ꓠꓬꓲꓸ ꓠꓬꓲ 2021 ꓘꓳꓼ 6 ꓦ 13 ꓠꓬꓲ꓾ ꓢꓲ ꓒ ꓦꓬꓼ ꓠꓬꓲ ꓗꓪ ꓮ ꓡꓲ ꓗꓪ ꓛꓲ ꓟꓲ ꓟꓲ ꓡꓲ ꓟꓽ ꓓ ꓟ ꓟꓶ-ꓡ-ꓫꓵ-ꓓꓰ ꓘꓹ ꓙꓲ-ꓢꓴ ꓘꓴ ꓜꓲꓼ ꓞꓳ ꓞꓳ ꓡꓱ ꓤ ꓐꓴ ꓠꓬ ꓟꓶ-ꓚꓳ-ꓪ (1) ꓙꓲ-ꓢꓴ ꓘꓴ ꓜꓲꓼ ꓞꓳ ꓗꓪ ꓙ ꓡꓯ ꓘꓳ ꓢꓲꓸ ꓪ ꓘꓴ ꓜꓲꓼ ꓓꓴ ꓗꓪ ꓔꓺ ꓟꓶ ꓡꓰꓳ ꓐꓰ ꓟꓸ ꓒ ꓙꓬ-ꓒꓴ-ꓢꓯꓸ ꓡꓰ ꓐꓬꓱꓽ ꓟꓳꓸ ꓖꓶ ꓩꓴ ꓡ ꓡꓳ=
“ꓥꓪ ꓠꓴ ꓔꓯ ꓘꓳ ꓣꓴ ꓖꓶ ꓡ ꓢꓴ ꓘꓴ ꓜꓲꓼ ꓞꓳ ꓐꓴ ꓮ ꓙꓵꓽ ꓔꓯ ꓮ ꓘꓶꓸ ꓫꓸ ꓟꓳ ꓪ” ꓐꓰ꓾ ꓟꓶ-ꓡ-ꓫꓵ-ꓓꓰ ꓞꓳ ꓡꓱ ꓧꓳꓽ ꓢꓴ ꓟꓸ ꓒ ꓙꓬ-ꓒꓴ-ꓢꓯꓸ ꓡꓰ ꓐꓯ ꓡꓳ=
ꓕꓱ ꓟ ꓠꓬ ꓣꓳ ꓑꓴꓔꓮꓳ ꓟꓵꓽ ꓗꓪ ꓟ ꓘꓴ ꓜꓲꓼ ꓞꓳ ꓐꓴ ꓕꓲ ꓘꓹ ꓡꓲ ꓕꓲ ꓘꓹ ꓙ ꓡꓯ ꓘꓳ ꓟ ꓐꓰ꓾ ꓢꓯꓼ ꓖꓶ ꓡꓯ ꓘꓳ ꓟ ꓚꓱꓹ ꓬꓰ ꓟ ꓥ ꓡꓳ= ꓞꓳ ꓡꓱ ꓤꓼ ꓐꓴ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓟꓸ ꓒ ꓟꓸ ꓟ ꓐꓴ ꓠꓬ ꓬꓲꓸ ꓪ ꓐ ꓡ ꓟ ꓡꓳ ꓚ ꓮ ꓘꓶꓸ ꓢꓯꓼ ꓕꓵꓼ ꓔꓬ ꓟ ꓥ ꓡꓳ=
ꓘꓴ ꓜꓲꓼ ꓞꓳ ꓗꓪ ꓞꓳ ꓡꓱ ꓐꓴ ꓚꓳ ꓡ ꓟ꓾ ꓢꓲꓽ ꓫꓬ ꓕꓳ ꓶ ꓙꓳꓥ ꓗꓪ ꓐꓰ ꓚꓳ ꓡ ꓟ ꓙꓳ ꓚꓰꓼ ꓡꓳ= ꓪꓰ ꓤ ꓔꓯ ꓘꓳ ꓣꓴ ꓟ ꓐꓰ꓾ ꓜꓽ ꓓꓴ ꓙꓲ ꓙꓲ ꓫꓬꓹ ꓖꓶ ꓜꓽ ꓟ ꓠꓬ ꓠꓬ ꓣꓳ ꓡꓲ-ꓢꓴ ꓐꓴ ꓠꓯꓸꓼ ꓗꓪ ꓠꓬꓲꓸ ꓠꓬꓲ ꓗꓪ ꓛꓲ ꓮ ꓘꓶꓸ ꓡꓳꓸ ꓐꓲ ꓟ ꓡꓲ ꓒꓰꓼ ꓬꓰ ꓔꓬ ꓢꓰꓽ ꓟ ꓥꓳ=