2022 ꓘꓳꓼ 4 ꓦ 15 ꓠꓬꓲ꓾ ꓟꓶꓼ ꓘꓶꓼ 5 ꓙꓵꓹ ꓛꓲ ꓕꓯꓽ ꓟꓶ-ꓚꓲ-ꓠ ꓘꓳꓼ ꓫꓵꓼ ꓙ ꓖꓴ ꓫꓱꓽ ꓬꓲ ꓙꓬ ꓕꓲꓽ ꓑꓮꓲ ꓬꓰ ꓔꓬ ꓟ ꓗꓪ ꓡ ꓛꓴꓸ ꓐꓶ ꓡ ꓢꓲꓸ ꓡ ꓞꓳ ꓮ ꓟꓬꓹ ꓔꓷꓹ ꓛꓰꓹ ꓠ ꓗꓷ ꓡꓰꓳ꓾ ꓐꓰ ꓓꓳꓽ ꓜꓳˍ ꓡꓳ꓿
“ꓟꓳꓻ ꓢꓴ ꓠꓰ ꓐꓯ ꓕꓽ ꓠꓽ ꓠꓰ ꓡ ꓛꓴꓸ ꓔꓯꓹ ꓔꓸ ꓢꓴ ꓟ ꓟꓳ-ꓓꓳ ꓗꓪ ꓚꓳꓸ ꓡ ꓢꓲꓸ ꓐꓶ ꓡꓻꓳ ꓙꓳꓽ꓿ ꓮ ꓡꓲ ꓕꓲ ꓜꓴ ꓥ ꓡꓲꓸ ꓟꓽ ꓢꓷꓸ” ꓐꓰ ꓟꓶ-ꓚꓲ-ꓠ ꓢꓴ ꓕꓲ ꓣꓳ ꓡꓰꓽ ꓐꓯ ꓡꓳ꓿
ꓟꓶ-ꓚꓲ-ꓠ ꓗꓪ ꓟꓲꓸ ꓟꓲ ꓠꓬ ꓙ ꓖꓴ ꓢꓲꓸ ꓬꓲ ꓙꓬ ꓕꓲꓽ ꓳꓮꓲ ꓗꓪ ꓙꓰ ꓔꓬ ꓢꓴ ꓮ ꓟꓬꓹ ꓡꓳꓸ ꓟꓳˍ ꓟ ꓕꓲ ꓠꓬꓲ ꓥ ꓡꓳ꓿
ꓟꓬꓼ ꓓꓳꓽ ꓙꓳˍ ꓟ ꓟꓴ ꓖꓪ ꓖꓪ ꓒꓽ ꓠꓳꓹ-ꓠꓳꓽ ꓐꓴ ꓥ ꓟꓲ ꓟꓶ-ꓚꓲ-ꓠ ꓬꓲꓐꓙꓬ ꓕꓲꓽ ꓑꓮꓲ ꓗꓪ ꓟꓴ ꓖꓪ ꓖꓪ ꓔꓬ ꓟ ꓡꓳꓸ ꓟꓳ ꓡꓳ꓿ ꓖꓳ ꓟ ꓑꓶꓸ ꓓꓴ ꓮ-ꓒꓴ ꓫꓵꓽ ꓐꓴ ꓥ ꓟꓲ ꓬꓲꓸ ꓔꓯ ꓔꓳꓹ ꓢꓴ ꓙꓳˍ ꓡꓳ꓿
ꓟꓬ-ꓟ ꓕꓲ ꓗꓴꓷꓼ ꓡꓱꓸꓼ ꓗꓪ ꓠꓬ ꓐꓱ ꓓꓴꓽ ꓗꓪ ꓔꓬ ꓢꓴ꓾ ꓦꓲ ꓟꓽ ꓙꓳ ꓬꓰ ꓢꓴ꓾ ꓫꓵꓻ ꓢꓴ ꓐꓴ ꓐꓱ ꓶꓽ ꓠꓲꓹ ꓙ ꓙꓽ ꓗꓳ ꓟ ꓢꓷꓸ ꓡꓰ ꓓꓴ ꓐꓯ ꓢꓲ꓾ ꓧꓶꓸ ꓕꓯꓽ ꓡꓰ ꓐꓰ ꓬꓲ ꓙꓬ ꓟꓽ ꓕꓲꓽ ꓕꓲꓽ ꓦꓲ ꓗꓪ ꓟꓽ ꓪꓳꓹ ꓔꓬ ꓢꓴ ꓟꓬꓽ ꓡꓳ꓿