ꓟꓬ-ꓟ ꓟꓯꓼ ꓗꓳ-ꓢꓰ ꓔꓳꓹ ꓔꓬ ꓥ ꓟꓲ꓾ ꓟꓶ-ꓡꓯ-ꓫ ꓠꓬ NUG/NUCC ꓔꓯ ꓖꓪ ꓙꓱ ꓓꓴ ꓥꓳ꓾ ꓐꓰ ꓟꓶ-ꓡꓯ-ꓫ ꓐꓶꓽ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓮ-ꓓꓴ-ꓡ (Datuk Seri Saifuddin Abdullah) ꓡꓰ 2022 ꓘꓳꓼ 5 ꓦ 7 ꓠꓬꓲ ꓓꓳꓽ ꓐꓯ ꓟꓸ ꓜꓲꓼ ꓓꓴ ꓗꓪ ꓐꓯ ꓡꓳ꓿
“ꓟꓶ-ꓡꓯ-ꓫ ꓠꓬꓕꓲ ꓛꓱꓽ ꓛꓱꓽ ꓗꓪ ꓔꓺˍ ꓟ ꓟꓽ ꓥ꓿ ꓔꓺ ꓖꓶ ꓠꓰ ꓟꓶ-ꓡꓯ-ꓫ ꓐꓱ ꓶ ꓮ ꓫꓵꓽ ꓙꓲ ꓖꓴ ꓟꓽ ꓙꓳ꓿ ꓥ ꓠꓴ ꓬꓰ ꓠꓬꓹ ꓓꓴ ꓠꓽ ꓠꓰ ꓮ ꓙꓵꓽ ꓢꓴ ꓔꓯ ꓜꓲꓺ ꓡꓯ ꓘꓳ꓾ ꓖꓪ ꓙꓱ ꓖꓪ ꓟꓴ ꓠꓹ ꓟ ꓥꓳ” ꓐꓰ ꓐꓯ ꓡꓳ꓿
ꓠꓴꓖ/ꓠꓴꓚꓚ ꓐꓰ ꓟꓬ-ꓟ ꓗꓴꓷꓼ ꓚꓱꓹ ꓗꓪ ꓙ ꓡꓯ ꓘꓳ ꓠ ꓔꓸ ꓢꓴ ꓮ ꓙꓵꓽ ꓔꓯ ꓙ ꓡꓯ ꓘꓳ ꓟ ꓠꓬ ꓮ-ꓢꓰ-ꓬ ꓜꓴ ꓗꓪ ꓐꓰ ꓟꓬ-ꓟ ꓔꓯ ꓬꓰ ꓙ ꓚꓱꓹ (5) ꓘꓶꓽ ꓡꓳ ꓚ ꓬꓰˍ ꓟ ꓥ ꓡꓳ꓾ ꓐꓯ ꓡꓳ꓿
“ꓟꓬ-ꓟ ꓐꓱ ꓶ ꓮ-ꓢꓰ-ꓬ ꓝꓲ ꓓꓴ ꓓꓽ ꓟ ꓟꓬꓱꓽ ꓬꓰˍ ꓟ ꓗꓪ ꓚꓹ ꓠ ꓠ ꓠꓲꓹ ꓞ ꓬꓰ ꓐ ꓡ ꓠꓹ ꓟ ꓬꓲꓸ ꓚꓱꓹ ꓧꓪ ꓔꓬ ꓡꓳ” ꓐꓰ ꓐꓯ ꓡꓳ꓿