ꓟꓸ ꓒ ꓒꓲ-ꓡꓲ-ꓢꓯꓸ ꓧꓪ ꓖꓳ ꓓꓱ ꓟꓳ-ꓐꓰ ꓗꓪ ꓫꓺ ꓗꓷꓳ

ꓘꓶ-ꓢꓶ-ꓓꓰ ꓙꓲ-ꓢꓴ ꓘꓴ ꓜꓲꓼ ꓞꓳ ꓗꓪꓸ ꓔꓬ ꓟ ꓟꓸ ꓒ ꓒꓲ-ꓡꓲ-ꓢꓯꓸ ꓧꓪ ꓖꓳ ꓓꓱꓽ ꓔꓯ 2023 ꓘꓳꓼ 4 ꓦ 11 ꓠꓬꓲ ꓕꓯꓽ ꓟꓳ-ꓐꓰ ꓗꓪ ꓫꓺ ꓔꓵꓸ ꓗꓷꓳ꓿

ꓟꓸ ꓒ ꓒꓲ-ꓡꓲ-ꓢꓯꓸ ꓠꓬ 1985 ꓘꓳꓼ ꓕꓯꓽ ꓠꓟ-ꓕꓶ-ꓘꓴꓸ ꓗꓪ ꓦꓵ ꓡꓳ꓿ 2006 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓰꓐꓲ ꓐꓰ ꓬꓚꓚꓢ ꓗꓪ ꓢꓲꓽ ꓫꓬ ꓕꓳ ꓶ ꓢꓳˍ ꓡꓳ꓿ 2013 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓕ-ꓖ ꓙꓲ-ꓢꓴ ꓘꓴ ꓜꓲꓼ ꓞꓳ꓾ ꓐꓱ-ꓕ-ꓠꓲ ꓢꓲꓽ ꓫꓬ ꓕꓳ ꓶ ꓢꓳ ꓦꓲ ꓐꓰ ꓮ ꓟꓶ ꓬꓲꓸ ꓢꓯꓼ ꓟꓬ ꓡꓳꓹ ꓬꓰ ꓗꓪ ꓛꓲ ꓘꓶ-ꓢꓶ-ꓓꓰ ꓙꓲ-ꓢꓴ ꓘꓴ ꓜꓲꓼ ꓞꓳ ꓗꓪ ꓪꓴ-ꓢ ꓟꓬꓱꓽ ꓬꓰ ꓢꓯꓼ ꓕꓵꓼ ꓗꓷꓳ꓿

ꓬꓲ ꓠꓬ ꓢꓲꓽ ꓒꓯꓼ ꓗꓲ-ꓢ ꓠꓻ ꓫꓵꓽ ꓜꓳꓻ ꓡꓰ ꓢꓲ꓾ ꓬꓥ-ꓖꓳꓥ ꓠꓯ ꓞꓲꓼ ꓦꓲ ꓓꓽ ꓟ ꓗꓪ ꓠꓻ ꓫꓬꓹ ꓥ ꓟꓲ ꓟꓽ ꓓ ꓡ ꓠꓬꓲ꓾ ꓖ-ꓟꓶ-ꓓꓰ ꓗꓪ ꓡꓽ ꓙꓰ ꓠꓹ ꓟ ꓰꓐꓲ ꓙꓳꓥꓽ ꓦꓲ ꓗꓪ ꓕꓲ ꓑꓹ ꓠꓽ ꓢꓲꓸ ꓡꓳꓸ ꓔꓬ ꓟ ꓗꓪ 2023 ꓘꓳꓼ 4 ꓦ 10 ꓠꓬꓲ ꓟꓶ ꓘꓶꓼ 3 ꓙꓵꓹ ꓕꓯꓽ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓬꓰ ꓟ ꓥ ꓡꓳ꓿

ꓬꓲꓸ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰ ꓕꓯꓽ ꓬꓲꓸ ꓦꓲ ꓢꓲ ꓟ ꓟꓸ ꓟ ꓟꓳ-ꓡꓲ ꓐꓰ꓾ ꓤ (2) ꓫꓵꓸ꓾ ꓤ ꓟꓶꓼ (1) ꓫꓵꓸ ꓜꓰ ꓒꓰꓹ ꓬꓰꓳ꓿