ꓟꓶ-ꓡꓯ-ꓫ ꓗꓪ ꓡꓲ-ꓢꓴ ꓟ ꓕꓲ ꓣꓳ ꓗꓯꓸ ꓢꓰꓼꓳ

2026 ꓘꓳꓼ 4 ꓦ 23 ꓠꓬꓲ ꓕꓯꓽ ꓟꓶ-ꓡꓯ-ꓫ ꓗꓴꓷꓼ꓾ ꓗꓪ-ꓡ-ꓡ-ꓐꓳ ꓡꓳ ꓒꓱ ꓗꓪ ꓡꓲ-ꓢꓴ ꓟ ꓕꓲ ꓣꓳ ꓔꓯ ꓬꓲꓸ ꓦꓲ ꓢꓲ ꓒꓽ ꓡꓰ ꓮ ꓕꓽ ꓗꓪ ꓐꓰ ꓗꓯꓸ ꓢꓰꓼꓳ꓾ ꓐꓰ ꓓꓳꓽ ꓜꓳˍ ꓡꓳ꓿

“Genting Court Block 1 ꓗꓪ ꓟꓲꓸ ꓟꓲ ꓟꓳꓼ ꓡꓳ 2 ꓙꓵꓹ ꓕꓯꓽ ꓡꓲ-ꓢꓴ ꓟ ꓕꓲ ꓣꓳ ꓔꓯ ꓗꓯꓸ ꓢꓰꓼꓳ꓿ ꓧꓹ ꓡꓯ ꓘꓳ ꓔꓸ ꓟ ꓬꓲꓸ ꓦꓲ ꓢꓲ ꓒꓽ ꓛꓰꓸ ꓒꓽ ꓟ ꓠꓰ ꓥꓳ꓿ ꓤ ꓠꓱ 3 ꓫꓵꓸ ꓜꓰ ꓒꓰꓹꓳ꓿ ꓮ ꓡꓲ ꓟꓽ ꓬꓰꓳ ꓟꓽ” ꓐꓰ ꓢꓷꓸ ꓢꓴ ꓕꓲ ꓣꓳ ꓡꓰ LT ꓔꓯ ꓓꓳꓽ ꓜꓳ ꓖꓶ ꓡ ꓡꓳ꓿

ꓢꓰꓼ ꓪ ꓡꓰ ꓢꓴ ꓠꓬ ꓑꓴ-ꓔ-ꓳ ꓟꓵꓽ ꓗꓪ ꓐꓰ ꓡ ꓢꓴ ꓤ ꓠꓱ 3 ꓣꓳ ꓙꓳˍ ꓟ ꓮ-ꓘꓴ ꓥ ꓡꓳ꓿ ꓕꓱ ꓟ ꓑꓶꓸ ꓓꓴ ꓫꓵꓽ ꓪꓳꓼ ꓐꓴ ꓠꓲꓹ ꓟ ꓫꓸ ꓓꓴ ꓓꓽ ꓟ ꓗꓷ ꓡꓰ ꓢꓲ꓾ ꓟꓶ-ꓡꓯ-ꓫ ꓗꓪ ꓔꓬ ꓟ ꓡꓲ-ꓢꓴ ꓞꓳ ꓪꓴꓽ ꓐꓴ ꓡꓰ ꓬꓰ ꓙꓲꓽ ꓙꓳˍ ꓟ ꓟꓬꓱꓽ ꓚꓱꓹ ꓬꓰ ꓙ ꓠꓹ ꓟ ꓓꓰꓽ ꓔꓸ ꓟ ꓕꓳ ꓶ ꓥ ꓟꓲ ꓓꓳ ꓡˍ ꓡꓳ꓿

ꓮ ꓟꓶ ꓗꓪ ꓛꓲ ꓟꓶ-ꓡꓯ-ꓫ ꓗꓪ ꓢꓴ ꓫꓵꓽ ꓢꓴ ꓪꓳꓼ ꓡꓰ ꓢꓰꓼ ꓪ ꓡꓰ ꓢꓴ ꓡꓲ-ꓢꓴ ꓟ 2 ꓣꓳ ꓙꓳ ꓡꓰꓳ꓿