ꓟꓶ-ꓡꓯ-ꓫꓸ ꓡꓲ-ꓢꓴ ꓬꓯꓽ ꓐꓯꓽ ꓗꓳ-ꓟꓲ-ꓔꓲ (Malaysia Lisu Refugee Committee) ꓗꓪ ꓐꓰ ꓟꓳꓼ ꓡꓳ ꓕꓯꓽ ꓤ ꓠꓱ ꓡꓳꓸ ꓙ ꓢꓳ ꓦꓲ (Day Care Center) ꓔꓯ 2023 ꓘꓳꓼ 1 ꓦ 9 ꓠꓬꓲ ꓗꓪ ꓐꓰ ꓒꓴ ꓪꓴꓸ ꓔꓴ ꓗꓷꓳ꓿
“ꓟꓶ-ꓡꓯ-ꓫ ꓗꓪ ꓛꓲ ꓔꓬ ꓟ ꓣꓳ ꓡꓲ-ꓢꓴ ꓤ ꓠꓱ ꓐꓴ ꓔꓯ ꓟꓳꓼ ꓡꓳ ꓗꓪ ꓡꓳꓸ ꓙ ꓖꓶ ꓢꓲꓸ ꓢꓷꓸ ꓠꓲꓹ ꓚꓱꓹ,꓾ ꓥꓳꓽ ꓫꓵꓽ ꓟꓸ ꓖꓶ ꓠꓹ ꓟ ꓥꓳ꓿ ꓗꓸ ꓠꓯ ꓠꓬ ꓮ ꓤ ꓕꓲ ꓕꓳꓼ ꓖꓳ ꓑꓳꓸ ꓢꓷꓸ ꓠꓲꓹ ꓕꓳ ꓶ ꓥ ꓟꓲ ꓝꓸ ꓢꓳ ꓙꓲ ꓠꓹ ꓟ ꓢꓪꓼ ꓔꓬ ꓡꓳ” ꓐꓰ LRM ꓢꓽ ꓡ ꓙꓵꓽ ꓕꓲ-ꓟꓳ-ꓕꓲ-ꓪꓴꓽ ꓙꓬ ꓡꓰ ꓐꓯˍ ꓡꓳ꓿
ꓢꓳ ꓦꓲ ꓓꓵꓽ ꓒꓵ 1 ꓣꓳ 20 ꓣꓟ꓾ ꓖꓪ ꓓꓴ 3 ꓜꓲ ꓒꓵꓽ 30 ꓣꓟ ꓐꓰ ꓦ ꓐ ꓕꓲꓽ ꓟ ꓗꓪ 130 ꓣꓟ ꓖꓳꓻ ꓔꓬ ꓡꓳ꓿ ꓤ ꓠꓱ ꓐꓴ ꓔꓯ ꓟꓳꓼ ꓡꓳ ꓜꓻ ꓥ ꓟꓲ ꓚꓸ ꓓꓴ ꓥ ꓡꓳ꓿
ꓢꓳ ꓦꓲ ꓗꓪ ꓠꓬ ꓤ ꓠꓱ ꓐꓴ ꓠꓬ ꓬꓲꓸ ꓞꓲꓼ 2 ꓘꓳꓼ ꓕꓯꓽ ꓢꓲ ꓐꓰ 5 ꓘꓳꓼ ꓙꓱ ꓘꓪ ꓢꓴ ꓔꓯ ꓘꓳ ꓣꓴ ꓔꓬ ꓟ ꓥ ꓡꓳ꓿