“ꓮ ꓡꓲ ꓗꓪ ꓛꓲˍ ꓟꓲ ꓟꓲꓺ ꓡꓰ ꓟꓽ ꓓ ꓟ ꓟꓶ-ꓡ-ꓫꓵ ꓓꓰ” ꓐꓰ ꓟꓳꓽ ꓟꓸ ꓒ ꓕꓲ ꓦꓲ ꓡꓰ ꓟꓴ ꓖꓪ ꓚꓰꓼ ꓖꓪ ꓔꓸ ꓟ ꓟꓶ-ꓡ-ꓫꓵꓸ-ꓓꓰ ꓘꓹ꓾ ꓙꓲ-ꓢꓴ ꓘꓴ ꓜꓲꓼ ꓞꓳ ꓪ ꓘꓴ ꓦꓲ ꓗꓪ꓾ 2 ꓠꓬꓲ ꓢꓳ ꓜꓲꓼ ꓓꓴ ꓕꓲ ꓟ ꓬꓰ ꓪ ꓡꓰꓳ ꓐꓰ ꓓꓳꓽ ꓜꓳ ꓡ ꓡꓳ꓿
2022 ꓘꓳꓼ 3 ꓦ 18-19 ꓠꓬꓲ ꓗꓪ ꓢꓳ ꓜꓲꓼ ꓓꓴ ꓬꓰ ꓗꓷ ꓟ ꓥ ꓢꓲ꓾ ꓟꓸ ꓒ 4 ꓣꓳ ꓡꓰ ꓟꓴ ꓖꓪ ꓐꓰ ꓟꓸ ꓟꓲꓽ ꓚꓱꓹ ꓢꓯꓼ ꓖꓶ ꓟꓸ ꓖꓶ ꓗꓷꓳ꓾ ꓐꓯ ꓡꓳ꓿
“ꓟꓸ ꓒ ꓟꓳ-ꓫꓲ ꓠꓰ ꓠꓽ ꓠꓰ ꓖꓪ ꓜꓴ ꓟꓴ ꓖꓪ꓾ ꓟꓸ ꓒ ꓙꓬ-ꓬꓳ-ꓢ ꓠꓰ ꓠꓽ ꓠꓰ ꓛꓲ ꓐꓶ ꓟꓴ ꓖꓪ꓾ ꓟꓸ ꓒ ꓥꓪ-ꓬꓯꓼ-ꓓꓲ ꓠꓽ ꓠꓰ ‘ꓝꓸ ꓐꓯ ꓙꓰ ꓡꓯ’ ꓐꓯˍ ꓟ ꓟꓸ ꓟꓲꓽ ꓚꓱꓹ ꓐꓰ꓾ ꓟꓸ ꓒ ꓥꓪ-ꓢꓲ-ꓔꓸ ꓠꓰ ꓠꓽ ꓠꓰ ꓢꓲ-ꓫꓬ-ꓟ-ꓦ ꓟꓸ ꓟꓲꓽ ꓟꓸ ꓖꓶ ꓡ ꓢꓲꓸ ꓗꓹ ꓛꓲ ꓛꓲ ꓢꓳ ꓪ ꓬꓰꓳ” ꓐꓰ ꓖꓳ ꓕꓲ ꓘꓹ ꓘꓴ ꓜꓲꓼ ꓞꓳ ꓟꓸ ꓒ ꓙꓬ-ꓒꓴ-ꓢꓯꓸ ꓡꓰ ꓐꓯ ꓟꓸ ꓖꓶ ꓡ ꓡꓳ꓿
ꓟꓬ-ꓟ ꓗꓴꓷꓼ ꓗꓳ ꓟꓵꓽ ꓗꓪ꓾ ꓢꓷꓸ ꓠꓲꓹ ꓙꓳꓥꓽ ꓠꓽ ꓝꓲꓸ ꓦꓬꓼ ꓠꓬꓲ ꓕꓯꓽ ꓘꓴ ꓜꓲꓼ ꓞꓳ ꓡꓰ ꓧꓳꓽ ꓪꓴꓸ ꓟꓴ ꓢꓲꓸ ꓪꓴ-ꓢ ꓐꓯ ꓘꓶꓽ ꓐꓰ ꓪꓴꓽ ꓟꓴ ꓡ ꓚꓱ꓾ ꓢꓳ ꓜꓲꓼ ꓓꓴ ꓬꓰ ꓚꓰꓼ ꓟ ꓥ ꓡꓳ꓿
ꓕꓱ ꓕꓲ ꓧꓪꓹ ꓟꓶ-ꓡ-ꓫꓵ-ꓓꓰ ꓢꓳ ꓜꓲꓼ ꓓꓴ ꓗꓪ ꓢꓳ ꓡ ꓢꓴ ꓞꓳ ꓡꓯꓸ 100 ꓣꓳ ꓟꓽ ꓞꓲ ꓙꓳˍ ꓡꓳ ꓐꓰ ꓢꓷꓸ ꓪ ꓡꓳ꓿