ꓴꓢꓮ ꓔꓮꓫꓮꓢ ꓗꓪ ꓔꓬ ꓟ ꓟꓸ ꓒ ꓛꓽ-ꓬꓲ-ꓓꓰ ꓡꓰ ꓖꓪ ꓔꓸ ꓟ “ꓢꓲ ꓪꓰ ꓐꓱ ꓗꓪ” ꓐꓯˍ ꓟ ꓡꓲ-ꓢꓴ ꓥꓳꓽ ꓗꓪ ꓐꓰ ꓖꓪ ꓔꓸ ꓟ ꓙꓲ-ꓢꓴ ꓢꓲ ꓤ ꓟꓴ ꓖꓪ ꓘꓪꓸ Album ꓕꓲꓽ ꓟ ꓔꓯ 2022 ꓘꓳꓼ 12 ꓦ 11 ꓠꓬꓲ ꓕꓯꓽ ꓫꓬꓹ ꓓꓳ ꓩꓴ ꓡ ꓥꓳ꓿
“Allen Jackson – the Country Gospel Singer ꓑꓶꓸ ꓓꓴˍ ꓐꓰ꓾ ꓖꓪ ꓗꓹ ꓛꓲ ꓟ ꓐꓰ ꓠꓲꓹ ꓟ ꓗꓪ ꓡꓵꓹ ꓔꓴ ꓖꓶꓽ ꓐ ꓡ ꓟ ꓣꓳ ꓡꓲ-ꓢꓴ ꓙꓲ-ꓢꓴ ꓢꓲ ꓤ ꓟꓴ ꓖꓪ ꓐꓴ ꓑꓶꓸ ꓓꓴ ꓕꓱ ꓡꓱ ꓫꓬꓹ ꓠꓹ ꓟ ꓠꓲꓹ ꓟ ꓗꓪ ꓠꓲꓹ ꓡꓱ ꓡ ꓟ ꓥ ꓡꓳ” ꓐꓰ ꓟꓴ ꓖꓪ Album ꓕꓱ ꓟ ꓫꓬꓹ ꓠꓹ ꓟ ꓚꓱꓹ ꓔꓯ ꓬꓲꓸ ꓪꓴꓸ ꓕꓯꓽ ꓮ ꓡꓲ ꓐꓰ ꓓꓵꓽ ꓙ ꓛꓲ ꓡ꓾ ꓠꓲꓹ ꓡꓱ ꓡ ꓟ ꓙ ꓖꓴ ꓔꓯ ꓟꓸ ꓒ ꓛꓽ-ꓬꓲ-ꓓꓰ ꓡꓰ ꓐꓯ ꓟꓳꓸ ꓖꓶ ꓡ ꓡꓳ꓿
ꓟꓴ ꓖꓪ ꓮ ꓙꓵꓽ ꓠꓬ 14 ꓚꓱꓹ ꓥ ꓢꓲ꓾ ꓟꓑ3 ꓬꓰ ꓔꓸ ꓟ ꓥ ꓢꓲꓸ $10 ꓡꓰ ꓪꓴꓽ ꓖꓶ ꓓꓴ ꓙꓽ ꓖꓶ ꓔꓬ ꓡꓳ꓿ 2022 ꓘꓳꓼ 12 ꓦ 11 ꓠꓬꓲ ꓕꓯꓽ ꓔꓡꓚꓚ ꓪ ꓘꓴ ꓦꓲ ꓗꓪ ꓬꓲꓸ ꓪꓴꓸ ꓔꓴ ꓪꓴꓽ ꓖꓶ ꓓꓴ ꓥ ꓡꓳ꓾ ꓐꓯ ꓡꓳ꓿
“2021 ꓘꓳꓼ ꓗꓪ ꓐꓰ ꓫꓬꓹ ꓪꓴꓸ ꓔꓴ ꓩꓴ ꓡ ꓟ 2022 ꓘꓳꓼ 11 ꓦ ꓕꓯꓽ ꓫꓬꓹ ꓓꓳ ꓡꓰꓳ꓿ ꓟꓶ ꓢꓯꓼ ꓐꓰ ꓟꓴ ꓖꓪ ꓢꓯꓼ ꓖꓼ ꓙ ꓢꓴ ꓠꓬ ꓟꓸ ꓒ ꓟ-ꓕꓲ-ꓬꓯꓼ꓾ ꓟꓶ ꓢꓯꓼ ꓡꓴꓽ ꓖꓴ ꓠꓬ Omega Studio꓾ ꓟꓴ ꓖꓪ ꓢꓯꓼ ꓡꓴꓽ ꓔꓶꓸ ꓠꓬ Alpha Studio ꓗꓪ ꓥ ꓡꓳ꓿ ꓐꓬꓱꓽ ꓓꓱꓽ ꓖꓶ ꓢꓴ ꓠꓬ ꓥꓪ ꓦꓲ ꓢꓲ ꓟ Lay Yamin꓾ ꓟꓴ ꓖꓪ ꓘꓪꓸ ꓬꓲꓸ ꓢꓯꓼ꓾ ꓬꓲꓸ ꓐꓬꓱꓽ Printed and Produced in Texas by Bison Disc Studio ꓥ ꓡꓳ” ꓐꓰ ꓟꓴ ꓖꓪ Album ꓕꓱ ꓟ ꓫꓬꓹ ꓚꓰꓼ ꓔꓸ ꓟ ꓙ ꓖꓴ ꓔꓯ ꓟꓸ ꓒ ꓛꓽ-ꓬꓲ-ꓓꓰ ꓡꓰ ꓐꓯ ꓟꓳꓸ ꓖꓶ ꓡ ꓡꓳ꓿
ꓟꓴ ꓖꓪ ꓘꓪꓸ MP3 ꓕꓱ ꓟ ꓔꓯ ꓟꓬ-ꓟ ꓐꓰ ꓠꓱꓸ ꓐꓯꓼ ꓗꓴꓷꓼ ꓗꓪ ꓔꓬ ꓢꓴ ꓐꓴ ꓐꓱ ꓶ Online ꓗꓪ ꓐꓰ ꓪ ꓓ ꓠꓹ ꓟ ꓙꓽ ꓖꓶ ꓔꓬ ꓡꓳ꓾ ꓐꓯ ꓡꓳ꓿