ꓟꓶ-ꓡ-ꓓꓰ ꓗꓪ ꓟꓶꓽ ꓖꓶꓽ ꓠꓰ ꓞꓳ ꓤ ꓢꓰꓼ꓾ ꓞꓳ ꓘꓹ ꓗꓪ ꓓꓵꓽ ꓡ ꓢꓲ ꓙꓲ ꓣꓴ ꓓꓴ ꓙꓳ ꓔꓬ

2025 ꓘꓳꓼ 4 ꓦ 16 ꓠꓬꓲ ꓕꓯꓽ ꓑꓴ-ꓔ-ꓳ ꓟꓵꓽ꓾ ꓟꓶ-ꓡ-ꓓꓰ ꓪ ꓜꓱꓽ ꓡꓽ ꓚꓸ ꓔꓳ ꓟ ꓗꓪ ꓟꓶꓽ ꓖꓶꓽ ꓟꓯꓹ ꓔꓸꓳ ꓫꓵꓽ ꓕꓲꓽ ꓟ ꓠꓰ ꓡ ꓞꓳ ꓕꓲꓽ ꓣꓳ ꓕꓳꓼ ꓢꓰꓼꓳ ꓐꓰ ꓓꓳꓽ ꓜꓳ ꓡꓳ꓿

ꓟꓶꓽ ꓖꓶꓽ ꓕꓳꓼ ꓢꓰꓼ ꓢꓲꓸ ꓢꓲꓺ ꓒ ꓠꓯꓸꓼ ꓬꓲꓼ ꓟꓶ ꓡꓰ ꓢꓴ ꓠꓬ ꓟꓸ ꓟ ꓮ-ꓔ ꓥ ꓡꓳ꓾ ꓐꓯ ꓡꓳ꓿ ꓬꓲꓸ ꓫꓵꓻ ꓟꓳ ꓔꓯ ꓟꓲꓸ ꓟꓲ ꓠꓯꓼ ꓧꓪ ꓟꓶ ꓢꓲꓸ ꓔꓵꓸ ꓓꓳ ꓡꓰ ꓕꓯꓽ꓾ ꓟꓶꓽ ꓖꓶ ꓠꓬ ꓞꓳ ꓘꓹ ꓗꓪ ꓛꓲ ꓖꓼ ꓛꓲ ꓡ ꓟ ꓑꓶꓸ ꓓꓴ ꓟꓶ-ꓡ-ꓓꓰ ꓞꓳ ꓘꓹ ꓢꓴ ꓕꓱ ꓕꓲꓽ ꓑꓹ ꓔꓶꓹ ꓘꓰꓹ ꓔꓬ ꓡꓳ꓾ ꓐꓰ ꓓꓳꓽ ꓜꓳ ꓡꓳ꓿

“ꓟꓶ ꓖꓶ ꓟ ꓠꓽ ꓟꓯꓹ ꓔꓸꓳ ꓫꓵꓽ ꓥ꓿ ꓮ ꓫꓶ ꓖꓶ ꓬꓲꓸ ꓡꓳꓸ ꓒꓽ ꓟ ꓔꓯ ꓐꓶꓽ ꓢꓰ ꓗꓪ ꓗꓯ. ꓙꓲꓽ ꓩꓴ ꓡ ꓢꓲꓸ ꓮ ꓡꓻ ꓦ ꓐ 1 ꓟ ꓛꓲ ꓠꓯ ꓞꓲꓼ ꓫꓹ ꓠ ꓗ ꓬꓰꓳ ꓫꓵꓽ ꓥꓳ꓿ ꓠꓟ-ꓡꓲ-ꓘꓼ ꓡꓳ ꓚ ꓙꓰ ꓚꓳ ꓢꓲꓸ ꓟꓶ-ꓡ-ꓓꓰ ꓡꓽ ꓚꓸ ꓔꓳ ꓗꓪ ꓓꓯꓻ ꓑꓰ ꓡ ꓢꓲꓸ ꓖꓳ ꓗꓪ ꓞꓳ ꓤ ꓔꓯ ꓕꓳꓼ ꓢꓰꓼ ꓡꓻꓳ ꓙꓳ:” ꓐꓰ ꓞꓳ ꓘꓹ ꓢꓴ ꓡꓰ ꓓꓳꓽ ꓜꓳ ꓡꓳ꓿

ꓟꓶ-ꓚꓲ-ꓠ ~ ꓑꓴ-ꓔ-ꓳ ꓙ ꓖꓴ ꓗꓪ ꓗꓳꓸ ꓗꓷ ꓟ 11 ꓦ ꓗꓪ ꓥ ꓟꓲ ꓟꓶꓽ ꓖꓶꓽ ꓗꓳꓸ ꓡꓰ ꓢꓰꓼ ꓡ ꓢꓲꓸ ꓟꓸ ꓒ ꓮ-ꓔꓰ ꓥ ꓟꓲ ꓢꓲ ꓒ ꓠꓯꓸꓼ ꓬꓲꓼ ꓟꓶ ꓡꓰꓳ꓿ ꓟꓶꓽ ꓖꓶꓽ ꓖꓳ ꓟ ꓔꓯ ꓥ ꓟꓲ ꓐꓶ ꓢꓰꓼ ꓗꓷꓳ꓿

“ꓟꓶꓽ ꓖꓶꓽ ꓟ ꓞꓳ ꓘꓹ ꓗꓪ ꓓꓵꓽ ꓡꓻꓳ꓿ ꓐꓶ ꓢꓰꓼ ꓓꓴ ꓙꓵꓽ ꓪ ꓓꓰꓽ ꓠꓬꓹ ꓥ” ꓐꓰ ꓢꓷꓸ ꓢꓴ ꓕꓲ ꓣꓳ ꓡꓰ ꓐꓯ ꓡꓳ꓿