꓓꓳ: ꓟꓲ ꓙꓳ ꓥꓳ= ꓟꓬ: ꓠꓬꓲ ꓢꓯꓼ ꓙꓳ ꓡ ꓓꓴ ꓡꓰ: ꓥꓳ= ꓮ ꓘꓶ. ꓒꓵ: ꓟ ꓥ ꓡꓳ= ꓖꓳ ꓡꓰ ꓠꓬꓲ ꓘꓴ ꓜꓲ ꓞꓳ ꓟꓬꓱꓻ ꓔꓯ.꓾ ꓬꓲ. ꓡꓵꓺ꓾ ꓬꓲ. ꓫꓵꓼ ꓕ: ꓗꓶ=ꓕꓽ ꓐꓯ꓿ ꓮ ꓠꓱ ꓕꓯ:ˍ ꓡꓰ: ꓣꓳ ꓔꓯ. ꓟ ꓠꓬ “ꓙꓲ-ꓢꓴ ꓘꓴ ꓜꓲ ꓞꓳ” ꓡꓰ: ꓥꓳ= ꓣꓳ: ꓮ ꓙꓵ: ꓔꓯ. ꓟ ꓠꓬ “ꓙꓲ-ꓢꓴ-ꓘꓴ-ꓜꓲ-ꓞꓳ” ꓥ ꓡꓳ= ꓕꓱ ꓟ ꓠꓬ ꓬꓲ. ꓚꓵ ꓚꓵ ꓟ ꓥ ꓡꓳ=
ꓠꓴ ꓠꓬ ꓙꓵꓻ ꓚꓱꓹ ꓗꓪ ꓠꓲꓹ ꓪꓴ: ꓢꓴ ꓥꓹ ꓡ? ꓜꓴ ꓗꓪ ꓧꓳ: ꓢꓴ ꓥꓹ ꓡ? ꓘꓴ ꓜꓲ ꓞꓳ ꓗꓪ ꓟ.ꓒ: ꓓ: ꓟ ꓥꓹ ꓡ? ꓟꓬꓱ: ꓡꓳ. ꓒ: ꓥ ꓡ? ꓞꓳ ꓡꓱ ꓧꓳ: ꓢꓴ ꓥꓹ ꓡ? ꓔꓱꓹ ꓟ ꓐꓰ ꓪꓴ ꓢ ꓠꓲꓹ ꓒꓴ ꓟ ꓚꓱꓹ ꓗꓪ ꓧꓳ: ꓪꓴ. ꓟꓴ ꓢꓴ ꓒꓬꓱꓼ ꓡ ꓝꓲ ꓡꓯ= ꓠꓴ ꓔꓯ. ꓮ ꓙꓵ: ꓢꓴ ꓥꓳ ꓡꓳ. ꓣꓱ: ꓬꓯꓼ ꓔꓬ ꓡꓳ=ꓢꓯꓼ ꓖꓶ: ꓢꓴ ꓧꓪ. ꓧꓪꓼ ꓤ-ꓗꓳ