ꓡ ꓠꓹ ꓟ 2022 ꓘꓳꓼ 1 ꓦ 10 ꓠꓬꓲ ꓖꓳ ꓑꓳꓸ ꓗꓪ ꓐꓰ ꓟꓶ-ꓚꓲ-ꓠ ꓡꓳ ꓒꓱ ꓚꓳ ꓡꓳ ꓟ ꓡꓳ ꓒꓱ꓾ ꓘꓹ ꓒꓱ ꓟꓵꓽ ꓮ ꓙꓵꓽ ꓗꓪ ꓟꓬ-ꓟ ꓟꓯꓼ ꓶ ꓡꓯꓼ ꓜꓴ ꓡꓰ ꓫꓬꓹ ꓔꓸ ꓟ ꓐꓲ-ꓬ ꓪꓴꓽ ꓟꓽ ꓓ꓾ ꓚꓰꓹ ꓚꓳ ꓟꓽ ꓓ ꓐꓰ ꓟꓶ-ꓚꓲ-ꓠ ꓟꓵꓽ ꓙꓵꓽ ꓜꓴ ꓗꓲꓳ ꓡꓰ ꓕꓳ ꓶ ꓓꓳ ꓩꓴ ꓡ ꓡꓳ꓿
“ꓟꓬ-ꓟ ꓐꓲ-ꓬ꓾ ꓓ-ꓖꓳ ꓐꓲ-ꓬ꓾ ꓮꓐꓚ ꓐꓲ-ꓬ ꓮ ꓙꓵꓽ ꓟꓶ-ꓚꓲ-ꓠ꓾ ꓑꓴ-ꓔ-ꓳ꓾ ꓔꓶ- ꓙ ꓖꓴ ꓮ ꓗꓪ ꓛꓲ ꓛꓲ ꓚꓰꓹ ꓚꓳ ꓟꓽ ꓓ꓿ ꓜꓻ ꓜꓽ ꓔꓶꓸ꓾ ꓗꓔꓦ꓾ ꓐꓮꓣ ꓐꓰ ꓙꓲ ꓔꓲꓺ ꓗꓪ ꓪꓴꓽ ꓟꓽ ꓓ꓿ ꓕꓵꓼ ꓪ ꓔꓯ ꓟꓽ ꓛꓳ ꓢꓴ ꓔꓯ ꓝꓴꓲꓸ ꓖꓶ ꓓꓴ ꓥꓳ” ꓐꓰ ꓟꓶ-ꓚꓲ-ꓠ ꓟꓵꓽ ꓙꓵꓽ ꓗꓲꓳ ꓡꓰ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓟꓬ-ꓟ ꓟꓯꓼ ꓢꓯꓼ ꓙꓳ ꓡ ꓚꓱꓹ꓾ ꓟꓯꓼ ꓶ ꓡꓯꓼ ꓚꓱꓹ ꓔꓯ ꓟꓵꓽ ꓗꓳ ꓓꓵ ꓓꓵ ꓗꓴꓷꓼ ꓜꓴ ꓗꓪ ꓐꓰ ꓑꓲꓸ ꓞꓲꓽ ꓡ ꓠꓹ ꓟ ꓓꓰꓽ ꓔꓬ ꓟ ꓡꓰ ꓐꓰ꓾ ꓗꓴꓷꓼ ꓠꓯꓸꓼ ꓗꓪ ꓟ ꓑ ꓫꓬ ꓐꓴ ꓥ ꓟꓲ ꓢꓯꓼ ꓕꓵꓼ ꓑꓲꓸ ꓞꓲꓽ ꓠꓹ ꓟ ꓢꓯꓼ ꓕꓵꓼ ꓡ ꓔꓬ ꓟ ꓥ ꓡꓳ꓿
ꓑ ꓫꓬ ꓔꓯ ꓠꓬꓲꓸ ꓤꓲ ꓔꓬ ꓟ ꓟꓬ-ꓟ ꓟꓯꓼ ꓔꓯ ꓔꓺ ꓢꓴ ꓐꓴ꓾ ꓟꓬ-ꓟ ꓟꓯꓼ ꓐꓱ ꓶ ꓢꓯꓼ ꓩꓴ ꓙ ꓔꓬ ꓟ ꓶ ꓡꓯꓼ ꓜꓴ ꓐꓴ ꓔꓯ ꓔꓯ ꓒꓳꓹ ꓔꓳꓹ ꓟ ꓟꓬꓱꓽ ꓠꓬ ꓮ ꓕꓽ ꓟꓽ ꓚꓰꓼ ꓪꓽ ꓠꓬꓲ ꓡ ꓔꓬ ꓡꓳ꓿