ꓟꓶ-ꓡ ꓓꓽ ꓖꓴ ꓡꓵꓺ ꓚ ꓟꓽ ꓓ ꓬꓰꓳ

ꓟꓶ-ꓡ-ꓫꓵꓸ-ꓓꓰ ꓧꓳꓺ ꓚꓶꓹ ꓓꓽ ꓖꓴꓽ ꓡꓵꓺ ꓗꓪ “ꓓꓵꓽ ꓓꓳ ꓙꓰ ꓚꓳ ꓟꓽ ꓓ” ꓐꓰ ꓢꓷꓸ ꓡꓰ ꓓꓴ ꓕꓳ ꓶ ꓠꓷꓼ ꓔꓸ ꓡꓳ꓿

“ꓓꓽ ꓖꓴ ꓛꓲ ꓕꓳꓼ ꓕꓲꓺ ꓢꓲꓹ ꓒꓲꓽ ꓛꓲꓽ ꓬꓰ ꓖꓴ ꓠꓬꓲ ꓞꓳ ꓤ ꓞꓰ ꓫꓵꓻ ꓡ ꓥ ꓐꓯ ꓢꓲꓸ ꓑꓲꓸ ꓔꓸ ꓟ ꓥꓳ” ꓐꓰ ꓞꓳ ꓘꓹ ꓢꓴ ꓡꓰ ꓐꓯˍ ꓡꓳ꓿

ꓟꓶ-ꓡ-ꓫꓵ-ꓓꓰ ꓧꓳ ꓚꓶꓹ ꓓꓽ ꓖꓴꓽ ꓠꓬ 520 ꓑꓯꓸ ꓫꓵˍ ꓡꓳ꓿ ꓬꓲꓸ ꓪꓴꓸ ꓔꓶꓸ ꓢꓴ ꓠꓬ ꓟꓳꓽ ꓟꓸ ꓒ ꓬꓳ-ꓫꓴ ꓥ ꓢꓲ꓾ ꓮ ꓟꓶ ꓙꓳˍ ꓟ ꓠꓬ ꓗꓸ ꓠꓯꓸ ꓕꓲ ꓧꓪꓹ 2000 ꓘꓳꓼ ꓗꓪ ꓬꓲꓸ ꓫꓵꓼ ꓫꓬꓹ ꓓꓳ ꓔꓸ ꓟ ꓥ ꓡꓳ꓿ ꓙꓰꓰꓑ ꓟꓳ-ꓓꓳ ꓙꓰ ꓠꓹ ꓟ ꓫꓬꓹ ꓔꓸ ꓟ ꓥ ꓡꓳ꓿

ꓮ ꓟꓶ ꓠꓬ ꓑꓲꓹ-ꓡꓼ ꓭꓸ ꓜꓲ ꓘꓴ ꓓꓽ ꓖꓴꓽ ꓬꓲꓸ ꓫꓵꓼ ꓥ ꓿ꓲ ꓫꓬꓹ ꓓꓳ ꓡꓰ ꓠꓬꓲ ꓖꓳ ꓟ ꓔꓯ ꓬꓲꓸ ꓟꓶꓽ ꓓꓶꓽ ꓣ3: ꓔꓬ ꓡꓳ꓿

ꓟꓶ-ꓡ-ꓫꓵꓸ-ꓓꓰ ꓧꓳꓺ ꓚꓶꓹ ꓓꓽ ꓖꓴꓽ ꓡꓵꓺ ꓠꓬ ꓪꓰ ꓤ ꓮ ꓡꓲ ꓟ ꓡ ꓥ ꓟꓲ ꓐꓬꓱꓽ ꓓꓱꓽ ꓗꓹ ꓛꓲꓽ ꓫꓵˍ ꓟ ꓕꓲ ꓔꓶꓸ ꓥ ꓡꓳ꓿